Liturgischer Kalender
Römisches Messbuch 1962 (Ausserordentliche Form)
Mittwoch in der Weißen Woche
Mo
Di
Mi
Do
Fr
Sa
So
1 Hll. Machabäische Märtyrer2 Zehnter Sonntag nach Pfingsten3 Montag in der 10. Woche nach Pfingsten4 Hl Dominikus, Bekenner5 Mariä Schnee6 Verklärung unseres Herrn Jesus Christus7 Hl. Kajetan, Bekenner8 Hl. Johannes Maria Vianney, Bekenner (Pfarrer von Ars)9 Elfter Sonntag nach Pfingsten10 Hl. Laurentius, Martyrer11 Hll. Tiburtius und Susanna, Märtyrer12 Hl. Clara, Jungfrau13 Hll. Hippolytus und Cassian, Märtyrer14 Vigil von Mariä Aufnahme in den Himmel15 Fest der Aufnahme der sel. Jungfrau Maria in den Himmel16 Zwölfter Sonntag nach Pfingsten17 Hl. Hyacinth, Bekenner18 Hl. Agapitus, Martyrer19 Hl. Johannes Eudes, Bekenner20 Hl. Bernhard von Clairvaux, Abt und Kirchenlehrer21 Hl. Johanne-Franziska Frémiot von Chantal, Witwe22 Fest des Unbefleckten Herzens Mariens23 13. Sonntag nach Pfingsten24 Hl. Bartholomäus Apostel25 Hl. Ludwig, König und Bekenner26 Hl. Zephyrinus, Papst und Martyrer27 Hl. Joseph Calsanz, Bekenner28 Hl. Augustinus von Hippo, Bischof, Bekenner und Kirchenlehrer29 Enthauptung des Hl. Johannes d. Täufers30 14. Sonntag nach Pfingsten31 Hl. Raymund Nonnatus, Bekenner
Dienstag, 25. August 2026 IV. Klasse
Hl. Ludwig, König und Bekenner
- Quelle
- sancti · sancti/08-25
Rubriken
Gloria: ja Credo: nein
Messproprium
Introitus
Ps 36:30-31
Os justi meditábitur sapiéntiam, et lingua ejus loquétur judícium: lex Dei ejus in corde ipsíus. (Allelúja, allelúja.)
Ps 36:1
Noli æmulári in malignántibus: neque zeláveris faciéntes iniquitátem.
Os justi meditábitur sapiéntiam, et lingua ejus loquétur judícium: lex Dei ejus in corde ipsíus. (Allelúja, allelúja.)
Kollekte
Deus, qui beátum Ludovícum Confessórem tuum de terréno regno ad cœléstis regni glóriam transtulísti: ejus, quǽsumus, méritis et intercessióne; Regis regum Jesu Christi, Fílii tui, fácias nos esse consórtes:
Epistel
Léctio libri Sapiéntiæ
Sap 10:10-14
Justum dedúxit Dóminus per vias rectas, et ostendit illi regnum Dei, et dedit illi sciéntiam sanctórum: honestávit illum in labóribus, et complévit labores illíus. In fraude circumveniéntium illum áffuit illi, et honéstum fecit illum. Custodívit illum ab inimícis, et a seductóribus tutávit illum, et certámen forte dedit illi, ut vínceret et sciret, quóniam ómnium poténtior est sapiéntia. Hæc vénditum justum non derelíquit, sed a peccatóribus liberávit eum: descendítque cum illo in fóveam, et in vínculis non derelíquit illum, donec afférret illi sceptrum regni, et poténtiam advérsus eos, qui eum deprimébant: et mendáces osténdit, qui maculavérunt illum, et dedit illi claritátem ætérnam, Dóminus, Deus noster.
Evangelium
Sequéntia ++ sancti Evangélii secúndum Lucam
Luc 19:12-26
In illo témpore: Dixit Jesus discípulis suis parábolam hanc: Homo quidam nóbilis ábiit in regionem longínquam accípere sibi regnum, et revérti. Vocátis autem decem servis suis, dedit eis decem mnas, et ait ad illos: Negotiámini, dum vénio. Cives autem ejus óderant eum: et misérunt legatiónem post illum, dicéntes: Nólumus hunc regnáre super nos. Et factum est, ut redíret accépto regno: et jussit vocári servos, quibus dedit pecúniam, ut sciret, quantum quisque negotiátus esset. Venit autem primus, dicens: Dómine, mna tua decem mnas acquisívit. Et ait illi: Euge, bone serve, quia in módico fuísti fidélis, eris potestátem habens super decem civitátes. Et alter venit, dicens: Dómine, mna tua fecit quinque mnas. Et huic ait: Et tu esto super quinque civitátes. Et alter venit, dicens: Dómine, ecce mna tua, quam hábui repósitam in sudário: tímui enim te, quia homo austérus es: tollis, quod non posuísti, et metis, quod non seminásti. Dicit ei: De ore tuo te júdico, serve nequam. Sciébas, quod ego homo austérus sum, tollens, quod non pósui, et metens, quod non seminávi: et quare non dedísti pecúniam meam ad mensam, ut ego véniens cum usúris útique exegíssem illam? Et astántibus dixit: Auferte ab illo mnam et date illi, qui decem mnas habet. Et dixérunt ei: Dómine, habet decem mnas. Dico autem vobis: Quia omni habénti dábitur, et abundábit: ab eo autem, qui non habet, et, quod habet, auferétur ab eo.
Offertorium
Ps 88:25
Véritas mea et misericórdia mea cum ipso: et in nómine meo exaltábitur cornu ejus. (Allelúja.)
Stillgebet
Præsta, quǽsumus, omnípotens Deus: ut, sicut beátus Ludovícus Conféssor tuus, spretis mundi oblectaméntis, soli Regi Christo placére stúduit; ita ejus orátio nos tibi reddat accéptos.
Kommunion
Matt 24:46-47
Beátus servus, quem, cum vénerit dóminus, invénerit vigilántem: amen, dico vobis, super ómnia bona sua constítuet eum. (Allelúja.)
Schlussgebet
Deus, qui beátum Confessórem tuum Ludovícum mirificásti in terris, et gloriósum in cœlis fecísti: eúndem, quǽsumus, Ecclésiæ tuæ constítue defensórem.