Liturgischer Kalender
Römisches Messbuch 1962 (Ausserordentliche Form)
Hl. Anicet, Papst und Martyrer
Mo
Di
Mi
Do
Fr
Sa
So
1 Hl. Joseph der Arbeiter2 Hl. Athanasius, Bischof, Bekenner und Kirchenlehrer3 Bittmontag4 Hl. Monika, Witwe5 Hl. Pius V., Papst und Bekenner6 Fest der Himmelfahrt des Herrn7 Hl. Stanislaus, Bischof und Martyrer8 Samstag in der Oktav der Himmelfahrt9 Hl. Gregor von Nazianz, Bischof, Bekenner und Kirchenlehrer10 Hl. Antonius, Bischof und Bekenner11 Hll. Apostel Philippus und Jakobus12 Hll. Nereus, Achilleus und Domitilla, Jungfrau, sowie Pankratius, Märtyrer13 Hl. Robert Bellarmin, Bischof, Bekenner und Kirchenlehrer14 Freitag nach der Oktav der Himmelfahrt15 Vigil von Pfingsten16 Pfingstsonntag17 Pfingstmontag18 Pfingstdienstag19 Quartembermittwoch in der Pfingstoktav20 Donnerstag in der Pfingstoktav21 Quartemberfreitag in der Pfingstoktav22 Quartembersamstag in der Pfingstoktav23 Fest der allerheiligsten Dreifaltigkeit24 Montag der ersten Woche nach der Pfingsoktav25 Hl. Gregor VII., Papst und Bekenner26 Hl. Philip Neri, Bekenner27 Hl. Beda Venerabilis, Bekenner und Kirchenlehrer28 Hl. Augustinus von Canterbury, Bischof und Bekenner29 Samstag in der Fronleichnamsoktav30 Zweiter Sonntag nach Pfingsten in der Fronleichnamsoktav31 Maria Königin
Sonntag, 23. Mai 2027 I. Klasse
Fest der allerheiligsten Dreifaltigkeit
- Quelle
- tempora · tempora/Pent01-0
Rubriken
Gloria: ja Credo: ja Präfation: Trinitatis
Messproprium
Kollekte
Omnípotens sempitérne Deus, qui dedísti fámulis tuis in confessióne veræ fídei, ætérnæ Trinitátis glóriam agnóscere, et in poténtia majestátis adoráre Unitátem: quǽsumus; ut, ejúsdem fídei firmitáte, ab ómnibus semper muniámur advérsis.
Epistel
Léctio Epístolæ beáti Pauli Apóstoli ad Romános
Rom 11:33-36.
O altitúdo divitiárum sapiéntiæ et sciéntiæ Dei: quam incomprehensibília sunt judícia ejus, et investigábiles viæ ejus! Quis enim cognovit sensum Dómini? Aut quis consiliárius ejus fuit? Aut quis prior dedit illi, et retribuétur ei? Quóniam ex ipso et per ipsum et in ipso sunt ómnia: ipsi glória in sǽcula. Amen.
Graduale
Dan 3:55-56
Benedíctus es, Dómine, qui intuéris abýssos, et sedes super Chérubim,
Benedíctus es, Dómine, in firmaménto cæli, et laudábilis in sǽcula. Allelúja, allelúja.
Dan 3:52
Benedíctus es, Dómine, Deus patrum nostrórum, et laudábilis in sǽcula. Allelúja.
Evangelium
Sequéntia ++ sancti Evangélii secúndum Matthǽum
Matt 28:18-20
In illo témpore: Dixit Jesus discípulis suis: Data est mihi omnis potéstas in cœlo et in terra. Eúntes ergo docéte omnes gentes, baptizántes eos in nómine Patris, et Fílii, et Spíritus Sancti: docéntes eos serváre ómnia, quæcúmque mandávi vobis. Et ecce, ego vobíscum sum ómnibus diébus usque ad consummatiónem sǽculi.
Offertorium
Tob 12:6.
Benedíctus sit Deus Pater, unigenitúsque Dei Fílius, Sanctus quoque Spíritus: quia fecit nobíscum misericórdiam suam.
Stillgebet
Sanctífica, quǽsumus, Dómine, Deus noster, per tui sancti nóminis invocatiónem, hujus oblatiónis hóstiam: et per eam nosmetípsos tibi pérfice munus ætérnum.
Kommunion
Tob 12:6
Benedícimus Deum cœli et coram ómnibus vivéntibus confitébimur ei: quia fecit nobíscum misericórdiam suam.
Schlussgebet
Profíciat nobis ad salútem córporis et ánimæ, Dómine, Deus noster, hujus sacraménti suscéptio: et sempitérnæ sanctæ Trinitátis ejusdémque indivíduæ Unitátis conféssio.
Zusätzliche Lesungen
Commemoratio Oratio
Deus, in te sperántium fortitúdo, adésto propítius invocatiónibus nostris: et, quia sine te nihil potest mortális infírmitas, præsta auxílium grátiæ tuæ; ut, in exsequéndis mandátis tuis, et voluntáte tibi et actióne placeámus.
Commemoratio Postcommunio
Tantis, Dómine, repléti munéribus: præsta, quǽsumus; ut et salutária dona capiámus, et a tua numquam laude cessémus.
Commemoratio Secreta
Hóstias nostras, quǽsumus, Dómine, tibi dicátas placátus assúme: et ad perpétuum nobis tríbue proveníre subsídium.
Ultima Evangelium
Luc 6:36-42
Sequéntia ++ sancti Evangélii secúndum Lucam
In illo témpore: Dixit Jesus discípulis suis: Estóte misericórdes, sicut et Pater vester miséricors est. Nolíte judicáre, et non judicabímini: nolíte condemnáre, et non condemnabímini. Dimíttite, et dimittémini. Date, et dábitur vobis: mensúram bonam et confértam et coagitátam et supereffluéntem dabunt in sinum vestrum. Eadem quippe mensúra, qua mensi fuéritis, remetiétur vobis. Dicébat autem illis et similitúdinem: Numquid potest cæcus cæcum dúcere? nonne ambo in fóveam cadunt? Non est discípulus super magistrum: perféctus autem omnis erit, si sit sicut magister ejus. Quid autem vides festúcam in óculo fratris tui, trabem autem, quæ in óculo tuo est, non consíderas? Aut quómodo potes dícere fratri tuo: Frater, sine, ejíciam festúcam de óculo tuo: ipse in oculo tuo trabem non videns? Hypócrita, ejice primum trabem de oculo tuo: et tunc perspícies, ut edúcas festúcam de óculo fratris tui.