Liturgischer Kalender
Römisches Messbuch 1962 (Ausserordentliche Form)
Hl. Anicet, Papst und Martyrer
Mo
Di
Mi
Do
Fr
Sa
So
1 Donnerstag in der Osteroktav2 Freitag in der Osteroktav3 Weißer Samstag4 Weißer Sonntag, Oktav der Auferstehung5 Hl. Vinzenz Ferrer, Bekenner6 Dienstag in der Weißen Woche7 Mittwoch in der Weißen Woche8 Donnerstag in der Weißen Woche9 Freitag in der Weißen Woche10 Samstag in der Weißen Woche11 Hl. Leo der Große, Papst, Bekenner und Kirchenlehrer12 Montag der zweiten Woche nach der Osteroktav13 Hl. Hermenegild, Märtyrer14 Hl. Justin, Martyrer15 Zweiter Tag der Josephsoktav16 Dritter Tag der Josephsoktav17 Vierter Tag der Josephsoktav18 Dritter Sonntag nach Ostern19 Sechster Tag der Josephsoktav20 Siebter Tag der Josephsoktav21 Hl. Anselm, Bischof, Bekenner und Kirchenlehrer22 Hll. Soter und Cajus, Päpste und Märtyrer23 Hl. Georg, Martyrer24 Hl. Fidelis von Sigmaringen, Martyrer25 Hl. Markus Evangelist26 Hll. Cletus und Marcellinus, Päpste und Märtyrer27 Hl. Petrus Canisius, Bekenner und Kirchenlehrer28 Hl. Paulus vom Kreuz, Bekenner29 Hl. Petrus der Martyrer30 Hl. Katharina von Siena, Jungfrau
Samstag, 3. April 2027 I. Klasse
Weißer Samstag
- Quelle
- tempora · tempora/Pasc0-6
Rubriken
Gloria: nein Credo: ja
Messproprium
Introitus
Ps 104:43.
Edúxit Dóminus pópulum suum in exsultatióne, allelúja: et eléctos suos in lætítia, allelúja, allelúja.
Ps 104:1
Confitémini Dómino et invocáte nomen ejus: annuntiáte inter gentes ópera ejus.
Edúxit Dóminus pópulum suum in exsultatióne, allelúja: et eléctos suos in lætítia, allelúja, allelúja.
Kollekte
Concéde, quǽsumus, omnípotens Deus: ut, qui festa paschália venerándo égimus, per hæc contíngere ad gáudia ætérna mereámur.
Epistel
Léctio Epístolæ beáti Petri Apóstoli
1 Pet 2:1-10
Caríssimi: Deponéntes ígitur omnem malítiam, et omnem dolum, et simulatiónes, et invídias, et omnes detractiónes, sicut modo géniti infántes, rationábile, sine dolo lac concupíscite: ut in eo crescátis in salútem: si tamen gustástis, quóniam dulcis est Dóminus. Ad quem accedéntes lápidem vivum, ab homínibus quidem reprobátum, a Deo autem eléctum et honorificátum: et ipsi tamquam lápides vivi superædificámini, domus spirituális, sacerdótium sanctum, offérre spirituáles hóstias, acceptábiles Deo per Jesum Christum. Propter quod cóntinet Scriptúra: Ecce, pono in Sion lápidem summum angulárem, eléctum, pretiósum: et qui credíderit in eum, non confundátur. Vobis ígitur honor credéntibus: non credéntibus autem lapis, quem reprobavérunt ædificántes, hic factus est in caput ánguli, et lapis offensiónis, et petra scándali his, qui offéndunt verbo, nec credunt in quo et pósiti sunt. Vos autem genus eléctum, regále sacerdótium, gens sancta, pópulus acquisitiónis: ut virtútes annuntiétis ejus, qui de ténebris vos vocávit in admirábile lumen suum. Qui aliquándo non pópulus, nunc autem pópulus Dei: qui non consecúti misericórdiam, nunc autem misericórdiam consecúti.
Graduale
Allelúja, allelúja.
Ps 117:24
Hæc dies, quam fecit Dóminus: exsultémus et lætémur in ea. Allelúja.
Ps 112:1
Laudáte, púeri, Dóminum, laudáte nomen Dómini.
Sequenz
Víctimæ pascháli laudes ímmolent Christiáni.
Agnus rédemit oves: Christus ínnocens Patri reconciliávit peccatóres.
Mors et vita duéllo conflixére mirándo: dux vitæ mórtuus regnat vivus.
Dic nobis, María, quid vidísti in via?
Sepúlcrum Christi vivéntis et glóriam vidi resurgéntis.
Angélicos testes, sudárium et vestes.
Surréxit Christus, spes mea: præcédet vos in Galilǽam.
Scimus Christum surrexísse a mórtuis vere: tu nobis, victor Rex, miserére. Amen. Allelúja.
Evangelium
Sequéntia ++ sancti Evangélii secúndum Joánnem.
Joannes 20:1-9
In illo témpore: Una sábbati, María Magdaléne venit mane, cum adhuc ténebræ essent, ad monuméntum: et vidit lápidem sublátum a monuménto. Cucúrrit ergo, et venit ad Simónem Petrum, et ad álium discípulum, quem amábat Jesus, et dicit illis: Tulérunt Dóminum de monuménto, et nescímus, ubi posuérunt eum. Exiit ergo Petrus et ille álius discípulus, et venérunt ad monuméntum. Currébant autem duo simul, et ille álius discípulus præcucúrrit cítius Petro, et venit primus ad monuméntum. Et cum se inclinásset, vidit pósita linteámina, non tamen introívit. Venit ergo Simon Petrus sequens eum, et introívit in monuméntum, et vidit linteámina pósita, et sudárium, quod fúerat super caput ejus, non cum linteamínibus pósitum, sed separátim involútum in unum locum. Tunc ergo introívit et ille discípulus, qui vénerat primus ad monuméntum: et vidit et crédidit: nondum enim sciébant Scriptúram, quia oportébat eum a mórtuis resúrgere.
Offertorium
Ps 7:26-27
Benedíctus, qui venit in nómine Dómini: benedíximus vobis de domo Dómini: Deus Dóminus, et illúxit nobis, allelúja, allelúja.
Stillgebet
Concéde, quǽsumus, Dómine, semper nos per hæc mystéria paschália gratulári: ut contínua nostræ reparatiónis operátio perpétuæ nobis fiat causa lætítiæ.
Kommunion
Gal 3:27
Omnes, qui in Christo baptizáti estis, Christum induístis, allelúja.
Schlussgebet
Redemptiónis nostræ múnere vegetáti, quǽsumus, Dómine: ut, hoc perpétuæ salútis auxílio, fides semper vera profíciat.