Liturgischer Kalender

Römisches Messbuch 1962 (Ausserordentliche Form)

1969 1962

Heute Freitag, 17. April 2026

Hl. Anicet, Papst und Martyrer

Osterzeit Ferialtag Rot

1 Fest der Beschneidung des Herrn 2 2. Tag der Weihnachtsoktav 3 Fest des heiligsten Namens Jesu 4 4. Tag der Weihnachtsoktav 5 5. Tag der Weihnachtsoktav 6 Erscheinung des Herrn 7 Fest der Verkündigung der heiligen Jungfrau Maria 8 Dritter Tag der Epiphanie-Oktav 9 Vierter Tag der Epiphanie-Oktav 10 Sonntag in der Oktav der Erscheinung des Herrn 11 Sechster Tag der Epiphanie-Oktav 12 Siebter Tag der Epiphanie-Oktav 13 Gedächtnis der Taufe unseres Herrn Jesus Christus 14 Hl. Hilarius, Bischof, Bekenner und Kirchenlehrer 15 Hl. Paulus, erster Einsiedler, Bekenner 16 Hl. Marcellus, Papst und Martyrer 17 Zweiter Sonntag nach Erscheinung 18 Hl. Priska, Jungfrau und Martyrerin 19 Hl. Knut, König und Martyrer 20 Hll. Fabian und Sebastian, Märtyrer 21 Hl. Agnes, Jungfrau und Martyrerin 22 Hl. Vinzenz und Anastasius, Märtyrer 23 Hl. Raimund von Penyafort, Bekenner 24 Sonntag Septuagesima 25 Bekehrung des Hl. Apostels Paulus 26 Hl. Polykarp, Bischof und Martyrer 27 Hl. Johannes Chrysostomos, Bischof, Bekenner und Kirchenlehrer 28 Hl. Petrus Nolaskus, Bekenner 29 Hl. Franziskus von Sales, Bischof, Bekenner und Kirchenlehrer 30 Hl. Martina, Jungfrau und Martyrerin 31 Sonntag Sexagesima

Sonntag, 17. Januar 2027 II. Klasse

Zweiter Sonntag nach Erscheinung

Epiphaniaszeit Grün

Quelle: tempora · tempora/Epi2-0

Rubriken

Gloria: ja Credo: ja Präfation: Trinitatis

Kommemorationen

Hl. Antonius, Abt III. Klasse

Messproprium

Introitus

Ps 65:4

Omnis terra adóret te, Deus, et psallat tibi: psalmum dicat nómini tuo, Altíssime.

Ps 65:1-2

Jubiláte Deo, omnis terra, psalmum dícite nómini ejus: date glóriam laudi ejus.

Omnis terra adóret te, Deus, et psallat tibi: psalmum dicat nómini tuo, Altíssime.

Kollekte

Omnípotens sempitérne Deus, qui cœléstia simul et terréna moderáris: supplicatiónes pópuli tui cleménter exáudi; et pacem tuam nostris concéde tempóribus.

Epistel

Léctio Epístolæ beáti Pauli Apóstoli ad Romános.

Rom 12:6-16

Fratres: Habéntes donatiónes secúndum grátiam, quæ data est nobis, differéntes: sive prophetíam secúndum ratiónem fídei, sive ministérium in ministrándo, sive qui docet in doctrína, qui exhortátur in exhortándo, qui tríbuit in simplicitáte, qui præest in sollicitúdine, qui miserétur in hilaritáte. Diléctio sine simulatióne. Odiéntes malum, adhæréntes bono: Caritáte fraternitátis ínvicem diligéntes: Honóre ínvicem præveniéntes: Sollicitúdine non pigri: Spíritu fervéntes: Dómino serviéntes: Spe gaudéntes: In tribulatióne patiéntes: Oratióni instántes: Necessitátibus sanctórum communicántes: Hospitalitátem sectántes. Benedícite persequéntibus vos: benedícite, et nolíte maledícere. Gaudére cum gaudéntibus, flere cum fléntibus: Idípsum ínvicem sentiéntes: Non alta sapiéntes, sed humílibus consentiéntes.

Graduale

Ps 106:20-21

Misit Dóminus verbum suum, et sanávit eos: et erípuit eos de intéritu eórum.

Confiteántur Dómino misericórdiæ ejus: et mirabília ejus fíliis hóminum. Allelúja, allelúja.

Ps 148:2

Laudáte Dóminum, omnes Angeli ejus: laudáte eum, omnes virtútes ejus. Allelúja.

Evangelium

Sequéntia ++ sancti Evangélii secúndum Joánnem.

Joann 2:1-11

In illo témpore: Núptiæ factæ sunt in Cana Galilǽæ: et erat Mater Jesu ibi. Vocátus est autem et Jesus, et discípuli ejus ad núptias. Et deficiénte vino, dicit Mater Jesu ad eum: Vinum non habent. Et dicit ei Jesus: Quid mihi et tibi est, mulier? nondum venit hora mea. Dicit Mater ejus minístris: Quodcúmque díxerit vobis, fácite. Erant autem ibi lapídeæ hýdriæ sex pósitæ secúndum purificatiónem Judæórum, capiéntes síngulæ metrétas binas vel ternas. Dicit eis Jesus: Implete hýdrias aqua. Et implevérunt eas usque ad summum. Et dicit eis Jesus: Hauríte nunc, et ferte architriclíno. Et tulérunt. Ut autem gustávit architriclínus aquam vinum fáctam, et non sciébat unde esset, minístri autem sciébant, qui háuserant aquam: vocat sponsum architriclínus, et dicit ei: Omnis homo primum bonum vinum ponit: et cum inebriáti fúerint, tunc id, quod detérius est. Tu autem servásti bonum vinum usque adhuc. Hoc fecit inítium signórum Jesus in Cana Galilǽæ: et manifestávit glóriam suam, et credidérunt in eum discípuli ejus.

Offertorium

Ps 65:1-2; 65:16

Jubiláte Deo, univérsa terra: psalmum dícite nómini ejus: veníte et audíte, et narrábo vobis, omnes qui timétis Deum, quanta fecit Dóminus ánimæ meæ, allelúja.

Stillgebet

Oblata, Dómine, múnera sanctífica: nosque a peccatórum nostrórum máculis emúnda.

Kommunion

Joann 2:7; 2:8; 2:9; 2:10-11

Dicit Dóminus: Implete hýdrias aqua et ferte architriclíno. Cum gustásset architriclínus aquam vinum factam, dicit sponso: Servásti bonum vinum usque adhuc. Hoc signum fecit Jesus primum coram discípulis suis.

Schlussgebet

Augeátur in nobis, quǽsumus, Dómine, tuæ virtútis operatio: ut divínis vegetáti sacraméntis, ad eórum promíssa capiénda, tuo múnere præparémur.