Orationes

In nómine ♱ Patris, et Fílii, et Spíritus Sancti. Amen.

^⚬Glória Patri, et Fílio, et Spirítui Sancto. Sicut erat in princípio, et nunc, et semper: et in sǽcula sæculórum. Amen.

Pater noster, qui es in cælis Sanctificétur nomen tuum Advéniat regnum tuum Fiat volúntas tua, sicut in cælo, et in terra. Panem nostrum quotidiánum da nobis hódie. Et dimítte nobis debíta nostra, sicut et nos dimíttimus debitóribus nostris. Et ne nos indúcas in tentatiónem. Sed líbera nos a malo. Amen.

Credo in unum ^⚬ Deum, Patrem omnipoténtem, factórem cæli et terræ, visibílium ómnium et invisibílium. Et in unum Dóminum ^⚬ Jesum Christum, Fílium Dei unigénitum. Et ex Patre natum ante ómnia sǽcula. Deum de Deo, lumen de lúmine, Deum verum de Deo vero. Génitum, non factum, consubstantiálem Patri: per quem ómnia facta sunt. Qui propter nos hómines et propter nostram salútem descéndit de cælis.

Et incarnátus est de Spíritu Sancto ex ^⚬ María Vírgine: Et homo factus est. Crucifíxus étiam pro nobis: sub Póntio Piláto passus, et sepúltus est.

Et resurréxit tértia die, secúndum Scriptúras. Et ascéndit in cáelum: sedet ad déxteram Patris.

Et íterum ventúrus est cum glória judicáre vivos et mórtuos: cujus regni non erit finis.

Et in Spíritum Sanctum, Dóminum et vivificántem: qui ex Patre Filióque procédit. Qui cum Patre et Fílio simul adorátur et conglorificátur: qui locútus est per Prophétas. Et unam sanctam cathólicam et apostólicam Ecclésiam. Confíteor unum baptísma in remissiónem peccatórum. Et exspécto resurrectiónem mortuórum. ♱ Et vitam ventúri sǽculi. Amen.

Ave ^⚬María, grátia plena. Dóminus tecum, benedícta tu in muliéribus, et benedíctus fructus ventris tui, ^⚬Jesus.

Sancta ^⚬María, mater Dei, ora pro nobis peccatóribus, nunc, et in hora mortis nostræ. Amen.

Salve, Regína, máter misericórdiae; Víta, dulcédo et spes nóstra, sálve.

Ad te clamámus, éxsules fílii Hévae. Ad te suspirámus, geméntes et fléntes in hac lacrimárum válle. Eia ergo, Advocáta nóstra, íllos túos misericórdes óculos ad nos convérte. Et ^⚬Jésum, benedíctum frúctum véntris túi, nóbis post hoc exsílíum osténde. O clémens, o pía, o dúlcis Vírgo ^⚬María. Amen.

Mí ^⚬Jésú, indúlge peccáta nostra, præsérva nos ab igne inférni, duc omnes ad cæli glóriam, præcípe tua misericórdia máxime egéntes. Amen.

Glória in excélsis ^⚬ Deo. Et in terra pax homínibus bonæ voluntátis. Laudámus te. Benedícimus te. ^⚬ Adorámus te. Glorificámus te. ^⚬ Grátias ágimus tibi propter magnam glóriam tuam. Dómine Deus, Rex cæléstis, Deus Pater omnípotens. Dómine Fili unigénite, ^⚬ Jesu Christe. Dómine Deus, Agnus Dei, Fílius Patris. Qui tollis peccáta mundi, miserére nobis. Qui tollis peccáta mundi, ^⚬ súscipe depreciatiónem nostram. Qui sedes ad déxteram Patris, miserére nobis. Quóniam tu solus Sanctus. Tu solus Altíssimus, ^⚬ Jesu Christe. Cum Sancto Spíritu ♱ in glória Dei Patris. Amen.

Sáncte Míchael Archángele, defénde nos in proélio, cóntra nequítam et insídias diáboli ésto præsídium. Ímperet ílli Déus, súpplices deprecámur: tuque, Prínceps milítæ cæléstis, Sátanam aliósque spíritus malígnos, qui ad perditiónem animárum pervagántur in múndo, divína virtúte, in inférnum detrúde. Amen.

