Liturgischer Kalender

Römisches Messbuch 1962 (Ausserordentliche Form)

1969 1962

Heute Mittwoch, 15. April 2026

Mittwoch in der Weißen Woche

Osterzeit IV. Klasse Weiß

1 Sonntag Septuagesima 2 Mariä Lichtmess (Darstellung des Herrn)3 Hl. Blasius, Bischof und Martyrer 4 Hl. Andreas Corsini, Bischof und Martyrer 5 Hl. Agatha, Jungfrau und Martyrerin 6 Hl. Titus, Bischof und Bekenner 7 Hl. Romuald, Abt 8 Sonntag Sexagesima 9 Hl. Kyrill, Bischof von Alexandria, Bekenner und Kirchenlehrer 10 Hl. Scholastika, Jungfrau 11 Erscheinung der seligsten Jungfrau Maria von Lourdes 12 Sieben heilige Gründer des Servitenordens Unserer Lieben Frau 13 Freitag in der Sexagesima-Woche 14 Hl. Valentin, Priester und Martyrer 15 Sonntag Quinquagesima 16 Montag nach dem Sonntag Quinquagesima 17 Dienstag nach dem Sonntag Quinquagesima 18 Aschermittwoch 19 Donnerstag nach Aschermittwoch 20 Freitag nach Aschermittwoch 21 Samstag nach Aschermittwoch 22 Erster Sonntag der Fastenzeit 23 Montag in der 1. Fastenwoche 24 Hl. Matthias Apostel 25 Quartembermittwoch in der Fastenzeit 26 Donnerstag in der 1. Fastenwoche 27 Quartemberfreitag in der Fastenzeit 28 Quartembersamstag in der Fastenzeit

Sonntag, 1. Februar 2026 II. Klasse

Sonntag Septuagesima

Vorfastenzeit Violett

Quelle: tempora · tempora/Quadp1-0

Rubriken

Gloria: nein Credo: ja Präfation: Trinitatis

Kommemorationen

Hl. Ignatius (von Antiochia), Bischof und Martyrer III. Klasse

Messproprium

Introitus

Ps 17:5; 17:6; 17:7

Circumdedérunt me gémitus mortis, dolóres inférni circumdedérunt me: et in tribulatióne mea invocávi Dóminum, et exaudívit de templo sancto suo vocem meam.

Ps 17:2-3

Díligam te, Dómine, fortitúdo mea: Dóminus firmaméntum meum, et refúgium meum, et liberátor meus.

Circumdedérunt me gémitus mortis, dolóres inférni circumdedérunt me: et in tribulatióne mea invocávi Dóminum, et exaudívit de templo sancto suo vocem meam.

Kollekte

Preces pópuli tui, quǽsumus, Dómine, cleménter exáudi: ut, qui juste pro peccátis nostris afflígimur, pro tui nóminis glória misericórditer liberémur.

Epistel

Léctio Epístolæ beáti Pauli Apóstoli ad Corínthios

1 Cor 9:24-27; 10:1-5

Fratres: Nescítis, quod ii, qui in stádio currunt, omnes quidem currunt, sed unus áccipit bravíum? Sic cúrrite, ut comprehendátis. Omnis autem, qui in agóne conténdit, ab ómnibus se ábstinet: et illi quidem, ut corruptíbilem corónam accípiant; nos autem incorrúptam. Ego ígitur sic curro, non quasi in incértum: sic pugno, non quasi áërem vérberans: sed castígo corpus meum, et in servitútem rédigo: ne forte, cum áliis prædicáverim, ipse réprobus effíciar. Nolo enim vos ignoráre, fratres, quóniam patres nostri omnes sub nube fuérunt, et omnes mare transiérunt, et omnes in Móyse baptizáti sunt in nube et in mari: et omnes eándem escam spiritálem manducavérunt, et omnes eúndem potum spiritálem bibérunt bibébant autem de spiritáli, consequénte eos, petra: petra autem erat Christus: sed non in plúribus eórum beneplácitum est Deo.

Graduale

Ps 9:10-11; 9:19-20

Adjútor in opportunitátibus, in tribulatióne: sperent in te, qui novérunt te: quóniam non derelínquis quæréntes te, Dómine,

Quóniam non in finem oblívio erit páuperis: patiéntia páuperum non períbit in ætérnum: exsúrge, Dómine, non præváleat homo.

Ps 129:1-4

De profúndis clamávi ad te. Dómine: Dómine, exáudi vocem meam.

Fiant aures tuæ intendéntes in oratiónem servi tui.

Si iniquitátes observáveris, Dómine: Dómine, quis sustinébit?

Quia apud te propitiátio est, et propter legem tuam sustínui te, Dómine.

Evangelium

Sequéntia ++ sancti Evangélii secúndum Matthǽum

Matt 20:1-16

In illo témpore: Dixit Jesus discípulis suis parábolam hanc: Simile est regnum coelórum hómini patrifamílias, qui éxiit primo mane condúcere operários in víneam suam. Conventióne autem facta cum operáriis ex denário diúrno, misit eos in víneam suam. Et egréssus circa horam tértiam, vidit álios stantes in foro otiósos, et dixit illis: Ite et vos in víneam meam, et quod justum fúerit, dabo vobis. Illi autem abiérunt. Iterum autem éxiit circa sextam et nonam horam: et fecit simíliter. Circa undécimam vero éxiit, et invénit álios stantes, et dicit illis: Quid hic statis tota die otiósi? Dicunt ei: Quia nemo nos condúxit. Dicit illis: Ite et vos in víneam meam. Cum sero autem factum esset, dicit dóminus víneæ procuratóri suo: Voca operários, et redde illis mercédem, incípiens a novíssimis usque ad primos. Cum veníssent ergo qui circa undécimam horam vénerant, accepérunt síngulos denários. Veniéntes autem et primi, arbitráti sunt, quod plus essent acceptúri: accepérunt autem et ipsi síngulos denários. Et accipiéntes murmurábant advérsus patremfamílias, dicéntes: Hi novíssimi una hora fecérunt et pares illos nobis fecísti, qui portávimus pondus diéi et æstus. At ille respóndens uni eórum, dixit: Amíce, non facio tibi injúriam: nonne ex denário convenísti mecum? Tolle quod tuum est, et vade: volo autem et huic novíssimo dare sicut et tibi. Aut non licet mihi, quod volo, fácere? an óculus tuus nequam est, quia ego bonus sum? Sic erunt novíssimi primi, et primi novíssimi. Multi enim sunt vocáti, pauci vero elécti.

Offertorium

Ps 91:2

Bonum est confitéri Dómino, et psállere nómini tuo, Altíssime.

Stillgebet

Munéribus nostris, quǽsumus, Dómine, precibúsque suscéptis: et cœléstibus nos munda mystériis, et cleménter exáudi.

Kommunion

Ps 30:17-18

Illúmina fáciem tuam super servum tuum, et salvum me fac in tua misericórdia: Dómine, non confúndar, quóniam invocávi te.

Schlussgebet

Fidéles tui, Deus, per tua dona firméntur: ut eadem et percipiéndo requírant, et quæréndo sine fine percípiant.

Zusätzliche Lesungen

GradualeF

Ps 9:10-11; 9:19-20

Adjútor in opportunitátibus, in tribulatióne: sperent in te, qui novérunt te: quóniam non derelínquis quæréntes te, Dómine, Quóniam non in finem oblívio erit páuperis: patiéntia páuperum non períbit in ætérnum: exsúrge, Dómine, non præváleat homo.