Liturgischer Kalender
Römisches Messbuch 1962 (Ausserordentliche Form)
Mittwoch in der Weißen Woche
Mo
Di
Mi
Do
Fr
Sa
So
1 Mittwoch in der Karwoche2 Gründonnerstag3 Karfreitag4 Karsamstag5 Sonntag der Auferstehung des Herrn6 Ostermontag7 Osterdienstag8 Mittwoch in der Osteroktav9 Donnerstag in der Osteroktav10 Freitag in der Osteroktav11 Weißer Samstag12 Weißer Sonntag, Oktav der Auferstehung13 Hl. Hermenegild, Märtyrer14 Hl. Justin, Martyrer15 Mittwoch in der Weißen Woche16 Donnerstag in der Weißen Woche17 Hl. Anicet, Papst und Martyrer18 Samstag in der Weißen Woche19 Zweiter Sonntag nach Ostern20 Montag der zweiten Woche nach der Osteroktav21 Hl. Anselm, Bischof, Bekenner und Kirchenlehrer22 Schutzfest des Hl. Josephs, Bekenner, Bräutigam der allerseeligsten Gottestmutter23 Hl. Georg, Martyrer24 Hl. Fidelis von Sigmaringen, Martyrer25 Hl. Markus Evangelist26 Dritter Sonntag nach Ostern27 Hl. Petrus Canisius, Bekenner und Kirchenlehrer28 Hl. Paulus vom Kreuz, Bekenner29 Hl. Petrus der Martyrer30 Hl. Katharina von Siena, Jungfrau
Sonntag, 26. April 2026 IV. Klasse
Dritter Sonntag nach Ostern
- Quelle
- tempora · tempora/Pasc3-0
Rubriken
Gloria: ja Credo: ja
Kommemorationen
- Hll. Cletus und Marcellinus, Päpste und Märtyrer IV. Klasse
Messproprium
Introitus
Ps 65:1-2.
Jubiláte Deo, omnis terra, allelúja: psalmum dícite nómini ejus, allelúja: date glóriam laudi ejus, allelúja, allelúja, allelúja.
Ps 65:3
Dícite Deo, quam terribília sunt ópera tua, Dómine! in multitúdine virtútis tuæ mentiéntur tibi inimíci tui.
Jubiláte Deo, omnis terra, allelúja: psalmum dícite nómini ejus, allelúja: date glóriam laudi ejus, allelúja, allelúja, allelúja.
Kollekte
Deus, qui errántibus, ut in viam possint redíre justítiæ, veritátis tuæ lumen osténdis: da cunctis, qui christiána professióne censéntur, et illa respúere, quæ huic inimíca sunt nómini; et ea, quæ sunt apta, sectári.
Epistel
Léctio Epístolæ beáti Petri Apóstoli
1 Pet 2:11-19
Caríssimi: Obsecro vos tamquam ádvenas et peregrínos abstinére vos a carnálibus desidériis, quæ mílitant advérsus ánimam, conversatiónem vestram inter gentes habéntes bonam: ut in eo, quod detréctant de vobis tamquam de malefactóribus, ex bonis opéribus vos considerántes, gloríficent Deum in die visitatiónis. Subjécti ígitur estóte omni humánæ creatúræ propter Deum: sive regi, quasi præcellénti: sive dúcibus, tamquam ab eo missis ad vindíctam malefactórum, laudem vero bonórum: quia sic est volúntas Dei, ut benefaciéntes obmutéscere faciátis imprudéntium hóminum ignorántiam: quasi líberi, et non quasi velámen habéntes malítiæ libertátem, sed sicut servi Dei. Omnes honoráte: fraternitátem dilígite: Deum timéte: regem honorificáte. Servi, súbditi estóte in omni timóre dóminis, non tantum bonis et modéstis, sed étiam dýscolis. Hæc est enim grátia: in Christo Jesu, Dómino nostro.
Graduale
Allelúja, allelúja.
Ps 110:9
Redemptiónem misit Dóminus pópulo suo. Allelúja.
Luc 24:46
Oportebat pati Christum, et resúrgere a mórtuis: et ita intráre in glóriam suam. Allelúja.
Evangelium
Sequéntia ++ sancti Evangélii secúndum Joánnem.
Joannes 16:16-22
In illo témpore: Dixit Jesus discípulis suis: Módicum, et jam non vidébitis me: et íterum módicum, et vidébitis me: quia vado ad Patrem. Dixérunt ergo ex discípulis ejus ad ínvicem: Quid est hoc, quod dicit nobis: Módicum, et non vidébitis me: et íterum módicum, et vidébitis me, et quia vado ad Patrem? Dicébant ergo: Quid est hoc, quod dicit: Módicum? nescímus, quid lóquitur. Cognóvit autem Jesus, quia volébant eum interrogáre, et dixit eis: De hoc quǽritis inter vos, quia dixi: Módicum, et non vidébitis me: et íterum módicum, et vidébitis me. Amen, amen, dico vobis: quia plorábitis et flébitis vos, mundus autem gaudébit: vos autem contristabímini, sed tristítia vestra vertétur in gáudium. Múlier cum parit, tristítiam habet, quia venit hora ejus: cum autem pepérerit púerum, jam non méminit pressúræ propter gáudium, quia natus est homo in mundum. Et vos ígitur nunc quidem tristítiam habétis, íterum autem vidébo vos, et gaudébit cor vestrum: et gáudium vestrum nemo tollet a vobis.
Offertorium
Ps 145:2
Lauda, ánima mea, Dóminum: laudábo Dóminum in vita mea: psallam Deo meo, quámdiu ero, allelúja.
Stillgebet
His nobis, Dómine, mystériis conferátur, quo, terréna desidéria mitigántes, discámus amáre cœléstia.
Kommunion
Joannes 16:16
Módicum, et non vidébitis me, allelúja: íterum módicum, et vidébitis me, quia vado ad Patrem, allelúja, allelúja.
Schlussgebet
Sacraménta quæ súmpsimus, quǽsumus, Dómine: et spirituálibus nos instáurent aliméntis, et corporálibus tueántur auxíliis.
Zusätzliche Lesungen
Commemoratio Oratio
Deus, qui ineffabili providéntia beátum Joseph sanctíssimæ Genetrícis tuæ sponsum elígere dignátus es: præsta, quǽsumus; ut, quem protectórem venerámur in terris, intercessórem habére mereámur in cœlis:
Commemoratio Postcommunio
Divíni múneris fonte refécti, quǽsumus, Dómine, Deus noster: ut, sicut nos facis beáti Joseph protectióne gaudére; ita, ejus méritis et intercessióne, cœléstis glóriæ fácias esse partícipes.
Commemoratio Secreta
Sanctíssimæ Genetrícis tuæ sponsi patrocínio suffúlti, rogámus, Dómine, cleméntiam tuam: ut corda nostra fácias terréna cuncta despícere, ac te verum Deum perfécta caritáte dilígere: