Liturgischer Kalender
Römisches Messbuch 1962 (Ausserordentliche Form)
Mittwoch in der Weißen Woche
Mo
Di
Mi
Do
Fr
Sa
So
1 Kostbares Blut unseres Herrn Jesus Christus2 Fest Mariä Heimsuchung3 Hl. Irenäus, Bischof und Märtyrer4 Oktavtag des allerheiligsten Herzen Jesu5 Hl. Antonius Maria Zaccaria, Bekenner6 Vierter Sonntag nach Pfingsten7 Hll. Kyrill und Method, Bischöfe und Bekenner8 Hl. Elisabeth, Königin v. Portugal, Witwe9 Mittwoch in der 4. Woche nach Pfingsten10 Hll. Sieben Brüder, Märtyrer und hll. Rufina und Sekunda, Jungfrauen und Märtyrerinnen11 Fest des hl. Papstes und Martyrers Pius I.12 Hl. Johannes Walbert, Abt13 Fünfter Sonntag nach Pfingsten14 Hl. Bonaventura, Bischof, Bekenner und Kirchenlehrer15 Hl. Heinrich, Kaiser und Bekenner16 Unsere Liebe Frau vom Berge Karmel17 Hl. Alexius, Bekenner18 Hl. Kamillus von Lellis, Bekenner19 Hl. Vinzenz von Paul, Bekenner20 Sechster Sonntag nach Pfingsten21 Hl. Laurentius von Brindisi, Bekenner und Kirchenlehrer22 Hl. Maria Magdalena, Büßerin23 Hl. Apollinaris, Bischof und Martyrer24 Hl. Christina, Jungfrau und Martyrerin25 Fest des heiligen Apostels Jakobus26 Hl. Anna, Mutter der hl. Jungfrau Maria27 Siebter Sonntag nach Pfingsten28 Hll. Nazarius und Celsus, Märtyrer, Victor I., Papst und Martyrer, sowie Innozenz I., Papst und Bekenner29 Hl. Martha, Jungfrau30 Hl. Abdon und Sennen, Märtyrer31 Hl. Ignatius von Loyola, Bekenner
Donnerstag, 3. Juli 2025 III. Klasse
Hl. Irenäus, Bischof und Märtyrer
- Quelle
- sancti · sancti/07-03r
Rubriken
Gloria: ja Credo: nein
Messproprium
Introitus
Malach 2:6
Lex veritátis fuit in ore ejus, et iníquitas non est invénta in lábiis ejus: in pace et in æquitáte ambulávit mecum, et multos avértit ab iniquitáte.
Ps 77:1
Atténdite, pópule meus, legem meam: inclináte aurem vestram in verba oris mei.
Lex veritátis fuit in ore ejus, et iníquitas non est invénta in lábiis ejus: in pace et in æquitáte ambulávit mecum, et multos avértit ab iniquitáte.
Kollekte
Deus, qui beáto Irenǽo Mártyri tuo atque Pontífici tribuísti, ut et veritáte doctrínæ expugnáret hǽreses, et pacem Ecclésiæ felíciter confirmáret: da, quǽsumus, plebi tuæ in sancta religióne constántiam; et pacem tuam nostris concéde tempóribus.
Epistel
Léctio Epístolæ beáti Pauli Apóstoli ad Timótheum
2 Tim 3:14-17; 4:1-5
Caríssime: Pérmane in iis, quæ didicísti et crédita sunt tibi: sciens, a quo didíceris; et quia ab infántia sacras; lítteras nosti, quæ te possunt instrúere ad salútem, per fidem, quæ est in Christo Jesu. Omnis Scriptúra divínitus inspiráta útilis est ad docéndum, ad arguéndum, ad corripiéndum, ad erudiéndum in justítia: ut perféctus sit homo Dei, ad omne opus bonum instrúctus. Testíficor coram Deo, et Jesu Christo, qui judicatúrus est vivos et mórtuos, per advéntum ipsíus et regnum ejus: prǽdica verbum, insta opportúne, importúne: árgue, óbsecra, íncrepa in omni patiéntia et doctrína. Erit enim tempus, cum sanam doctrínam non sustinébunt, sed ad sua desidéria coacervábunt sibi magístros, pruriéntes áuribus, et a veritáte quidem audítum avértent, ad fábulas autem converténtur. Tu vero vígila, in ómnibus labóra, opus fac Evangelístæ, ministérium tuum imple.
Graduale
Ps 121:8
Propter fratres meos et próximos meos loquébar pacem de te.
Ps 36:37
Custódi innocéntiam et vide æquitátem: quóniam sunt relíquiæ hómini pacífico.
Allelúja, allelúja.
Eccli. 6:35
In multitúdine presbyterórum prudéntium sta, et sapiéntiæ illórum ex corde conjúngere, ut omnem narratiónem Dei possis audíre. Allelúja.
Alleluja
Allelúja, allelúja.
Ps 36:37
Custódi innocéntiam et vide æquitátem: quóniam sunt relíquiæ hómini pacífico. Allelúja.
Eccli 6:35
In multitúdine presbyterórum prudéntium sta, et sapiéntiæ illórum ex corde conjúngere, ut omnem narratiónem Dei possis audire. Allelúja.
Tractus
Ps 36:23; 36:30-31
Apud Dóminum gressus hóminis dirigéntur: et viam ejus volet.
Os justi meditábitur sapiéntiam, et lingua ejus loquétur judícium.
Lex Dei ejus in corde ipsíus: et non supplantabúntur gressus ejus.
Evangelium
Sequéntia ++ sancti Evangélii secúndum Matthǽum
Matt 10:28-33
In illo témpore: Dixit Jesus discípulis suis: Nolíte timére eos, qui occídunt corpus, ánimam autem non possunt occídere; sed pótius timéte eum, qui potest et ánimam et corpus pérdere in gehénnam. Nonne duo pásseres asse véneunt: et unus ex illis non cadet super terram sine Patre vestro? Vestri autem capílli cápitis omnes numeráti sunt. Nolíte ergo timére: multis passéribus melióres estis vos. Omnis ergo, qui confitébitur me coram homínibus, confitébor et ego eum coram Patre meo, qui in cœlis est. Qui autem negáverit me coram homínibus, negábo et ego eum coram Patre meo, qui in cœlis est.
Offertorium
Eccli 24:44
Doctrínam quasi ante lucánum illúmino ómnibus, et enarrábo illam usque ad longínquum.
Stillgebet
Deus, qui credéntes in te pópulos nullis sinis cóncuti terróribus: dignáre preces et hóstias dicátæ tibi plebis suscípere; ut pax, a tua pietáte concéssa, christianórum fines ab omni hoste fáciat esse secúros.
Kommunion
Eccli 24:47
Vidéte, quóniam non soli mihi laborávi, sed ómnibus exquiréntibus veritátem.
Schlussgebet
Deus, auctor pacis et amátor, quem nosse vívere, cui servíre regnáre est: prótege ab ómnibus impugnatiónibus súpplices tuos; ut, qui in defensióne tua confídimus, beáti Irenæi Mártyris tui atque Pontíficis intercessióne, nullius hostilitátis arma timeámus.
Zusätzliche Lesungen
GradualeP
Ps 36:37Eccli 6:35
Allelúja, allelúja.
Custódi innocéntiam et vide æquitátem: quóniam sunt relíquiæ hómini pacífico. Allelúja.
In multitúdine presbyterórum prudéntium sta, et sapiéntiæ illórum ex corde conjúngere, ut omnem narratiónem Dei possis audire. Allelúja.