Liturgischer Kalender

Römisches Messbuch 1962 (Ausserordentliche Form)

1969 1962

Heute Mittwoch, 15. April 2026

Mittwoch in der Weißen Woche

Osterzeit IV. Klasse Weiß

1 Hl. Ägidius, Abt 2 Hl. Stephan, König von Ungarn, Bekenner 3 Hl. Pius X., Papst und Bekenner 4 Freitag in der 14. Woche nach Pfingsten 5 Hl. Laurentius Justiniani, Bischof und Bekenner 6 15. Sonntag nach Pfingsten 7 Montag in der 15. Woche nach Pfingsten 8 Fest der Geburt des sel. Jungfrau Maria 9 Hl. Gorgonius, Martyrer 10 Hl. Nikolas von Tolentino, Bekenner 11 Hll. Protus und Hyazinth, Märtyrer 12 Fest des heiligsten Namens Mariä 13 16. Sonntag nach Pfingsten 14 Fest der Erhöhung des heiligen Kreuzes 15 Fest der Sieben Schmerzen der hl. Jungfrau Maria 16 Hll. Kornelius, Papst, und Cyprian, Bischof, Märtyrer 17 Stigmatisierung des Hl. Franziskus 18 Hl. Joseph von Cupertino, Bekenner 19 Hl. Januarius, Bischof, und Gefährten, Märtyrer 20 17. Sonntag nach Pfingsten 21 Fest des hl. Apostels und Evangelisten Matthäus 22 Hl. Thomas v. Villanova, Bischof und Bekenner 23 Hl. Linus, Papst und Martyrer 24 Maria von der Erlösung der Sklaven 25 Freitag in der 17. Woche nach Pfingsten 26 Hll. Cyprian und Justina, Jungfrau, Märtyrer 27 18. Sonntag nach Pfingsten 28 Hl. Wenzel, Herzog und Martyrer 29 Fest der Einweihung der Kirche des heiligen Erzengels Michael 30 Hl. Hieronymus, Priester, Bekenner und Kirchenlehrer

Dienstag, 15. September 2026 II. Klasse

Fest der Sieben Schmerzen der hl. Jungfrau Maria

nach Pfingsten Weiß

Quelle: sancti · sancti/09-15

Rubriken

Gloria: ja Credo: ja Präfation: BeataeMariaeVirginis

Kommemorationen

Hl. Nikomedes, Märtyrer Ferialtag

Messproprium

Introitus

Joann 19:25

Stabant juxta Crucem Jesu Mater ejus, et soror Matris ejus, María Cléophæ, et Salóme et María Magdaléne.

Joann 19:26-27

Múlier, ecce fílius tuus: dixit Jesus; ad discípulum autem: Ecce Mater tua.

Stabant juxta Crucem Jesu Mater ejus, et soror Matris ejus, María Cléophæ, et Salóme et María Magdaléne.

Kollekte

Deus, in cujus passióne, secúndum Simeónis prophetíam, dulcíssimam ánimam gloriósæ Vírginis et Matris Maríæ dolóris gladius pertransívit: concéde propítius; ut, qui transfixiónem ejus et passiónem venerándo recólimus, gloriósis méritis et précibus ómnium Sanctórum Cruci fidéliter astántium intercedéntibus, passiónis tuæ efféctum felícem consequámur:

Epistel

Léctio libri Judith

Judith 13:22; 13:23-25

Benedíxit te Dóminus in virtúte sua, quia per te ad níhilum redégit inimícos nostros. Benedícta es tu, fília, a Dómino, Deo excélso, præ ómnibus muliéribus super terram. Benedíctus Dóminus, qui creávit cœlum et terram: quia hódie nomen tuum ita magnificávit, ut non recédat laus tua de ore hóminum, qui mémores fúerint virtútis Dómini in ætérnum, pro quibus non pepercísti ánimæ tuæ propter angústias et tribulatiónem géneris tui, sed subvenísti ruínæ ante conspéctum Dei nostri.

