Liturgischer Kalender

Römisches Messbuch 1962 (Ausserordentliche Form)

1969 1962

Heute Freitag, 17. April 2026

Hl. Anicet, Papst und Martyrer

Osterzeit Ferialtag Rot

1 Dienstag in der 4. Fastenwoche 2 Mittwoch in der 4. Fastenwoche 3 Donnerstag in der 4. Fastenwoche 4 Freitag in der 4. Fastenwoche 5 Samstag in der 4. Fastenwoche 6 Passionssonntag 7 Montag in der Passionswoche 8 Dienstag in der Passionswoche 9 Mittwoch in der Passionswoche 10 Donnerstag in der Passionswoche 11 Fest der Sieben Schmerzen der heiligen Jungfrau Maria 12 Samstag in der Passionswoche 13 Palmsonntag 14 Montag in der Karwoche 15 Dienstag in der Karwoche 16 Mittwoch in der Karwoche 17 Gründonnerstag 18 Karfreitag 19 Karsamstag 20 Sonntag der Auferstehung des Herrn 21 Ostermontag 22 Osterdienstag 23 Mittwoch in der Osteroktav 24 Donnerstag in der Osteroktav 25 Freitag in der Osteroktav 26 Weißer Samstag 27 Weißer Sonntag, Oktav der Auferstehung 28 Hl. Paulus vom Kreuz, Bekenner 29 Hl. Petrus der Martyrer 30 Hl. Katharina von Siena, Jungfrau

Mittwoch, 9. April 2025 III. Klasse

Mittwoch in der Passionswoche

Passionszeit Violett

Quelle: tempora · tempora/Quad5-3

Rubriken

Gloria: nein Credo: nein Präfation: Crucis

Messproprium

Introitus

Ps 17:48-49

Liberátor meus de géntibus iracúndis: ab insurgéntibus in me exaltábis me: a viro iníquo erípies me, Dómine.

Ps 17:2-3

Díligam te, Dómine, virtus mea: Dóminus firmaméntum meum, et refúgium meum, et liberátor meus.

Liberátor meus de géntibus iracúndis: ab insurgéntibus in me exaltábis me: a viro iníquo erípies me, Dómine.

Kollekte

Sanctificáto hoc jejúnio, Deus, tuórum corda fidélium miserátor illústra: et quibus devotiónis præstas afféctum, præbe supplicántibus pium benígnus audítum.

Epistel

Léctio libri Levítici.

Lev 19:1-2, 11-19, 25

In diébus illis: Locútus est Dóminus ad Móysen, dicens: Lóquere ad omnem cœtum filiórum Israël, et dices ad eos: Ego Dóminus, Deus vester. Non faciétis furtum. Non mentiémini, nec decípiet unusquísque próximum suum. Non perjurábis in nómine meo, nec póllues nomen Dei tui. Ego Dóminus. Non fácies calúmniam próximo tuo: nec vi ópprimes eum. Non morábitur opus mercenárii tui apud te usque mane. Non maledíces surdo, nec coram cæco pones offendículum: sed timébis Dóminum, Deum tuum, quia ego sum Dóminus. Non fácies quod iníquum est, nec injúste judicábis. Non consíderes persónam páuperis, nec honóres vultum poténtis. Juste júdica próximo tuo. Non eris criminátor, nec susúrro in pópulo. Non stabis contra sánguinem próximi tui. Ego Dóminus. Non óderis fratrem tuum in corde tuo, sed públice árgue eum, ne hábeas super illo peccátum. Non quæras ultiónem, nec memor eris injúriæ cívium tuórum. Díliges amícum tuum sicut teípsum. Ego Dóminus. Leges meas custodíte. Ego enim sum Dóminus, Deus vester.

Graduale

Ps 29:2-4

Exaltábo te, Dómine, quóniam suscepísti me: nec delectásti inimícos meos super me.

Dómine, Deus meus, clamávi ad te, et sanásti me: Dómine, abstraxísti ab ínferis ánimam meam, salvásti me a descendéntibus in lacum.

Ps 102:10

Dómine, non secúndum peccáta nostra, quæ fécimus nos: neque secúndum iniquitátes nostras retríbuas nobis.

Ps 78:8-9

Dómine, ne memíneris iniquitátum nostrárum antiquárum: cito antícipent nos misericórdiæ tuæ, quia páuperes facti sumus nimis. (Hic genuflectitur)

Adjuva nos, Deus, salutáris noster: et propter glóriam nóminis tui, Dómine, líbera nos: et propítius esto peccátis nostris, propter nomen tuum.

Evangelium

Sequéntia ++ sancti Evangélii secúndum Joánnem.

Joann 10:22-38

In illo témpore: Facta sunt encǽnia in Jerosólymis: et hiems erat. Et ambulábat Jesus in templo, in pórticu Salomónis. Circumdedérunt ergo eum Judǽi, et dicébant ei: Quoúsque ánimam nostram tollis? Si tu es Christus, dic nobis palam. Respóndit eis Jesus: Loquor vobis, et non créditis: Opera, quæ ego fácio in nómine Patris mei, hæc testimónium pérhibent de me: sed vos non créditis, quia non estis ex óvibus meis. Oves meæ vocem meam áudiunt: et ego cognósco eas, et sequúntur me: et ego vitam ætérnam do eis: et non períbunt in ætérnum, et non rápiet eas quisquam de manu mea. Pater meus quod dedit mihi, majus ómnibus est: et nemo potest rápere de manu Patris mei. Ego et Pater unum sumus. Sustulérunt ergo lápides Judǽi, ut lapidárent eum. Respóndit eis Jesus: Multa bona ópera osténdi vobis ex Patre meo, propter quod eórum opus me lapidátis? Respondérunt ei Judǽi: De bono ópere non lapidámus te, sed de blasphémia: et quia tu, homo cum sis, facis teípsum Deum. Respóndit eis Jesus: Nonne scriptum est in lege vestra: quia ego dixi, dii estis? Si illos dixit deos, ad quos sermo Dei factus est, et non potest solvi Scriptúra: quem Pater sanctificávit, et misit in mundum, vos dícitis: Quia blasphémas: quia dixi, Fílius Dei sum? Si non fácio ópera Patris mei, nolíte crédere mihi. Si autem fácio, et si mihi non vultis crédere, opéribus crédite, ut cognoscátis et credátis, quia Pater in me est et ego in Patre.

Offertorium

Ps 58:2

Eripe me de inimícis meis, Deus meus: et ab insurgéntibus in me líbera me, Dómine.

Stillgebet

Annue, miséricors Deus: ut hóstias placatiónis et laudis sincéro tibi deferámus obséquio.

Kommunion

Ps 25:6-7

Lavábo inter innocéntes manus meas, et circuíbo altáre tuum, Dómine: ut áudiam vocem laudis tuæ, et enárrem univérsa mirabília tua.

Schlussgebet

Cœléstis doni benedictióne percépta: súpplices te, Deus omnípotens, deprecámur; ut hoc idem nobis et sacraménti causa sit et salútis.

Zusätzliche Lesungen

Super populum

Orémus. Humiliáte cápita vestra Deo. Adésto supplicatiónibus nostris, omnípotens Deus: et, quibus fidúciam sperándæ pietátis indúlges; consuétæ misericórdiæ tríbue benígnus efféctum.