Calendarium Liturgicum
Missale Romanum 1962 (Forma Extraordinaria)
Feria Quarta infra Hebdomadam I post Octavam Paschæ
Mon
Tue
Wed
Thu
Fri
Sat
Sun
1 Ss. Martyrum Machabaeorum2 Dominica X Post Pentecosten3 Feria secunda infra Hebdomadam X post Octavam Pentecostes4 S. Dominici Confessoris5 S. Mariae ad Nives6 Transfiguratio Domini Nostri Jesu Christi7 S. Cajetani Confessoris8 S. Joannis Vianney Confessoris9 Dominica XI Post Pentecosten10 S. Laurentii Martyris11 Ss. Tiburtii et Susannae Virg. Martyrum12 S. Clarae Virginis13 Ss. Hippolity et Cassiano Martyrum14 Vigilia Assumptionis B.M.V.15 Assumptione Beatae Mariae Virginis16 Dominica XII Post Pentecosten17 S. Hyacinthi Confessoris18 S. Agapiti Martyris19 S. Joannis Eudes Confessoris20 S. Bernardi Abbatis et Ecclesiae Doctoris21 S. Joanne Franciscae Fremiot de Chantal Viduae22 Festum Immaculati Cordis Beatae Mariae Virginis23 Dominica XIII Post Pentecosten24 S. Bartholomaei Apostoli25 S. Ludovioci Confessoris26 S. Zephirini Papae et Martyris27 S. Josephi Calasantini Confessoris28 S. Augustini Episcopi et Confessoris et Ecclesiae Doctoris29 Decollatione S. Joannis Baptistae30 Dominica XIV Post Pentecosten31 S. Raymundi Nonnati Confessori
Sunday, August 30, 2026 II classis
Dominica XIV Post Pentecosten
- Fons
- tempora · tempora/Pent14-0
Rubricæ
Gloria: sic Credo: sic Præfatio: Trinitatis
Commemorationes
- S. Rosae a Sancta Maria Limange Virgini III classis
- Ss. Felicis et Soc. Mart. Feria
Propria Missæ
Introitus
Ps 83:10-11
Protéctor noster, áspice, Deus, et réspice in fáciem Christi tui: quia mélior est dies una in átriis tuis super mília.
Ps 83:2-3
Quam dilécta tabernácula tua, Dómine virtútum! Concupíscit, et déficit ánima mea in átria Dómini.
Protéctor noster, áspice, Deus, et réspice in fáciem Christi tui: quia mélior est dies una in átriis tuis super mília
Collecta
Custódi, Dómine, quǽsumus, Ecclésiam tuam propitiatióne perpétua: et quia sine te lábitur humána mortálitas; tuis semper auxíliis et abstrahátur a nóxiis et ad salutária dirigátur.
Epistola
Léctio Epístolæ beáti Pauli Apóstoli ad Gálatas.
Gal 5:16-24
Fratres: Spíritu ambuláte, et desidéria carnis non perficiétis. Caro enim concupíscit advérsus spíritum, spíritus autem advérsus carnem: hæc enim sibi ínvicem adversántur, ut non quæcúmque vultis, illa faciátis. Quod si spíritu ducímini, non estis sub lege. Manifésta sunt autem ópera carnis, quæ sunt fornicátio, immundítia, impudicítia, luxúria, idolórum sérvitus, venefícia, inimicítiæ, contentiónes, æmulatiónes, iræ, rixæ, dissensiónes, sectæ, invídiæ, homicídia, ebrietátes, comessatiónes, et his simília: quæ prædíco vobis, sicut prædíxi: quóniam, qui talia agunt, regnum Dei non consequántur. Fructus autem Spíritus est: cáritas, gáudium, pax, patiéntia, benígnitas, bónitas, longanímitas, mansuetúdo, fides, modéstia, continéntia, cástitas. Advérsus hujúsmodi non est lex. Qui autem sunt Christi, carnem suam crucifixérunt cum vítiis et concupiscéntiis.
Graduale
Ps 117:8-9
Bonum est confidére in Dómino, quam confidére in hómine.
Bonum est speráre in Dómino, quam speráre in princípibus. Allelúja, allelúja.
Ps 94:1.
Veníte, exsultémus Dómino, jubilémus Deo, salutári nostro. Allelúja.
Evangelium
Sequéntia ++ sancti Evangélii secúndum Matthǽum
Matt 6:24-33
In illo témpore: Dixit Jesus discípulis suis: Nemo potest duóbus dóminis servíre: aut enim unum ódio habébit, et álterum díliget: aut unum sustinébit, et álterum contémnet. Non potéstis Deo servíre et mammónæ. Ideo dico vobis, ne sollíciti sitis ánimæ vestræ, quid manducétis, neque córpori vestro, quid induámini. Nonne ánima plus est quam esca: et corpus plus quam vestiméntum? Respícite volatília cœli, quóniam non serunt neque metunt neque cóngregant in hórrea: et Pater vester cœléstis pascit illa. Nonne vos magis pluris estis illis? Quis autem vestrum cógitans potest adjícere ad statúram suam cúbitum unum? Et de vestiménto quid sollíciti estis? Consideráte lília agri, quómodo crescunt: non labórant neque nent. Dico autem vobis, quóniam nec Sálomon in omni glória sua coopértus est sicut unum ex istis. Si autem fænum agri, quod hódie est et cras in clíbanum míttitur, Deus sic vestit: quanto magis vos módicæ fídei? Nolíte ergo sollíciti esse, dicéntes: Quid manducábimus aut quid bibémus aut quo operiémur? Hæc enim ómnia gentes inquírunt. Scit enim Pater vester, quia his ómnibus indigétis. Quǽrite ergo primum regnum Dei et justítiam ejus: et hæc ómnia adjiciéntur vobis.
Offertorium
Ps 33:8-9
Immíttet Angelus Dómini in circúitu timéntium eum, et erípiet eos: gustáte et vidéte, quóniam suávis est Dóminus.
Secreta
Concéde nobis, Dómine, quǽsumus, ut hæc hóstia salutáris et nostrórum fiat purgátio delictórum, et tuæ propitiátio potestátis.
Communio
Matt 6:33
Primum quǽrite regnum Dei, et ómnia adjiciéntur vobis, dicit Dóminus.
Postcommunio
Puríficent semper et múniant tua sacraménta nos, Deus: et ad perpétuæ ducant salvatiónis efféctum.