Liturgischer Kalender

Römisches Messbuch 1962 (Ausserordentliche Form)

1969 1962

Heute Freitag, 17. April 2026

Hl. Anicet, Papst und Martyrer

Osterzeit Ferialtag Rot

1 Hl. Ignatius (von Antiochia), Bischof und Martyrer 2 Mariä Lichtmess (Darstellung des Herrn)3 Hl. Blasius, Bischof und Martyrer 4 Hl. Andreas Corsini, Bischof und Martyrer 5 Hl. Agatha, Jungfrau und Martyrerin 6 Hl. Titus, Bischof und Bekenner 7 Sonntag Quinquagesima 8 Hl. Johannes von Matha, Bekenner 9 Hl. Kyrill, Bischof von Alexandria, Bekenner und Kirchenlehrer 10 Aschermittwoch 11 Erscheinung der seligsten Jungfrau Maria von Lourdes 12 Sieben heilige Gründer des Servitenordens Unserer Lieben Frau 13 Samstag nach Aschermittwoch 14 Erster Sonntag der Fastenzeit 15 Montag in der 1. Fastenwoche 16 Dienstag in der 1. Fastenwoche 17 Quartembermittwoch in der Fastenzeit 18 Donnerstag in der 1. Fastenwoche 19 Quartemberfreitag in der Fastenzeit 20 Quartembersamstag in der Fastenzeit 21 Zweiter Sonntag der Fastenzeit 22 Montag in der 2. Fastenwoche 23 Dienstag in der 2. Fastenwoche 24 Hl. Matthias Apostel 25 Donnerstag in der 2. Fastenwoche 26 Freitag in der 2. Fastenwoche 27 Samstag in der 2. Fastenwoche 28 Dritter Sonntag der Fastenzeit

Sonntag, 14. Februar 2027 I. Klasse

Erster Sonntag der Fastenzeit

Fastenzeit Violett

Quelle: tempora · tempora/Quad1-0

Rubriken

Gloria: nein Credo: ja Präfation: Quadragesimalis

Kommemorationen

Hl. Valentin, Priester und Martyrer Ferialtag

Messproprium

Introitus

Ps 90:15; 90:16

Invocábit me, et ego exáudiam eum: erípiam eum, et glorificábo eum: longitúdine diérum adimplébo eum.

Ps 90:1

Qui hábitat in adjutório Altíssimi, in protectióne Dei cœli commorábitur.

Invocábit me, et ego exáudiam eum: erípiam eum, et glorificábo eum: longitúdine diérum adimplébo eum.

Kollekte

Deus, qui Ecclésiam tuam ánnua quadragesimáli observatióne puríficas: præsta famíliæ tuæ; ut, quod a te obtinére abstinéndo nítitur, hoc bonis opéribus exsequátur.

Epistel

Léctio Epístolæ beáti Pauli Apóstoli ad Corínthios

2 Cor 6:1-10.

Fratres: Exhortámur vos, ne in vácuum grátiam Dei recipiátis. Ait enim: Témpore accépto exaudívi te, et in die salútis adjúvi te. Ecce, nunc tempus acceptábile, ecce, nunc dies salútis. Némini dantes ullam offensiónem, ut non vituperétur ministérium nostrum: sed in ómnibus exhibeámus nosmetípsos sicut Dei minístros, in multa patiéntia, in tribulatiónibus, in necessitátibus, in angústiis, in plagis, in carcéribus, in seditiónibus, in labóribus, in vigíliis, in jejúniis, in castitáte, in sciéntia, in longanimitáte, in suavitáte, in Spíritu Sancto, in caritáte non ficta, in verbo veritátis, in virtúte Dei, per arma justítiæ a dextris et a sinístris: per glóriam et ignobilitátem: per infámiam et bonam famam: ut seductóres et veráces: sicut qui ignóti et cógniti: quasi moriéntes et ecce, vívimus: ut castigáti et non mortificáti: quasi tristes, semper autem gaudéntes: sicut egéntes, multos autem locupletántes: tamquam nihil habéntes et ómnia possidéntes.

Graduale

Ps 90:11-12

Angelis suis Deus mandávit de te, ut custódiant te in ómnibus viis tuis.

In mánibus portábunt te, ne umquam offéndas ad lápidem pedem tuum.

Ps 90:1-7; 90:11-16

Qui hábitat in adjutório Altíssimi, in protectióne Dei cœli commorántur.

Dicet Dómino: Suscéptor meus es tu et refúgium meum: Deus meus, sperábo in eum.

Quóniam ipse liberávit me de láqueo venántium et a verbo áspero.

Scápulis suis obumbrábit tibi, et sub pennis ejus sperábis.

Scuto circúmdabit te véritas ejus: non timébis a timóre noctúrno.

A sagítta volánte per diem, a negótio perambulánte in ténebris, a ruína et dæmónio meridiáno.

Cadent a látere tuo mille, et decem mília a dextris tuis: tibi autem non appropinquábit.

Quóniam Angelis suis mandávit de te, ut custódiant te in ómnibus viis tuis.

In mánibus portábunt te, ne umquam offéndas ad lápidem pedem tuum,

Super áspidem et basilíscum ambulábis, et conculcábis leónem et dracónem.

Quóniam in me sperávit, liberábo eum: prótegam eum, quóniam cognóvit nomen meum,

Invocábit me, et ego exáudiam eum: cum ipso sum in tribulatióne,

Erípiam eum et glorificábo eum: longitúdine diérum adimplébo eum, et osténdam illi salutáre meum.

Evangelium

Sequéntia ++ sancti Evangélii secúndum Matthǽum

Matt 4:1-11

In illo témpore: Ductus est Jesus in desértum a Spíritu, ut tentarétur a diábolo. Et cum jejunásset quadragínta diébus et quadragínta nóctibus, postea esúriit. Et accédens tentátor, dixit ei: Si Fílius Dei es, dic, ut lápides isti panes fiant. Qui respóndens, dixit: Scriptum est: Non in solo pane vivit homo, sed in omni verbo, quod procédit de ore Dei. Tunc assúmpsit eum diábolus in sanctam civitátem, et státuit eum super pinnáculum templi, et dixit ei: Si Fílius Dei es, mitte te deórsum. Scriptum est enim: Quia Angelis suis mandávit de te, et in mánibus tollent te, ne forte offéndas ad lápidem pedem tuum. Ait illi Jesus: Rursum scriptum est: Non tentábis Dóminum, Deum tuum. Iterum assúmpsit eum diábolus in montem excélsum valde: et ostendit ei ómnia regna mundi et glóriam eórum, et dixit ei: Hæc ómnia tibi dabo, si cadens adoráveris me. Tunc dicit ei Jesus: Vade, Sátana; scriptum est enim: Dóminum, Deum tuum, adorábis, et illi soli sérvies. Tunc relíquit eum diábolus: et ecce, Angeli accessérunt et ministrábant ei.

Offertorium

Ps 90:4-5

Scápulis suis obumbrábit tibi Dóminus, et sub pennis ejus sperábis: scuto circúmdabit te véritas ejus.

Stillgebet

Sacrifícium quadragesimális inítii sollémniter immolámus, te, Dómine, deprecántes: ut, cum epulárum restrictióne carnálium, a noxiis quoque voluptátibus temperémus.

Kommunion

Ps 90:4-5

Scápulis suis obumbrábit tibi Dóminus, et sub pennis ejus sperábis: scuto circúmdabit te véritas ejus.

Schlussgebet

Tui nos, Dómine, sacraménti libátio sancta restáuret: et a vetustáte purgátos, in mystérii salutáris fáciat transíre consórtium.