Liturgischer Kalender
Römisches Messbuch 1962 (Ausserordentliche Form)
Mittwoch in der Weißen Woche
Mo
Di
Mi
Do
Fr
Sa
So
1 Fest der Beschneidung des Herrn2 2. Tag der Weihnachtsoktav3 3. Tag der Weihnachtsoktav4 Fest des heiligsten Namens Jesu5 5. Tag der Weihnachtsoktav6 Erscheinung des Herrn7 Zweiter Tag der Epiphanie-Oktav8 Dritter Tag der Epiphanie-Oktav9 Vierter Tag der Epiphanie-Oktav10 Fünfter Tag der Epiphanie-Oktav11 Sonntag in der Oktav der Erscheinung des Herrn12 Siebter Tag der Epiphanie-Oktav13 Gedächtnis der Taufe unseres Herrn Jesus Christus14 Hl. Hilarius, Bischof, Bekenner und Kirchenlehrer15 Hl. Paulus, erster Einsiedler, Bekenner16 Hl. Marcellus, Papst und Martyrer17 Hl. Antonius, Abt18 Zweiter Sonntag nach Erscheinung19 Hl. Knut, König und Martyrer20 Hll. Fabian und Sebastian, Märtyrer21 Hl. Agnes, Jungfrau und Martyrerin22 Hl. Vinzenz und Anastasius, Märtyrer23 Hl. Raimund von Penyafort, Bekenner24 Hl. Timotheus, Bischof und Märtyrer25 Dritter Sonntag nach Erscheinung26 Hl. Polykarp, Bischof und Martyrer27 Hl. Johannes Chrysostomos, Bischof, Bekenner und Kirchenlehrer28 Hl. Petrus Nolaskus, Bekenner29 Hl. Franziskus von Sales, Bischof, Bekenner und Kirchenlehrer30 Hl. Martina, Jungfrau und Martyrerin31 Hl. Johannes Bosco, Bekenner
Dienstag, 6. Januar 2026 I. Klasse
Erscheinung des Herrn
- Quelle
- sancti · sancti/01-06
Rubriken
Gloria: ja Credo: ja Präfation: Epiphaniae
Messproprium
Introitus
Ecce, advénit dominátor Dóminus: et regnum in manu ejus et potéstas et impérium.
Ps 71:1
Deus, judícium tuum Regi da: et justítiam tuam Fílio Regis.
Ecce, advénit dominátor Dóminus: et regnum in manu ejus et potéstas et impérium.
Kollekte
Deus, qui hodiérna die Unigénitum tuum géntibus stella duce revelásti: concéde propítius; ut, qui jam te ex fide cognóvimus, usque ad contemplándam spéciem tuæ celsitúdinis perducámur.
Epistel
Léctio Isaíæ Prophétæ
Is 60:1-6
Surge, illumináre, Jerúsalem: quia venit lumen tuum, et glória Dómini super te orta est. Quia ecce, ténebræ opérient terram et calígo pópulos: super te autem oriétur Dóminus, et glória ejus in te vidébitur. Et ambulábunt gentes in lúmine tuo, et reges in splendóre ortus tui. Leva in circúitu óculos tuos, et vide: omnes isti congregáti sunt, venérunt tibi: fílii tui de longe vénient, et fíliæ tuæ de látere surgent. Tunc vidébis et áfflues, mirábitur et dilatábitur cor tuum, quando convérsa fúerit ad te multitúdo maris, fortitúdo géntium vénerit tibi. Inundátio camelórum opériet te, dromedárii Mádian et Epha: omnes de Saba vénient, aurum et thus deferéntes, et laudem Dómino annuntiántes.
Graduale
Isa 60:6; 60:1
Omnes de Saba vénient, aurum et thus deferéntes, et laudem Dómino annuntiántes.
Surge et illumináre, Jerúsalem: quia glória Dómini super te orta est. Allelúja, allelúja
Matt 2:2.
Vídimus stellam ejus in Oriénte, et vénimus cum munéribus adoráre Dóminum. Allelúja.
Evangelium
Sequéntia ++ sancti Evangélii secúndum Matthǽum
Matt 2:1-12
Cum natus esset Jesus in Béthlehem Juda in diébus Heródis regis, ecce, Magi ab Oriénte venerunt Jerosólymam, dicéntes: Ubi est, qui natus est rex Judæórum? Vidimus enim stellam ejus in Oriénte, et vénimus adoráre eum. Audiens autem Heródes rex, turbatus est, et omnis Jerosólyma cum illo. Et cóngregans omnes principes sacerdotum et scribas pópuli, sciscitabátur ab eis, ubi Christus nasceretur. At illi dixérunt ei: In Béthlehem Judæ: sic enim scriptum est per Prophétam: Et tu, Béthlehem terra Juda, nequáquam mínima es in princípibus Juda; ex te enim éxiet dux, qui regat pópulum meum Israël. Tunc Heródes, clam vocátis Magis, diligénter dídicit ab eis tempus stellæ, quæ appáruit eis: et mittens illos in Béthlehem, dixit: Ite, et interrogáte diligénter de púero: et cum invenéritis, renuntiáte mihi, ut et ego véniens adórem eum. Qui cum audíssent regem, abiérunt. Et ecce, stella, quam víderant in Oriénte, antecedébat eos, usque dum véniens staret supra, ubi erat Puer. Vidéntes autem stellam, gavísi sunt gáudio magno valde. Et intrántes domum, invenérunt Púerum cum María Matre ejus, (hic genuflectitur) et procidéntes adoravérunt eum. Et, apértis thesáuris suis, obtulérunt ei múnera, aurum, thus et myrrham. Et respónso accépto in somnis, ne redírent ad Heródem, per aliam viam revérsi sunt in regiónem suam.
Offertorium
Ps 71:10-11
Reges Tharsis, et ínsulæ múnera ófferent: reges Arabum et Saba dona addúcent: et adorábunt eum omnes reges terræ, omnes gentes sérvient ei.
Stillgebet
Ecclésiæ tuæ, quǽsumus, Dómine, dona propítius intuere: quibus non jam aurum, thus et myrrha profertur; sed quod eisdem munéribus declarátur, immolátur et súmitur, Jesus Christus, fílius tuus, Dóminus noster:
Kommunion
Matt 2:2
Vídimus stellam ejus in Oriénte, et vénimus cum munéribus adoráre Dóminum.
Schlussgebet
Præsta, quǽsumus, omnípotens Deus: ut, quæ sollémni celebrámus officio, purificátæ mentis intellegéntia consequámur.