Liturgischer Kalender
Römisches Messbuch 1962 (Ausserordentliche Form)
Mittwoch in der Weißen Woche
Mo
Di
Mi
Do
Fr
Sa
So
1 Hl. Ägidius, Abt2 Hl. Stephan, König von Ungarn, Bekenner3 Hl. Pius X., Papst und Bekenner4 Donnerstag in der 12. Woche nach Pfingsten5 Hl. Laurentius Justiniani, Bischof und Bekenner6 Samstag in der 12. Woche nach Pfingsten7 13. Sonntag nach Pfingsten8 Fest der Geburt des sel. Jungfrau Maria9 Hl. Gorgonius, Martyrer10 Hl. Nikolas von Tolentino, Bekenner11 Hll. Protus und Hyazinth, Märtyrer12 Fest des heiligsten Namens Mariä13 Samstag in der 13. Woche nach Pfingsten14 Fest der Erhöhung des heiligen Kreuzes15 Fest der Sieben Schmerzen der hl. Jungfrau Maria16 Hll. Kornelius, Papst, und Cyprian, Bischof, Märtyrer17 Stigmatisierung des Hl. Franziskus18 Hl. Joseph von Cupertino, Bekenner19 Hl. Januarius, Bischof, und Gefährten, Märtyrer20 Hl. Eustachius und Gefährten, Märtyrer21 15. Sonntag nach Pfingsten22 Hl. Thomas v. Villanova, Bischof und Bekenner23 Hl. Linus, Papst und Martyrer24 Maria von der Erlösung der Sklaven25 Donnerstag in der 15. Woche nach Pfingsten26 Hll. Cyprian und Justina, Jungfrau, Märtyrer27 Hll. Kosmas und Damian, Märtyrer28 16. Sonntag nach Pfingsten29 Fest der Einweihung der Kirche des heiligen Erzengels Michael30 Hl. Hieronymus, Priester, Bekenner und Kirchenlehrer
Freitag, 12. September 2025 III. Klasse
Fest des heiligsten Namens Mariä
- Quelle
- sancti · sancti/09-12
Rubriken
Gloria: ja Credo: ja Präfation: BeataeMariaeVirginis
Messproprium
Introitus
Ps 44:13; 44:15-16
Vultum tuum deprecabúntur omnes dívites plebis: adducéntur Regi Vírgines post eam: próximæ ejus adducéntur tibi in lætítia et exsultatióne.
Ps 44:2
Eructávit cor meum verbum bonum: dico ego ópera mea Regi.
Vultum tuum deprecabúntur omnes dívites plebis: adducéntur Regi Vírgines post eam: próximæ ejus adducéntur tibi in lætítia et exsultatióne.
Kollekte
Concéde, quǽsumus, omnípotens Deus: ut fidéles tui, qui sub sanctíssimæ Vírginis Maríæ Nómine et protectióne lætántur; ejus pia intercessióne a cunctis malis liberéntur in terris, et ad gáudia ætérna perveníre mereántur in cœlis.
Epistel
Léctio libri Sapiéntiæ
Eccli 24:23-31
Ego quasi vitis fructificávi suavitátem odóris: et flores mei fructus honóris et honestátis. Ego mater pulchræ dilectiónis, et timóris, et agnitiónis, et sanctæ spei. In me grátia omnis viæ et veritátis: in me omnis spes vitæ et virtútis. Transíte ad me, omnes, qui concupíscitis me, et a generatiónibus meis implémini. Spíritus enim meus super mel dulcis, et heréditas mea super mel et favum. Memória mea in generatiónes sæculórum. Qui edunt me, adhuc esúrient: et qui bibunt me, adhuc sítient. Qui audit me, non confundétur: et qui operántur in me, non peccábunt. Qui elúcidant me, vitam ætérnam habébunt.
Graduale
Benedícta et venerábilis es, Virgo María: quæ sine tactu pudóris invénta es Mater Salvatóris.
Virgo, Dei Génetrix, quem totus non capit orbis, in tua se clausit víscera factus homo. Allelúja, allelúja.
Post partum, Virgo, invioláta permansísti: Dei Génetrix, intercéde pro nobis. Allelúja.
Evangelium
Sequéntia ++ sancti Evangélii secúndum Lucam
Luc 1:26-38
In illo témpore: Missus est Angelus Gábriel a Deo in civitátem Galilææ, cui nomen Názareth, ad Vírginem desponsátam viro, cui nomen erat Joseph, de domo David, et nomen Vírginis María. Et ingréssus Angelus ad eam, dixit: Ave, grátia plena; Dóminus tecum: benedícta tu in muliéribus. Quæ cum audísset, turbáta est in sermóne ejus: et cogitábat, qualis esset ista salutátio. Et ait Angelus ei: Ne tímeas, María, invenísti enim grátiam apud Deum: ecce, concípies in útero et páries fílium, et vocábis nomen ejus Jesum. Hic erit magnus, et Fílius Altíssimi vocábitur, et dabit illi Dóminus Deus sedem David, patris ejus: et regnábit in domo Jacob in ætérnum, et regni ejus non erit finis. Dixit autem María ad Angelum: Quómodo fiet istud, quóniam virum non cognósco? Et respóndens Angelus, dixit ei: Spíritus Sanctus supervéniet in te, et virtus Altíssimi obumbrábit tibi. Ideóque et quod nascétur ex te Sanctum, vocábitur Fílius Dei. Et ecce, Elisabeth, cognáta tua, et ipsa concépit fílium in senectúte sua: et hic mensis sextus est illi, quæ vocátur stérilis: quia non erit impossíbile apud Deum omne verbum. Dixit autem María: Ecce ancílla Dómini, fiat mihi secúndum verbum tuum.
Stillgebet
Tua, Dómine, propitiatióne, et beátæ Maríæ semper Vírginis intercessióne, ad perpétuam atque præséntem hæc oblátio nobis profíciat prosperitátem et pacem.
Kommunion
Beáta víscera Maríæ Vírginis, quæ portavérunt ætérni Patris Fílium. (Allelúja.)
Schlussgebet
Sumptis, Dómine, salútis nostræ subsídiis: da, quǽsumus, beátæ Maríæ semper Vírginis patrocíniis nos ubíque prótegi; in cujus veneratióne hæc tuæ obtúlimus majestáti.