Confíteor Deo omnipoténti, beátæ Maríæ semper Vírgini, beáto Michaéli Archángelo, beáto Ioánni Baptístæ, sanctis Apóstolis Petro et Paulo, ómnibus Sanctis, et tibi pater: quia paccávi nimis cogitatióne, verbe et ópere: mea culpa, mea culpa, mea máxima culpa. Ideo precor beátam Maríam semper Vírginem, beátum Michaélem Archángelum, beátum Ioánnem Baptístam, sanctos Apóstolos Petrum et Paulum, omnes Sanctos, et te pater, Oráre pro me ad Dóminum Deum nostrum.

Ángele Dei, qui custos es mei, me, tibi commíssum pietáte supérna, illúmina, custódi, rege et gubérna. Amen.

Credo in Deum Patrem omnipoténtem, Creatórem cæli et terræ.

Et in Iesum Christum, Fílium eius únicum, Dóminum nostrum, qui concéptus est de Spíritu Sancto, natus ex María Vírgine, passus sub Póntio Piláto, crucifíxus, mórtuus, et sepúltus, descéndit ad ínferos, tértia die resurréxit a mórtuis, ascéndit ad cælos, sedet ad déxteram Dei Patris omnipoténtis, inde ventúrus est iudicáre vivos et mórtuos.

Credo in Spíritum Sanctum, sanctam Ecclésiam cathólicam, sanctórum communiónem, remissiónem peccatórum, carnis resurrectiónem, vitam ætérnam. Amen.

Tantum ergo Sacraméntum venerémur cérnui: et antíquum documéntum novo cedat rítui: præstet fides suppleméntum sénsuum deféctui.

Genitóri, Genitóque laus et iubilátio, salus, honor, virtus quoque sit et benedíctio: procedénti ab utróque compar sit laudátio. Amen.

℣. Ángelus Dómini nuntiávit Maríæ. ℟. Et concépit de Spíritu Sancto.

℣. Ecce ancílla Dómini, ℟. Fiat mihi secúndum verbum tuum.

℣. Et Verbum caro factum est, ℟. Et habitávit in nobis.

℣. Ora pro nobis, sancta Dei Génetrix, ℟. Ut digni efficiámur promissiónibus Christi.

℣. Orémus.

Grátiam tuam, quǽsumus, Dómine, méntibus nostris infúnde; ut qui, Ángelo nuntiánte, Christi Fílii tui incarnatiónem cognóvimus, per passiónem eius et crucem ad resurrectiónis glóriam perducámur. Per eúmdem Christum Dóminum nostrum. Amen.

Regína Cæli, lætáre, allelúia. Quia quem meruísti portáre, allelúia. Resurréxit, sicut dixit, allelúia. Ora pro nobis Deum, allelúia.

℣. Gaude et lætáre, Virgo María, allelúia. ℟. Quia surréxit Dóminus vere, allelúia.

℣. Orémus.

Deus, qui per resurrectiónem Fílii tui Dómini nostri Iesu Christi mundum lætificáre dignátus es, præsta, quǽsumus, ut per eius Genetrícem Vírginem Maríam perpétuæ capiámus gáudia vitæ. Per eúmdem Christum Dóminum nostrum. Amen.

Ánima Christi, santífica me. Corpus Christi, salva me. Sanguis Christi, inébria me. Aqua láteris Christi, lava me. Pássio Christi, confórta me. O bone Iesu, exáudi me. Intra tua vúlnera abscónde me. Ne permíttas me separári a te. Ab hoste malígno defénde me. In hora mortis meæ voca me. Et iube me veníre ad te, Ut cum Sanctis tuis laudem te in sǽcula sæculórum. Amen.

En ego, o bone et dulcíssime Jesu, ante conspéctum tuum génibus me provólvo ac máximo ánimi ardóre te oro atque obtéstor, ut meum in cor vívidos fídei, spei et caritátis sensus, atque veram peccatórum meórum pœniténtiam, éaque emendándi firmíssimam voluntátem velis imprímere; dum magno ánimi afféctu et dolóre tua quinque vúlnera mecum ipse consídero ac mente contémplor, illud præ óculis habens, quod jam in ore ponébat tuo David Prophéta de te, o bone Jesu: «Fodérunt manus meas et pedes meos; dinumeravérunt ómnio ossa mea.» (Ps. 21, 17-18) Amen.