Liturgischer Kalender
Römisches Messbuch 1962 (Ausserordentliche Form)
Hl. Anicet, Papst und Martyrer
Mo
Di
Mi
Do
Fr
Sa
So
1 Montag in der 3. Fastenwoche2 Dienstag in der 3. Fastenwoche3 Mittwoch in der 3. Fastenwoche4 Donnerstag in der 3. Fastenwoche5 Freitag in der 3. Fastenwoche6 Samstag in der 3. Fastenwoche7 Vierter Sonntag der Fastenzeit8 Montag in der 4. Fastenwoche9 Dienstag in der 4. Fastenwoche10 Mittwoch in der 4. Fastenwoche11 Donnerstag in der 4. Fastenwoche12 Freitag in der 4. Fastenwoche13 Samstag in der 4. Fastenwoche14 Passionssonntag15 Montag in der Passionswoche16 Dienstag in der Passionswoche17 Mittwoch in der Passionswoche18 Donnerstag in der Passionswoche19 Hl. Joseph, Gemahl der hl. Jungfrau Maria, Bekenner20 Samstag in der Passionswoche21 Palmsonntag22 Montag in der Karwoche23 Dienstag in der Karwoche24 Mittwoch in der Karwoche25 Gründonnerstag26 Karfreitag27 Karsamstag28 Sonntag der Auferstehung des Herrn29 Ostermontag30 Osterdienstag31 Mittwoch in der Osteroktav
Dienstag, 2. März 2027 III. Klasse
Dienstag in der 3. Fastenwoche
- Quelle
- tempora · tempora/Quad3-2
Rubriken
Gloria: nein Credo: nein
Messproprium
Introitus
Ps 16:6, 8
Ego clamávi, quóniam exaudísti me, Deus: inclína aurem tuam, et exáudi verba mea: custódi me, Dómine, ut pupíllam óculi: sub umbra alárum tuárum prótege me.
Ps 16:1
Exáudi, Dómine, justítiam meam: inténde deprecatiónem meam.
Ego clamávi, quóniam exaudísti me, Deus: inclína aurem tuam, et exáudi verba mea: custódi me, Dómine, ut pupíllam óculi: sub umbra alárum tuárum prótege me.
Kollekte
Exáudi nos, omnípotens et miséricors Deus: et continéntiæ salutáris propítius nobis dona concéde.
Epistel
Léctio libri Regum.
4 Reg 4:1-7
In diébus illis: Múlier quædam clamábat ad Eliséum Prophétam, dicens: Servus tuus vir meus mórtuus est, et tu nosti, quia servus tuus fuit timens Dóminum: et ecce, créditor venit, ut tollat duos fílios meos ad serviéndum sibi. Cui dixit Eliséus: Quid vis, ut fáciam tibi? Dic mihi, quid habes in domo tua? At illa respóndit: Non hábeo ancílla tua quidquam in domo mea, nisi parum ólei, quo ungar. Cui ait: Vade, pete mútuo ab ómnibus vicínis tuis vasa vácua non pauca. Et ingrédere, et claude óstium tuum, cum intrínsecus fúeris tu et fílii tui: et mitte inde in ómnia vasa hæc: et cum plena fúerint, tolles. Ivit ítaque múlier, et clausit óstium super se et super fílios suos: illi offerébant vasa, et illa infundébat. Cumque plena fuíssent vasa, dixit ad fílium suum: Affer mihi adhuc vas. Et ille respóndit: Non hábeo. Stetítque óleum. Venit autem illa, et indicávit hómini Dei. Et ille: Vade, inquit, vende oleum, et redde creditóri tuo: tu autem et fílii tui vívite de réliquo.
Graduale
Ps 18:13-14
Ab occúltis meis munda me, Dómine: et ab aliénis parce servo tuo.
Si mei non fúerint domináti, tunc immaculátus ero: et emundábor a delícto máximo.
Evangelium
Sequéntia ++ sancti Evangélii secúndum Matthǽum.
Matt 18:15-22
In illo témpore: Dixit Jesus discípulis suis: Si peccáverit in te frater tuus, vade, et córripe eum inter te et ipsum solum. Si te audíerit, lucrátus eris fratrem tuum. Si autem te non audíerit, ádhibe tecum adhuc unum vel duos, ut in ore duórum vel trium téstium stet omne verbum. Quod si non audíerit eos: dic ecclésiæ. Si autem ecclésiam non audíerit: sit tibi sicut éthnicus et publicánus. Amen, dico vobis, quæcúmque alligavéritis super terram, erunt ligáta et in cœlo: et quæcúmque solvéritis super terram, erunt solúta et in cœlo. Iterum dico vobis, quia si duo ex vobis consénserint super terram, de omni re quamcúmque petíerint, fiet illis a Patre meo, qui in cœlis est. Ubi enim sunt duo vel tres congregáti in nómine meo, ibi sum in médio eórum. Tunc accédens Petrus ad eum, dixit: Dómine, quóties peccábit in me frater meus, et dimíttam ei? usque sépties? Dicit illi Jesus: Non dico tibi usque sépties, sed usque septuágies sépties.
Offertorium
Ps 117:16, 17
Déxtera Dómini fecit virtútem, déxtera Dómini exaltávit me: non móriar, sed vivam, et narrábo ópera Dómini.
Stillgebet
Per hæc véniat, quǽsumus, Dómine, sacraménta nostræ redemptiónis efféctus: qui nos et ab humánis rétrahat semper excéssibus, et ad salutária dona perdúcat.
Kommunion
Ps 14:1-2
Dómine, quis habitábit in tabernáculo tuo? aut quis requiéscet in monte sancto tuo? Qui ingréditur sine mácula, et operátur justítiam.
Schlussgebet
Sacris, Dómine, mystériis expiáti: et véniam, quǽsumus, consequámur et grátiam.
Zusätzliche Lesungen
Super populum
Orémus.
Humiliáte cápita vestra Deo.
Tua nos, Dómine, protectióne defénde: et ab omni semper iniquitáte custódi.