Liturgischer Kalender

Römisches Messbuch 1962 (Ausserordentliche Form)

1969 1962

Heute Mittwoch, 15. April 2026

Mittwoch in der Weißen Woche

Osterzeit IV. Klasse Weiß

1 Montag nach dem ersten Sonntag im Advent 2 Hl. Bibiana, Jungfrau und Martyrin 3 Hl. Franz Xaver, Bekenner 4 Hl. Petrus Chrysologus, Bischof, Bekenner und Kirchenlehrer 5 Freitag nach dem ersten Sonntag im Advent 6 Hl. Nikolaus, Bischof und Bekenner 7 Zweiter Sonntag im Advent 8 Fest der unbefleckten Empfängnis der heiligen Jungfrau Maria 9 Dienstag nach dem zweiten Sonntag im Advent 10 Mittwoch nach dem zweiten Sonntag im Advent 11 Hl. Damasus, Papst und Bekenner 12 Freitag nach dem zweiten Sonntag im Advent 13 Hl. Lucia, Jungfrau und Märtyrerin 14 Dritter Sonntag im Advent 15 Montag nach dem dritten Sonntag im Advent 16 Hl. Eusebius, Bischof und Martyrer 17 Quatembermittwoch im Advent 18 Donnerstag nach dem dritten Sonntag im Advent 19 Quatemberfreitag im Advent 20 Quatembersamstag im Advent 21 Vierter Sonntag im Advent 22 Montag nach dem vierten Sonntag im Advent 23 Dienstag nach dem vierten Sonntag im Advent 24 Vigil der Geburt des Herrn 25 Fest der Geburt des Herrn 26 Hl. Stephanus, Erzmartyrer 27 Fest des heiligen Apostels und Evangelisten Johannes 28 Vierter Tag der Weihnachtsoktav 29 Fünfter Tag innerhalb der Weihnachtsoktav 30 Sechster Tag innerhalb der Weihnachtsoktav 31 Siebter Tag der Weihnachtsoktav

Samstag, 6. Dezember 2025 III. Klasse

Hl. Nikolaus, Bischof und Bekenner

Advent Weiß

Quelle: sancti · sancti/12-06

Rubriken

Gloria: ja Credo: nein

Messproprium

Introitus

Ps 20:2-3

In virtúte tua, Dómine, lætábitur justus: et super salutáre tuum exsultábit veheménter: desidérium ánimæ ejus tribuísti ei.

Ps 20:4

Quóniam prævenísti eum in benedictiónibus dulcédinis: posuísti in cápite ejus corónam de lápide pretióso.

In virtúte tua, Dómine, lætábitur justus: et super salutáre tuum exsultábit veheménter: desidérium ánimæ ejus tribuísti ei.

Kollekte

Deus, qui beátum Nicoláum Pontíficem innúmeris decorásti miráculis: tríbue, quǽsumus; ut ejus méritis et précibus a gehénnæ incéndiis liberémur.

O Gott, der du den heiligen Bischof Nikolaus durch unzählige Wunder ausgezeichnet hast, verleihe uns, wir bitten dich, die Gnade, daß wir vor den Flammen der Hölle bewahrt bleiben.

Epistel

Léctio Epístolæ beáti Pauli Apóstoli ad Hebrǽos

Hebr 13:7-17

Fratres: Mementóte præpositórum vestrórum, qui vobis locúti sunt verbum Dei: quorum intuéntes éxitum conversatiónis, imitámini fidem. Jesus Christus heri et hódie: ipse et in sǽcula. Doctrínis váriis et peregrínis nolíte abdúci. Optimum est enim grátia stabilíre cor, non escis, quæ non profuérunt ambulántibus in eis. Habémus altáre, de quo édere non habent potestátem, qui tabernáculo deserviunt. Quorum enim animálium infértur sanguis pro peccáto in Sancta per pontíficem, horum córpora cremántur extra castra. Propter quod et Jesus, ut sanctificáret per suum sánguinem pópulum, extra portam passus est. Exeámus ígitur ad eum extra castra, impropérium ejus portántes. Non enim habémus hic manéntem civitátem, sed futúram inquírimus. Per ipsum ergo offerámus hóstiam laudis semper Deo, id est fructum labiórum confiténtium nómini ejus. Beneficéntiæ autem et communiónis nolíte oblivísci: tálibus enim hóstiis promerétur Deus. Obœdíte præpósitis vestris et subjacéte eis. Ipsi enim pervígilant, quasi ratiónem pro animábus vestris redditúri.

Graduale

Ps 88:21-23

Invéni David servum meum, óleo sancto meo unxi eum: manus enim mea auxiliábitur ei, et bráchium meum confortábit eum.

Nihil profíciet inimícus in eo, et fílius iniquitátis non nocébit ei.

Allelúja, allelúja.

Ps 91:13

Justus ut palma florébit: sicut cedrus Líbani multiplicábitur. Allelúja.

Evangelium

Sequéntia ++ sancti Evangélii secúndum Matthǽum

Matt 25:14-23

In illo témpore: Dixit Jesus discípulis suis parábolam hanc: Homo péregre proficíscens vocávit servos suos, et trádidit illis bona sua. Et uni dedit quinque talénta, álii autem duo, álii vero unum, unicuíque secúndum própriam virtútem, et proféctus est statim. Abiit autem, qui quinque talénta accéperat, et operátus est in eis, et lucrátus est ália quinque. Simíliter et, qui duo accéperat, lucrátus est ália duo. Qui autem unum accéperat, ábiens fodit in terram, et abscóndit pecúniam dómini sui. Post multum vero témporis venit dóminus servórum illórum, et pósuit ratiónem cum eis. Et accédens qui quinque talénta accéperat, óbtulit ália quinque talénta, dicens: Dómine, quinque talénta tradidísti mihi, ecce, ália quinque superlucrátus sum. Ait illi dóminus ejus: Euge, serve bone et fidélis, quia super pauca fuísti fidélis, super multa te constítuam: intra in gáudium dómini tui. Accéssit autem et qui duo talénta accéperat, et ait: Dómine, duo talénta tradidísti mihi, ecce, ália duo lucrátus sum. Ait illi dóminus ejus: Euge, serve bone et fidélis, quia super pauca fuísti fidélis, super multa te constítuam: intra in gáudium dómini tui.

Offertorium

Ps 88:25

Véritas mea et misericórdia mea cum ipso: et in nómine meo exaltábitur cornu ejus. (Allelúja.)

Stillgebet

Sanctífica, quǽsumus, Dómine Deus, hæc múnera, quæ in sollemnitáte sancti Antístitis tui Nicolái offérimus: ut per ea vita nostra inter advérsa et próspera úbique dirigátur.

Kommunion

Ps 88:36; 88:37-38

Semel jurávi in sancto meo: Semen ejus in ætérnum manébit: et sedes ejus sicut sol in conspéctu meo, et sicut luna perfécta in ætérnum, et testis in coelo fidélis. (Allelúja.)

Schlussgebet

Sacrifícia, quæ súmpsimus, Dómine, pro sollemnitáte sancti Pontíficis tui Nicolái, sempitérna nos protectióne consérvent.