Liturgischer Kalender
Römisches Messbuch 1962 (Ausserordentliche Form)
Hl. Anicet, Papst und Martyrer
Mo
Di
Mi
Do
Fr
Sa
So
1 Hl. Ignatius (von Antiochia), Bischof und Martyrer2 Mariä Lichtmess (Darstellung des Herrn)3 Hl. Blasius, Bischof und Martyrer4 Hl. Andreas Corsini, Bischof und Martyrer5 Hl. Agatha, Jungfrau und Martyrerin6 Hl. Titus, Bischof und Bekenner7 Hl. Romuald, Abt8 Hl. Johannes von Matha, Bekenner9 Fünfter Sonntag nach Erscheinung10 Hl. Scholastika, Jungfrau11 Erscheinung der seligsten Jungfrau Maria von Lourdes12 Sieben heilige Gründer des Servitenordens Unserer Lieben Frau13 Donnerstag in der 5. Woche nach Erscheinung des Herrn14 Hl. Valentin, Priester und Martyrer15 Hll. Faustinus und Jovita, Märtyrer16 Sonntag Septuagesima17 Montag in der Septuagesima-Woche18 Hl. Simeon, Bischof und Martyrer19 Mittwoch in der Septuagesima-Woche20 Donnerstag in der Septuagesima-Woche21 Freitag in der Septuagesima-Woche22 In Cathedra S. Petri Apostoli Antiochiæ23 Sonntag Sexagesima24 Hl. Matthias Apostel25 Dienstag in der Sexagesima-Woche26 Mittwoch in der Sexagesima-Woche27 Hl. Gabriel von der schmerzensreichen Jungfrau28 Freitag in der Sexagesima-Woche
Samstag, 22. Februar 2025 III. Klasse
In Cathedra S. Petri Apostoli Antiochiæ
- Quelle
- sancti · sancti/02-22
Rubriken
Gloria: ja Credo: ja Präfation: Apostolorum
Messproprium
Introitus
Ps 20:2-3
In virtúte tua, Dómine, lætábitur justus: et super salutáre tuum exsultábit veheménter: desidérium ánimæ ejus tribuísti ei.
Ps 20:4
Quóniam prævenísti eum in benedictiónibus dulcédinis: posuísti in cápite ejus corónam de lápide pretióso.
In virtúte tua, Dómine, lætábitur justus: et super salutáre tuum exsultábit veheménter: desidérium ánimæ ejus tribuísti ei.
Epistel
Léctio Epístolæ beáti Petri Apóstoli
1 Pet 1:1-7
Petrus, Apóstolus Jesu Christi, eléctis ádvenis dispersiónis Ponti, Galátiæ, Cappadóciæ, Asiæ et Bithýniæ secúndum præsciéntiam Dei Patris, in sanctificatiónem Spíritus, in obœdiéntiam, et aspersiónem sánguinis Jesu Christi: grátia vobis et pax multiplicétur. Benedíctus Deus et Pater Dómini nostri Jesu Christi, qui secúndum misericórdiam suam magnam regenerávit nos in spem vivam, per resurrectiónem Jesu Christi ex mórtuis, in hereditátem incorruptíbilem et incontaminátam et immarcescíbilem, conservátam in cœlis in vobis, qui in virtúte Dei custodímini per fidem in salútem, parátam revelári in témpore novíssimo. In quo exsultábitis, módicum nunc si opórtet contristári in váriis tentatiónibus: ut probátio vestræ fídei multo pretiósior auro [quod per ignem probatur] inveniátur in laudem et glóriam et honórem, in revelatióne Jesu Christi, Dómini nostri.
Graduale
Ps 106:32; 106:31.
Exáltent eum in ecclésia plebis: et in cáthedra seniórum laudent eum.
Confiteántur Dómino misericórdiæ ejus, et mirabília ejus fíliis hóminum.
Allelúja, allelúja.
Matt 16:18
Tu es Petrus, et super hanc petram ædificábo Ecclésiam meam. Allelúja.
