Liturgischer Kalender

Römisches Messbuch 1962 (Ausserordentliche Form)

1969 1962

Heute Mittwoch, 15. April 2026

Mittwoch in der Weißen Woche

Osterzeit IV. Klasse Weiß

1 Hl. Remigius, Bischof und Bekenner 2 Hll. Schutzengel 3 Hl. Theresia vom Kinde Jesu, Jungfrau 4 19. Sonntag nach Pfingsten 5 Hll. Pacidus und Gefährten 6 Hl. Bruno, Bekenner 7 Fest des hochheiligen Rosenkranzes der heiligen Jungfrau Maria 8 Hl. Birgit, Witwe 9 Hl. Johannes Leonhard, Bekenner 10 Hl. Franz Borgia, Bekenner 11 20. Sonntag nach Pfingsten 12 Montag in der 20. Woche nach Pfingsten 13 Hl. Edward, König und Bekenner 14 Hl. Kallistus, Papst und Martyrer 15 Hl. Theresia von Avila, Jungfrau 16 Hl. Hedwig von Andechs, Witwe 17 Hl. Margarita-Maria Alacoque, Jungfrau 18 21. Sonntag nach Pfingsten 19 Hl. Petrus von Alcantara, Bekenner 20 Hl. Johannes von Kenty, Bekenner 21 Hl. Hilarion, Abt 22 Donnerstag in der 21. Woche nach Pfingsten 23 Hl. Antonius Maria Claret, Bischof und Bekenner 24 Hl. Raphael, Erzengel 25 22. Sonntag nach Pfingsten 26 Hl. Evaristus, Papst und Martyrer 27 Dienstag in der 22. Woche nach Pfingsten 28 Hll. Simon und Judas Thaddäus, Apostel 29 Donnerstag in der 22. Woche nach Pfingsten 30 Freitag in der 22. Woche nach Pfingsten 31 Samstag in der 22. Woche nach Pfingsten

Sonntag, 4. Oktober 2026 II. Klasse

19. Sonntag nach Pfingsten

nach Pfingsten Grün

Quelle: tempora · tempora/Pent19-0

Rubriken

Gloria: ja Credo: ja Präfation: Trinitatis

Kommemorationen

Hl. Franz von Assisi, Bekenner III. Klasse

Messproprium

Introitus

Salus pópuli ego sum, dicit Dóminus: de quacúmque tribulatióne clamáverint ad me, exáudiam eos: et ero illórum Dóminus in perpétuum.

Ps 77:1

Attendite, pópule meus, legem meam: inclináte aurem vestram in verba oris mei.

Salus pópuli ego sum, dicit Dóminus: de quacúmque tribulatióne clamáverint ad me, exáudiam eos: et ero illórum Dóminus in perpétuum

Kollekte

Omnípotens et miséricors Deus, univérsa nobis adversántia propitiátus exclúde: ut mente et córpore páriter expedíti, quæ tua sunt, líberis méntibus exsequámur.

Epistel

Léctio Epístolæ beáti Pauli Apóstoli ad Ephésios

Ephes 4:23-28

Fratres: Renovámini spíritu mentis vestræ, et indúite novum hóminem, qui secúndum Deum creátus est in justítia et sanctitáte veritátis. Propter quod deponéntes mendácium, loquímini veritátem unusquísque cum próximo suo: quóniam sumus ínvicem membra. Irascímini, et nolíte peccáre: sol non occídat super iracúndiam vestram. Nolíte locum dare diábolo: qui furabátur, jam non furétur; magis autem labóret, operándo mánibus suis, quod bonum est, ut hábeat, unde tríbuat necessitátem patiénti.

Graduale

Ps 140:2

Dirigátur orátio mea, sicut incénsum in conspéctu tuo, Dómine.

Elevatio mánuum meárum sacrifícium vespertínum. Allelúja, allelúja

Ps 104:1

Confitémini Dómino, et invocáte nomen ejus: annuntiáte inter gentes ópera ejus. Allelúja.

Evangelium

Sequéntia ++ sancti Evangélii secúndum Matthǽum

Matt 22:1-14

In illo témpore: Loquebátur Jesus princípibus sacerdótum et pharisǽis in parábolis, dicens: Símile factum est regnum cœlórum hómini regi, qui fecit núptias fílio suo. Et misit servos suos vocáre invitátos ad nuptias, et nolébant veníre. Iterum misit álios servos, dicens: Dícite invitátis: Ecce, prándium meum parávi, tauri mei et altília occísa sunt, et ómnia paráta: veníte ad núptias. Illi autem neglexérunt: et abiérunt, álius in villam suam, álius vero ad negotiatiónem suam: réliqui vero tenuérunt servos ejus, et contuméliis afféctos occidérunt. Rex autem cum audísset, iratus est: et, missis exercítibus suis, pérdidit homicídas illos et civitátem illórum succéndit. Tunc ait servis suis: Núptiæ quidem parátæ sunt, sed, qui invitáti erant, non fuérunt digni. Ite ergo ad exitus viárum et, quoscúmque invenéritis, vocáte ad núptias. Et egréssi servi ejus in vias, congregavérunt omnes, quos invenérunt, malos et bonos: et implétæ sunt núptiæ discumbéntium. Intrávit autem rex, ut vidéret discumbéntes, et vidit ibi hóminem non vestítum veste nuptiáli. Et ait illi: Amíce, quómodo huc intrásti non habens vestem nuptiálem? At ille obmútuit. Tunc dixit rex minístris: Ligátis mánibus et pédibus ejus, míttite eum in ténebras exterióres: ibi erit fletus et stridor déntium. Multi enim sunt vocáti, pauci vero elécti.

Offertorium

Ps 137:7

Si ambulávero in médio tribulatiónis, vivificábis me, Dómine: et super iram inimicórum meórum exténdes manum tuam, et salvum me fáciet déxtera tua.

Stillgebet

Hæc múnera, quǽsumus, Dómine, quæ óculis tuæ majestátis offérimus, salutária nobis esse concéde.

Kommunion

Ps 118:4-5

Tu mandásti mandáta tua custodíri nimis: útinam dirigántur viæ meæ, ad custodiéndas justificatiónes tuas.

Schlussgebet

Tua nos, Dómine, medicinális operátio, et a nostris perversitátibus cleménter expédiat, et tuis semper fáciat inhærére mandátis.