Liturgischer Kalender
Römisches Messbuch 1962 (Ausserordentliche Form)
Mittwoch in der Weißen Woche
Mo
Di
Mi
Do
Fr
Sa
So
1 Hll. Machabäische Märtyrer2 Hl. Alfonso Maria de Liguori, Bischof, Bekenner und Kirchenlehrer3 Achter Sonntag nach Pfingsten4 Hl Dominikus, Bekenner5 Mariä Schnee6 Verklärung unseres Herrn Jesus Christus7 Hl. Kajetan, Bekenner8 Hl. Johannes Maria Vianney, Bekenner (Pfarrer von Ars)9 Vigil des Hl. Martyrers Laurentius10 Neunter Sonntag nach Pfingsten11 Hll. Tiburtius und Susanna, Märtyrer12 Hl. Clara, Jungfrau13 Hll. Hippolytus und Cassian, Märtyrer14 Vigil von Mariä Aufnahme in den Himmel15 Fest der Aufnahme der sel. Jungfrau Maria in den Himmel16 Hl. Joachim, Bekenner, Vater der Seligen Jungfrau Maria17 Zehnter Sonntag nach Pfingsten18 Hl. Agapitus, Martyrer19 Hl. Johannes Eudes, Bekenner20 Hl. Bernhard von Clairvaux, Abt und Kirchenlehrer21 Hl. Johanne-Franziska Frémiot von Chantal, Witwe22 Fest des Unbefleckten Herzens Mariens23 Hl. Philipp Benizi, Bekenner24 Elfter Sonntag nach Pfingsten25 Hl. Ludwig, König und Bekenner26 Hl. Zephyrinus, Papst und Martyrer27 Hl. Joseph Calsanz, Bekenner28 Hl. Augustinus von Hippo, Bischof, Bekenner und Kirchenlehrer29 Enthauptung des Hl. Johannes d. Täufers30 Hl. Rosa von Lima, Jungfrau31 Zwölfter Sonntag nach Pfingsten
Mittwoch, 6. August 2025 II. Klasse
Verklärung unseres Herrn Jesus Christus
- Quelle
- sancti · sancti/08-06
Rubriken
Gloria: ja Credo: ja Präfation: Nativitatis
Kommemorationen
- Hl. Sixtus II, Papst, Felix und Agapito, Märtyrer Ferialtag
Messproprium
Introitus
Ps 76:19
Illuxérunt coruscatiónes tuæ orbi terræ: commóta est et contrémuit terra.
Ps 83:2-3
Quam dilécta tabernácula tua, Dómine virtútum! Concupíscit, et déficit ánima mea in átria Dómini.
Illuxérunt coruscatiónes tuæ orbi terræ: commóta est et contrémuit terra.
Kollekte
Deus, qui fídei sacraménta in Unigéniti tui gloriósa Transfiguratióne patrum testimónio roborásti, et adoptiónem filiórum perféctam, voce delápsa in nube lúcida, mirabíliter præsignásti: concéde propítius; ut ipsíus Regis glóriæ nos coherédes effícias, et ejúsdem glóriæ tríbuas esse consórtes.
Epistel
Léctio Epístolæ beáti Petri Apóstoli
2 Petri 1:16-19
Caríssimi: Non doctas fábulas secúti notam fecimus vobis Dómini nostri Jesu Christi virtútem et præséntiam: sed speculatores facti illíus magnitudinis. Accipiens enim a Deo Patre honórem et glóriam, voce delapsa ad eum hujuscemodi a magnifica glória: Hic est Fílius meus diléctus, in quo mihi complacui, ipsum audíte. Et hanc vocem nos audivimus de cœlo allatam, cum essemus cum ipso in monte sancto. Et habémus firmiórem propheticum sermónem: cui bene facitis attendentes, quasi lucérnæ lucénti in caliginóso loco, donec dies elucescat et lucifer oriátur in córdibus vestris.
Graduale
Ps 44:3; 44:2
Speciosus forma præ fíliis hóminum: diffúsa est grátia in lábiis tuis.
Eructávit cor meum verbum bonum: dico ego ópera mea Regi.
Allelúja, allelúja.
Eccli 7:26
Candor est lucis ætérnæ, spéculum sine mácula, et imágo bonitátis illíus. Allelúja.
Evangelium
Sequéntia ++ sancti Evangélii secúndum Matthǽum
Matt 17:1-9
In illo témpore: Assúmpsit Jesus Petrum, et Jacóbum, et Joánnem fratrem ejus, et duxit illos in montem excélsum seórsum: et transfigurátus est ante eos. Et resplénduit fácies ejus sicut sol: vestiménta autem ejus facta sunt alba sicut nix. Et ecce, apparuérunt illis Moyses et Elías cum eo loquéntes. Respóndens autem Petrus, dixit ad Jesum: Dómine, bonum est nos hic esse: si vis, faciámus hic tria tabernácula, tibi unum, Móysi unum et Elíæ unum. Adhuc eo loquénte, ecce, nubes lúcida obumbrávit eos. Et ecce vox de nube, dicens: Hic est Fílius meus diléctus, in quo mihi bene complácui: ipsum audíte. Et audiéntes discípuli, cecidérunt in fáciem suam, et timuérunt valde. Et accéssit Jesus, et tétigit eos, dixítque eis: Surgite, et nolíte timére. Levántes autem óculos suos, néminem vidérunt nisi solum Jesum. Et descendéntibus illis de monte, præcépit eis Jesus, dicens: Némini dixéritis visiónem, donec Fílius hóminis a mórtuis resúrgat.
Offertorium
Ps 111:3
Glória et divítiæ in domo ejus: et justítia ejus manet in sǽculum sǽculi, allelúja.
Stillgebet
Obláta, quǽsumus, Dómine, múnera gloriósa Unigéniti tui Transfiguratióne sanctífica: nosque a peccatórum máculis, splendóribus ipsíus illustratiónis emúnda.
Kommunion
Matt 17:9
Visiónem, quam vidístis, némini dixéritis, donec a mórtuis resúrgat Fílius hóminis.
Schlussgebet
Præsta, quǽsumus, omnípotens Deus: ut sacrosáncta Fílii tui Transfiguratiónis mystéria, quæ sollemni celebrámus offício, purificáta mentis intellegéntia consequámur.