Liturgischer Kalender
Römisches Messbuch 1962 (Ausserordentliche Form)
Mittwoch in der Weißen Woche
Mo
Di
Mi
Do
Fr
Sa
So
1 Hl. Ägidius, Abt2 Hl. Stephan, König von Ungarn, Bekenner3 Hl. Pius X., Papst und Bekenner4 Freitag in der 14. Woche nach Pfingsten5 Hl. Laurentius Justiniani, Bischof und Bekenner6 15. Sonntag nach Pfingsten7 Montag in der 15. Woche nach Pfingsten8 Fest der Geburt des sel. Jungfrau Maria9 Hl. Gorgonius, Martyrer10 Hl. Nikolas von Tolentino, Bekenner11 Hll. Protus und Hyazinth, Märtyrer12 Fest des heiligsten Namens Mariä13 16. Sonntag nach Pfingsten14 Fest der Erhöhung des heiligen Kreuzes15 Fest der Sieben Schmerzen der hl. Jungfrau Maria16 Hll. Kornelius, Papst, und Cyprian, Bischof, Märtyrer17 Stigmatisierung des Hl. Franziskus18 Hl. Joseph von Cupertino, Bekenner19 Hl. Januarius, Bischof, und Gefährten, Märtyrer20 17. Sonntag nach Pfingsten21 Fest des hl. Apostels und Evangelisten Matthäus22 Hl. Thomas v. Villanova, Bischof und Bekenner23 Hl. Linus, Papst und Martyrer24 Maria von der Erlösung der Sklaven25 Freitag in der 17. Woche nach Pfingsten26 Hll. Cyprian und Justina, Jungfrau, Märtyrer27 18. Sonntag nach Pfingsten28 Hl. Wenzel, Herzog und Martyrer29 Fest der Einweihung der Kirche des heiligen Erzengels Michael30 Hl. Hieronymus, Priester, Bekenner und Kirchenlehrer
Sonntag, 13. September 2026 II. Klasse
16. Sonntag nach Pfingsten
- Quelle
- tempora · tempora/Pent16-0
Rubriken
Gloria: ja Credo: ja Präfation: Trinitatis
Messproprium
Introitus
Ps 85:3; 85:5
Miserére mihi, Dómine, quóniam ad te clamávi tota die: quia tu, Dómine, suávis ac mitis es, et copiósus in misericórdia ómnibus invocántibus te.
Ps 85:1
Inclína, Dómine, aurem tuam mihi, et exáudi me: quóniam inops, et pauper sum ego.
Miserére mihi, Dómine, quóniam ad te clamávi tota die: quia tu, Dómine, suávis ac mitis es, et copiósus in misericórdia ómnibus invocántibus te.
Kollekte
Tua nos, quǽsumus, Dómine, grátia semper et prævéniat et sequátur: ac bonis opéribus júgiter præstet esse inténtos.
Epistel
Léctio Epístolæ beáti Pauli Apóstoli ad Ephésios
Ephes 3:13-21
Fratres: Obsecro vos, ne deficiátis in tribulatiónibus meis pro vobis: quæ est glória vestra. Hujus rei grátia flecto génua mea ad Patrem Dómini nostri Jesu Christi, ex quo omnis patérnitas in cœlis et in terra nominátur, ut det vobis secúndum divítias glóriæ suæ, virtúte corroborári per Spíritum ejus in interiórem hóminem, Christum habitáre per fidem in córdibus vestris: in caritáte radicáti et fundáti, ut póssitis comprehéndere cum ómnibus sanctis, quæ sit latitúdo et longitúdo et sublímitas et profúndum: scire étiam supereminéntem sciéntiæ caritátem Christi, ut impleámini in omnem plenitúdinem Dei. Ei autem, qui potens est ómnia fácere superabundánter, quam pétimus aut intellégimus, secúndum virtútem, quæ operátur in nobis: ipsi glória in Ecclésia et in Christo Jesu, in omnes generatiónes sǽculi sæculórum. Amen.
Graduale
Ps 101:16-17
Timébunt gentes nomen tuum, Dómine, et omnes reges terræ glóriam tuam.
Quóniam ædificávit Dóminus Sion, et vidébitur in majestáte sua. Allelúja, allelúja
Ps 97:1
Cantáte Dómino cánticum novum: quia mirabília fecit Dóminus. Allelúja.
Evangelium
Sequéntia ++ sancti Evangélii secúndum Lucam.
Luc 14:1-11
In illo témpore: Cum intráret Jesus in domum cujúsdam príncipis pharisæórum sábbato manducáre panem, et ipsi observábant eum. Et ecce, homo quidam hydrópicus erat ante illum. Et respóndens Jesus dixit ad legisperítos et pharisǽos, dicens: Si licet sábbato curáre? At illi tacuérunt. Ipse vero apprehénsum sanávit eum ac dimísit. Et respóndens ad illos, dixit: Cujus vestrum ásinus aut bos in púteum cadet, et non contínuo éxtrahet illum die sábbati? Et non póterant ad hæc respóndere illi. Dicebat autem et ad invitátos parábolam, inténdens, quómodo primos accúbitus elígerent, dicens ad illos: Cum invitátus fúeris ad núptias, non discúmbas in primo loco, ne forte honorátior te sit invitátus ab illo, et véniens is, qui te et illum vocávit, dicat tibi: Da huic locum: et tunc incípias cum rubóre novíssimum locum tenére. Sed cum vocátus fúeris, vade, recúmbe in novíssimo loco: ut, cum vénerit, qui te invitávit, dicat tibi: Amíce, ascénde supérius. Tunc erit tibi glória coram simul discumbéntibus: quia omnis, qui se exáltat, humiliábitur: et qui se humíliat, exaltábitur.
Offertorium
Ps 39:14; 39:15
Dómine, in auxílium meum réspice: confundántur et revereántur, qui quærunt ánimam meam, ut áuferant eam: Dómine, in auxílium meum réspice.
Stillgebet
Munda nos, quǽsumus, Dómine, sacrifícii præséntis efféctu: et pérfice miserátus in nobis; ut ejus mereámur esse partícipes.
Kommunion
Ps 70:16-17; 70:18
Dómine, memorábor justítiæ tuæ solíus: Deus, docuísti me a juventúte mea: et usque in senéctam et sénium, Deus, ne derelínquas me.
Schlussgebet
Purífica, quǽsumus, Dómine, mentes nostras benígnus, et rénova cœléstibus sacraméntis: ut consequénter et córporum præsens páriter et futúrum capiámus auxílium.