Alleluja
Allelúja, allelúja.
Ps 106:8
Confitéantur Dómino misericórdiæ ejus, et mirabília ejus fíliis hóminum
Matt 6:18
Tu es Petrus, et super hanc petram ædificábo Ecclésiam meam. Allelúja.
Tractus
Matt 16:18-19
Tu es Petrus, et super hanc petram ædificábo Ecclésiam meam.
Et portæ ínferi non prævalébunt advérsus eam: et tibi dabo claves regni cœlórum.
Quodcúmque ligáveris super terram, erit ligátum et in cœlis.
Et quodcúmque sólveris super terram, erit solútum et in cœlis.
Evangelium
Sequéntia ++ sancti Evangélii secúndum Matthǽum
Matt 16:13-19
In illo témpore: Venit Jesus in partes Cæsaréæ Philíppi, et interrogábat discípulos suos, dicens: Quem dicunt hómines esse Fílium hóminis? At illi dixérunt: Alii Joánnem Baptístam, alii autem Elíam, álii vero Jeremíam, aut unum ex prophétis. Dicit illis Jesus: Vos autem quem me esse dícitis? Respóndens Simon Petrus, dixit: Tu es Christus, Fílius Dei vivi. Respóndens autem Jesus, dixit ei: Beátus es, Simon Bar Jona: quia caro et sanguis non revelávit tibi, sed Pater meus, qui in cœlis est. Et ego dico tibi, quia tu es Petrus, et super hanc petram ædificábo Ecclésiam meam, et portæ ínferi non prævalébunt advérsus eam. Et tibi dabo claves regni cœlórum. Et quodcúmque ligáveris super terram, erit ligátum et in cœlis: et quodcúmque sólveris super terram, erit solútum et in cœlis.
Offertorium
Matt 16:18-19
Tu es Petrus, et super hanc petram ædificábo Ecclésiam meam: et portæ ínferi non prævalébunt advérsus eam: et tibi dabo claves regni cœlórum. (Allelúja.)
Kommunion
Matt 16:18
Tu es Petrus, et super hanc petram ædificábo Ecclésiam meam. (Allelúja.)
Zusätzliche Lesungen
GradualeP
Eccli 45:30Ps 131:1.
Státuit ei Dóminus testaméntum pacis, et príncipem fecit eum: ut sit illi sacerdótii dígnitas in ætérnum. (Allelúja, allelúja.)
Meménto, Dómine, David: et omnis mansuetúdinis ejus.
Státuit ei Dóminus testaméntum pacis, et príncipem fecit eum: ut sit illi sacerdótii dígnitas in ætérnum. (Allelúja, allelúja.)
Oratio Pauli
Deus, qui multitúdinem géntium beáti Pauli Apóstoli prædicatióne docuísti: da nobis, quǽsumus; ut, cujus commemoratiónem cólimus, ejus apud te patrocínia sentiámus.
Oratio Petri
Deus, qui beáto Petro Apóstolo tuo, collátis clávibus regni cœléstis, ligándi atque solvéndi pontifícium tradidísti: concéde; ut, intercessiónis ejus auxílio, a peccatórum nostrórum néxibus liberémur:
Postcommunio Pauli
Sanctificáti, Dómine, salutári mystério: quǽsumus; ut nobis ejus non desit orátio, cujus nos donásti patrocínio gubernári.
Postcommunio Petri
Lætíficet nos, Dómine, munus oblátum: ut, sicut in Apóstolo tuo Petro te mirábilem prædicámus; sic per illum tuæ sumámus indulgéntiæ largitátem.
Secreta Pauli
Apóstoli tui Pauli précibus, Dómine, plebis tuæ dona sanctífica: ut, quæ tibi tuo grata sunt institúto, gratióra fiant patrocínio supplicántis.
Secreta Petri
Ecclésiæ tuæ, quǽsumus, Dómine, preces et hóstias beáti Petri Apóstoli comméndet orátio: ut, quod pro illíus glória celebrámus, nobis prosit ad véniam.