Graduale

Dolorósa et lacrimábilis es, Virgo María, stans juxta Crucem Dómini Jesu, Fílii tui, Redemptóris.

Virgo Dei Génetrix, quem totus non capit orbis, hoc crucis fert supplícium, auctor vitæ factus homo.

Allelúja, allelúja.

Stabat sancta María, cœli Regína et mundi Dómina, juxta Crucem Dómini nostri Jesu Christi dolorósa.

Sequenz

Stabat Mater dolorósa

Juxta Crucem lacrimósa,

Dum pendébat Fílius.

Cujus ánimam geméntem,

Contristátam et doléntem

Pertransívit gládius.

O quam tristis et afflícta

Fuit illa benedícta

Mater Unigéniti!

Quæ mærébat et dolébat,

Pia Mater, dum vidébat

Nati pœnas íncliti.

Quis est homo, qui non fleret,

Matrem Christi si vidéret

In tanto supplício?

Quis non posset contristári,

Christi Matrem contemplári

Doléntem cum Fílio?

Pro peccátis suæ gentis

Vidit Jesum in torméntis

Et flagéllis súbditum.

Vidit suum dulcem

Natum Moriéndo desolátum,

Dum emísit spíritum.

Eja, Mater, fons amóris,

Me sentíre vim dolóris

Fac, ut tecum lúgeam.

Fac, ut árdeat cor meum

In amándo Christum Deum,

Ut sibi compláceam.

Sancta Mater, istud agas,

Crucifixi fige plagas

Cordi meo válide.

Tui Nati vulneráti,

Tam dignáti pro me pati,

Pœnas mecum dívide.

Fac me tecum pie flere,

Crucifíxo condolére,

Donec ego víxero.

Juxta Crucem tecum stare

Et me tibi sociáre

In planctu desídero.

Virgo vírginum præclára.

Mihi jam non sis amára:

Fac me tecum plángere.

Fac, ut portem Christi mortem,

Passiónis fac consórtem

Et plagas recólere.

Fac me plagis vulnerári,

Fac me Cruce inebriári

Et cruóre Fílii.

Flammis ne urar succénsus,

Per te, Virgo, sim defénsus

In die judícii.

Christe, cum sit hinc exíre.

Da per Matrem me veníre

Ad palmam victóriæ.

Quando corpus moriétur,

Fac, ut ánimæ donétur

Paradísi glória.

Amen. Allelúja.

Evangelium

Sequéntia ++ sancti Evangélii secúndum Joánnem

Joann 19:25-27.

In illo témpore: Stabant juxta Crucem Jesu Mater ejus, et soror Matris ejus, María Cléophæ, et María Magdaléne. Cum vidísset ergo Jesus Matrem, et discípulum stantem, quem diligébat, dicit Matri suæ: Múlier, ecce fílius tuus. Deinde dicit discípulo: Ecce Mater tua. Et ex illa hora accépit eam discípulus in sua.

Offertorium

Jer 18:20

Recordáre, Virgo Mater, in conspéctu Dei, ut loquáris pro nobis bona, et ut avértat indignatiónem suam a nobis.

Stillgebet

Offérimus tibi preces et hóstias, Dómine Jesu Christe, humiliter supplicántes: ut, qui Transfixiónem dulcíssimi spíritus beátæ Maríæ, Matris tuæ, précibus recensémus; suo suorúmque sub Cruce Sanctórum consórtium multiplicáto piíssimo intervéntu, méritis mortis tuæ, méritum cum beátis habeámus:

Kommunion

Felíces sensus beátæ Maríæ Vírginis, qui sine morte meruérunt martýrii palmam sub Cruce Dómini.

Schlussgebet

Sacrifícia, quæ súmpsimus, Dómine Jesu Christe, Transfixiónem Matris tuæ et Vírginis devóte celebrántes: nobis ímpetrent apud cleméntiam tuam omnis boni salutáris efféctum: