Liturgischer Kalender

Römisches Messbuch 1962 (Ausserordentliche Form)

1969 1962

Heute Mittwoch, 15. April 2026

Mittwoch in der Weißen Woche

Osterzeit IV. Klasse Weiß

1 Hl. Angela Merici, Jungfrau 2 Hll. Marcellinus, Petrus und Erasmus, Bischöfe und Märtyrer 3 Mittwoch der ersten Woche nach der Pfingsoktav 4 Hl. Franz von Carácciolo, Bekenner 5 Hl. Bonifatius, Bischof und Martyrer 6 Hl. Norbert, Bischof und Bekenner 7 Zweiter Sonntag nach Pfingsten in der Fronleichnamsoktav 8 Montag in der Fronleichnamsoktav 9 Dienstag in der Fronleichnamsoktav 10 Mittwoch in der Fronleichnamsoktav 11 Hl. Barnabas Apostel 12 Hl. Johannes González von Sahagún, Bekenner 13 Hl. Antonius von Padua, Bekenner 14 Dritter Sonntag nach Pfingsten in der Herz-Jesu-Oktav 15 Vierter Tag der Herz-Jesu-Oktav 16 Fünfter Tag der Herz-Jesu-Oktav 17 Hl. Gregor Barbarigo, Bischof und Bekenner 18 Hl. Ephräm der Syrer, Bekenner und Kirchenlehrer 19 Hl. Juliana von Falconieri, Jungfrau 20 Hl. Silverius, Papst und Martyrer 21 Vierter Sonntag nach Pfingsten 22 Hl. Paulinus von Nola, Bischof und Bekenner 23 Vigil der Geburt des Hl. Johannes des Täufers 24 Fest der Geburt des heiligen Johannes des Täufers 25 Hl. Wilhelm, Abt 26 Hll. Johannes und Paulus, Märtyrer 27 Samstag in der 4. Woche nach Pfingsten 28 Fünfter Sonntag nach Pfingsten 29 Fest der hl. Apostel Petrus und Paulus 30 Gedächtnis des Hl. Apostels Paulus

Freitag, 5. Juni 2026 III. Klasse

Hl. Bonifatius, Bischof und Martyrer

nach Pfingsten Rot

Quelle: sancti · sancti/06-05

Rubriken

Gloria: ja Credo: nein

Messproprium

Introitus

Is 65:19; 65:23

Exsultábo in Jerúsalem et gaudébo in pópulo meo: et non audiétur in eo ultra vos fletus et vox clamóris. Elécti mei non laborábunt frustra neque generábunt in conturbatióne: quia semen benedictórum Dómini est, et nepótes eórum cum eis.

Ps 43:2

Deus, áuribus nostris audívimus: patres nostri narravérunt opus, quod operátus es in diébus eórum.

Kollekte

Deus, qui multitúdinem populórum, beáti Bonifátii Mártyris tui atque Pontíficis zelo, ad agnitiónem tui nóminis vocáre dignátus es: concéde propítius; ut, cujus sollémnia cólimus, étiam patrocínia sentiámus.

Epistel

Léctio libri Sapiéntiæ

Eccli 44:1-15

Laudémus viros gloriósos et paréntes nostros in generatióne sua. Multam glóriam fecit Dóminus magnificéntia sua a sǽculo. Dominántes in potestátibus suis, hómines magni virtúte et prudéntia sua præditi, nuntiántes in prophétis dignitátem prophetárum, et imperántes in præsénti pópulo, et virtúte prudéntiæ pópulis sanctíssima verba. In perítia sua requiréntes modos músicos, et narrántes cármina scripturárum. Hómines dívites in virtúte, pulchritúdinis stúdium habéntes: pacificántes in dómibus suis. Omnes isti in generatiónibus gentis suæ glóriam adépti sunt, et in diébus suis habéntur in láudibus. Qui de illis nati sunt, reliquérunt nomen narrándi laudes eórum. Et sunt, quorum non est memória: periérunt, quasi qui non fúerint: et nati sunt, quasi non nati, et fílii ipsórum cum ipsis. Sed illi viri misericórdiæ sunt, quorum pietátes non defuérunt: cum sémine eórum pérmanent bona, heréditas sancta nepótes eórum, et in testaméntis stetit semen eórum: et fílii eórum propter illos usque in ætérnum manent: semen eórum et glória eórum non derelinquétur. Córpora ipsórum in pace sepúlta sunt, et nomen eórum vivit in generatiónem et generatiónem. Sapiéntiam ipsórum narrent pópuli, et laudem eórum núntiet Ecclésia.

Graduale

1 Pet 4:13-14

Communicántes Christi passiónibus gaudéte, ut in revelatióne glóriæ ejus gaudeátis exsultántes.

Si exprobrámini in nómine Christi, beáti éritis: quóniam, quod est honóris, glóriæ et virtútis Dei, et qui est ejus Spíritus, super vos requiéscet. Allelúja, allelúja.

Is 66:12

Declinábo super eum quasi flúvium pacis, et quasi torréntem inundántem glóriam. Allelúja.

Alleluja

Allelúja.

Is 66:10; 66:14

Lætámini cum Jerúsalem, et exsultáte in ea, omnes, qui dilígitis Dóminum. Allelúja.

Vidébitis, et gaudébit cor vestrum: cognoscétur manus Dómini servis ejus. Allelúja.

Evangelium

Sequéntia ++ sancti Evangélii secúndum Matthǽum

Matt 5:1-12

In illo témpore: Videns Jesus turbas, ascéndit in montem, et cum sedísset, accessérunt ad eum discípuli ejus, et apériens os suum, docébat eos, dicens: Beáti páuperes spíritu: quóniam ipsórum est regnum cœlórum. Beáti mites: quóniam ipsi possidébunt terram. Beáti, qui lugent: quóniam ipsi consolabúntur. Beáti, qui esúriunt et sítiunt justítiam: quóniam ipsi saturabúntur. Beáti misericórdes: quóniam ipsi misericórdiam consequántur. Beáti mundo corde: quóniam ipsi Deum vidébunt. Beáti pacífici: quóniam fílii Dei vocabúntur. Beáti, qui persecutiónem patiúntur propter justítiam: quóniam ipsórum est regnum cœlórum. Beáti estis, cum maledíxerint vobis et persecúti vos fúerint, et díxerint omne malum advérsum vos, mentiéntes, propter me: gaudete et exsultáte, quóniam merces vestra copiósa est in cœlis.

Offertorium

Ps 15:7; 15:8

Benedícam Dóminum, qui tríbuit mihi intelléctum: providébam Deum in conspéctu meo semper, quóniam a dextris est mihi ne commóvear. (Allelúja.)

Stillgebet

Super has hóstias, Dómine, quǽsumus, benedíctio copiósa descéndat: quæ et sanctificatiónem nostram misericórditer operátur; et de sancti Bonifátii Mártyris tui atque Pontíficis fáciat sollemnitáte gaudére.

Kommunion

Apoc 3:21

Qui vícerit, dabo ei sedére mecum in throno meo: sicut et ego vici et sedi cum Patre meo in throno ejus. (Allelúja.)

Schlussgebet

Sanctificáti, Dómine, salutári mystério: quǽsumus; ut nobis sancti Bonifátii Mártyris tui atque Pontíficis pia non desit orátio, cujus nos donásti patrocínio gubernári.

Zusätzliche Lesungen

GradualeP

Is 66:10; 66:14

Allelúja. Lætámini cum Jerúsalem, et exsultáte in ea, omnes, qui dilígitis Dóminum. Allelúja. Vidébitis, et gaudébit cor vestrum: cognoscétur manus Dómini servis ejus. Allelúja.