Liturgischer Kalender

Römisches Messbuch 1962 (Ausserordentliche Form)

1969 1962

Heute Mittwoch, 15. April 2026

Mittwoch in der Weißen Woche

Osterzeit IV. Klasse Weiß

1 Zweiter Sonntag der Fastenzeit 2 Montag in der 2. Fastenwoche 3 Dienstag in der 2. Fastenwoche 4 Mittwoch in der 2. Fastenwoche 5 Donnerstag in der 2. Fastenwoche 6 Freitag in der 2. Fastenwoche 7 Samstag in der 2. Fastenwoche 8 Dritter Sonntag der Fastenzeit 9 Montag in der 3. Fastenwoche 10 Dienstag in der 3. Fastenwoche 11 Mittwoch in der 3. Fastenwoche 12 Donnerstag in der 3. Fastenwoche 13 Freitag in der 3. Fastenwoche 14 Samstag in der 3. Fastenwoche 15 Vierter Sonntag der Fastenzeit 16 Montag in der 4. Fastenwoche 17 Dienstag in der 4. Fastenwoche 18 Mittwoch in der 4. Fastenwoche 19 Hl. Joseph, Gemahl der hl. Jungfrau Maria, Bekenner 20 Freitag in der 4. Fastenwoche 21 Samstag in der 4. Fastenwoche 22 Passionssonntag 23 Montag in der Passionswoche 24 Dienstag in der Passionswoche 25 Fest der Verkündigung der heiligen Jungfrau Maria 26 Donnerstag in der Passionswoche 27 Fest der Sieben Schmerzen der heiligen Jungfrau Maria 28 Samstag in der Passionswoche 29 Palmsonntag 30 Montag in der Karwoche 31 Dienstag in der Karwoche

Dienstag, 17. März 2026 III. Klasse

Dienstag in der 4. Fastenwoche

Fastenzeit Violett

Quelle: tempora · tempora/Quad4-2

Rubriken

Gloria: nein Credo: nein

Kommemorationen

Hl. Patrick, Bischof und Bekenner III. Klasse

Messproprium

Introitus

Ps 54:2-3

Exáudi, Deus, oratiónem meam, et ne despéxeris deprecatiónem meam: inténde in me et exáudi me.

Ps 54:3-4

Contristátus sum in exercitatióne mea: et conturbátus sum a voce inimíci et a tribulatióne peccatóris.

Exáudi, Deus, oratiónem meam, et ne despéxeris deprecatiónem meam: inténde in me et exáudi me.

Kollekte

Sacræ nobis, quǽsumus, Dómine, observatiónis jejúnia: et piæ conversatiónis augméntum, et tuæ propitiatiónis contínuum præstent auxílium.

Epistel

Léctio libri Exodi.

Exod 32:7-14

In diébus illis: Locútus est Dóminus ad Móysen, dicens: Descénde de monte: peccávit pópulus tuus, quem eduxísti de terra Ægýpti. Recessérunt cito de via, quam ostendísti eis: fecerúntque sibi vítulum conflátilem, et adoravérunt, atque immolántes ei hóstias, dixérunt: Isti sunt dii tui, Israël, qui te eduxérunt de terra Ægýpti. Rursúmque ait Dóminus ad Móysen: Cerno, quod pópulus iste duræ cervícis sit: dimítte me, ut irascátur furor meus contra eos, et déleam eos, faciámque te in gentem magnam. Móyses autem orábat Dóminum, Deum suum, dicens: Cur, Dómine, iráscitur furor tuus contra pópulum tuum, quem eduxísti de terra Ægýpti in fortitúdine magna et in manu robústa? Ne quæro dicant Ægýptii: Cállide edúxit eos, ut interfíceret in móntibus et deléret e terra: quiéscat ira tua, et esto placábilis super nequítia pópuli tui. Recordáre Abraham, Isaac et Israël, servórum tuórum, quibus jurásti per temetípsum, dicens: Multiplicábo semen vestrum sicut stellas cœli: et univérsam terram hanc, de qua locútus sum, dabo sémini vestro, et possidébitis eam semper. Placatúsque est Dóminus, ne fáceret malum, quod locútus fúerat advérsus pópulum suum.

Graduale

Ps 43:26, 2

Exsúrge, Dómine, fer opem nobis: et líbera nos propter nomen tuum.

Deus, áuribus nostris audívimus: et patres nostri annuntiavérunt nobis opus, quod operátus es in diébus eórum et in diébus antíquis.

Evangelium

Sequéntia ++ sancti Evangélii secúndum Joánnem.

Joann 7:14-31

In illo témpore: Jam die festo mediánte, ascéndit Jesus in templum, et docébat. Et mirabántur Judǽi, dicéntes: Quómodo hic lítteras scit, cum non didícerit? Respóndit eis Jesus et dixit: Mea doctrína non est mea, sed ejus, qui misit me. Si quis volúerit voluntátem ejus fácere, cognóscet de doctrína, utrum ex Deo sit, an ego a meípso loquar. Qui a semetípso lóquitur, glóriam própriam quærit. Qui autem quærit glóriam ejus, qui misit eum, hic verax est, et injustítia in illo non est. Nonne Móyses dedit vobis legem: et nemo ex vobis facit legem? quid me quǽritis interfícere ? Respóndit turba, et dixit: Dæmónium habes: quis te quærit interfícere ? Respóndit Jesus et dixit eis: Unum opus feci, et omnes mirámini. Proptérea Móyses dedit vobis circumcisiónem -non quia ex Móyse est, sed ex pátribus: - et in sábbato circumcíditis hóminem. Si circumcisiónem áccipit homo in sábbato, ut non solvátur lex Móysi: mihi indignámini, quia totum hóminem sanum feci in sábbato? Nolíte judicáre secúndum fáciem, sed justum judícium judicáte. Dicébant ergo quidam ex Jerosólymis: Nonne hic est, quem quærunt interfícere ? Et ecce, palam lóquitur, et nihil ei dicunt. Numquid vere cognovérunt príncipes, quia hic est Christus? Sed hunc scimus, unde sit: Christus autem, cum vénerit, nemo scit, unde sit. Clamábat ergo Jesus in templo docens, et dicens: Et me scitis et, unde sim, scitis, et a meípso non veni, sed est verus, qui misit me, quem vos nescítis. Ego scio eum, quia ab ipso sum, et ipse me misit. Quærébant ergo eum apprehéndere: et nemo misit in illum manus, quia nondum vénerat hora ejus. De turba autem multi credidérunt in eum.

Offertorium

Ps 39:2, 3, 4

Exspéctans exspectávi Dóminum, et respéxit me: et exaudívit deprecatiónem meam: et immísit in os meum cánticum novum, hymnum Deo nostro.

Stillgebet

Hæc hóstia, Dómine, quǽsumus, emúndet nostra delícta: et, ad sacrifícium celebrándum, subditórum tibi córpora mentésque sanctíficet.

Kommunion

Ps 19:6

Lætábimur in salutári tuo: et in nómine Dómini, Dei nostri, magnificábimur.

Schlussgebet

Hujus nos, Dómine, percéptio sacraménti mundet a crímine: et ad cæléstia regna perdúcat.

Zusätzliche Lesungen

Super populum

Orémus. Humiliáte cápita vestra Deo. Miserére, Dómine, pópulo tuo: et contínuis tribulatiónibus laborántem, propítius respiráre concéde.