Liturgischer Kalender
Römisches Messbuch 1962 (Ausserordentliche Form)
Mittwoch in der Weißen Woche
Mo
Di
Mi
Do
Fr
Sa
So
1 Allerheiligen2 21. Sonntag nach Pfingsten3 Montag in der 21. Woche nach Pfingsten4 Hl. Karl Borromeus, Bischof und Bekenner5 Mittwoch in der 21. Woche nach Pfingsten6 Donnerstag in der 21. Woche nach Pfingsten7 Freitag in der 21. Woche nach Pfingsten8 Hll. Vier gekrönte Märtyrer9 22. Sonntag nach Pfingsten10 Hl. Andreas Avellino, Bekenner11 Hl. Martin, Bischof und Bekenner12 Hl. Martin, Papst und Martyrer13 Hl. Didacus, Bekenner14 Hl. Josaphat, Bischof und Bekenner15 Hl. Albert der Große, Bischof, Bekenner und Kirchenlehrer16 23. Sonntag nach Pfingsten17 Hl. Gregor der Wundertäter, Bischof und Bekenner18 Weihe der Basiliken der hll. Apostel Petrus und Paulus19 Hl. Elisabeth, Witwe20 Hl. Felix von Valois, Bekenner21 Mariä Opferung22 Hl. Cäcilia, Jungfrau und Martyrerin23 24. und letzter Sonntag nach Pfingsten24 Hl. Johannes vom Kreuz, Bekenner und Kirchenlehrer25 Hl. Katharina, Jungfrau und Martyrerin26 Hl. Silvester, Abt27 Donnerstag in der 24. Woche nach Pfingsten28 Freitag in der 24. Woche nach Pfingsten29 Hl. Saturninus, Martyrer30 Erster Adventssonntag
Samstag, 1. November 2025 I. Klasse
Allerheiligen
- Quelle
- sancti · sancti/11-01 (C3a)
Rubriken
Gloria: ja Credo: ja
Messproprium
Introitus
Gaudeámus omnes in Dómino, diem festum celebrántes sub honóre Sanctórum ómnium: de quorum sollemnitáte gaudent Angeli et colláudant Fílium Dei.
Ps 32:1
Exsultáte, justi, in Dómino: rectos decet collaudátio.
Gaudeámus omnes in Dómino, diem festum celebrántes sub honóre Sanctórum ómnium: de quorum sollemnitáte gaudent Angeli et colláudant Fílium Dei.
Kollekte
Omnípotens sempitérne Deus, qui nos ómnium Sanctórum tuórum mérita sub una tribuísti celebritáte venerári: quǽsumus; ut desiderátam nobis tuæ propitiatiónis abundántiam, multiplicátis intercessóribus, largiáris.
Epistel
Léctio libri Apocalýpsis beáti Joánnis Apóstoli.
Apoc 7:2-12
In diébus illis: Ecce, ego Joánnes vidi álterum Angelum ascendéntem ab ortu solis, habéntem signum Dei vivi: et clamávit voce magna quátuor Angelis, quibus datum est nocére terræ et mari, dicens: Nolíte nocére terræ et mari neque arbóribus, quoadúsque signémus servos Dei nostri in fróntibus eórum. Et audívi númerum signatórum, centum quadragínta quátuor mília signáti, ex omni tribu filiórum Israël. Ex tribu Juda duódecim mília signáti. Ex tribu Ruben duódecim mília signáti. Ex tribu Gad duódecim mília signati. Ex tribu Aser duódecim mília signáti. Ex tribu Néphthali duódecim mília signáti. Ex tribu Manásse duódecim mília signáti. Ex tribu Símeon duódecim mília signáti. Ex tribu Levi duódecim mília signáti. Ex tribu Issachar duódecim mília signati. Ex tribu Zábulon duódecim mília signáti. Ex tribu Joseph duódecim mília signati. Ex tribu Bénjamin duódecim mília signáti. Post hæc vidi turbam magnam, quam dinumeráre nemo póterat, ex ómnibus géntibus et tríbubus et pópulis et linguis: stantes ante thronum et in conspéctu Agni, amícti stolis albis, et palmæ in mánibus eórum: et clamábant voce magna, dicéntes: Salus Deo nostro, qui sedet super thronum, et Agno. Et omnes Angeli stabant in circúitu throni et seniórum et quátuor animálium: et cecidérunt in conspéctu throni in fácies suas et adoravérunt Deum, dicéntes: Amen. Benedíctio et cláritas et sapiéntia et gratiárum áctio, honor et virtus et fortitúdo Deo nostro in sǽcula sæculórum. Amen.
Graduale
Ps 33:10; 33:11
Timéte Dóminum, omnes Sancti ejus: quóniam nihil deest timéntibus eum.
Inquiréntes autem Dóminum, non defícient omni bono. Allelúja, allelúja.
Matt 11:28
Veníte ad me, omnes, qui laborátis et oneráti estis: et ego refíciam vos. Allelúja.
Evangelium
Sequéntia ++ sancti Evangélii secúndum Matthǽum
Matt 5:1-12
In illo témpore: Videns Jesus turbas, ascéndit in montem, et cum sedísset, accessérunt ad eum discípuli ejus, et apériens os suum, docébat eos, dicens: Beáti páuperes spíritu: quóniam ipsórum est regnum cœlórum. Beáti mites: quóniam ipsi possidébunt terram. Beáti, qui lugent: quóniam ipsi consolabúntur. Beáti, qui esúriunt et sítiunt justítiam: quóniam ipsi saturabúntur. Beáti misericórdes: quóniam ipsi misericórdiam consequántur. Beáti mundo corde: quóniam ipsi Deum vidébunt. Beáti pacífici: quóniam fílii Dei vocabúntur. Beáti, qui persecutiónem patiúntur propter justítiam: quóniam ipsórum est regnum cœlórum. Beáti estis, cum maledíxerint vobis et persecúti vos fúerint, et díxerint omne malum advérsum vos, mentiéntes, propter me: gaudete et exsultáte, quóniam merces vestra copiósa est in cœlis.
Offertorium
Sap 3:1-3
Justórum ánimæ in manu Dei sunt, et non tanget illos torméntum malítiæ: visi sunt óculis insipiéntium mori: illi autem sunt in pace, allelúja.
pace.
Stillgebet
Múnera tibi, Dómine, nostra devotiónis offérimus: quæ et pro tuórum tibi grata sint honóre Justórum, et nobis salutária, te miseránte, reddántur.
Kommunion
Matt 5:8-10
Beáti mundo corde, quóniam ipsi Deum vidébunt; beáti pacífici, quóniam filii Dei vocabúntur: beáti, qui persecutiónem patiúntur propter justítiam, quóniam ipsórum est regnum cœlórum.
Schlussgebet
Da, quǽsumus, Dómine, fidélibus pópulis ómnium Sanctórum semper veneratióne lætári: et eórum perpétua supplicatióne muníri.