Calendarium Liturgicum
Missale Romanum 1962 (Forma Extraordinaria)
Feria Quarta infra Hebdomadam I post Octavam Paschæ
Mon
Tue
Wed
Thu
Fri
Sat
Sun
1 Ss. Martyrum Machabaeorum2 Dominica X Post Pentecosten3 Feria secunda infra Hebdomadam X post Octavam Pentecostes4 S. Dominici Confessoris5 S. Mariae ad Nives6 Transfiguratio Domini Nostri Jesu Christi7 S. Cajetani Confessoris8 S. Joannis Vianney Confessoris9 Dominica XI Post Pentecosten10 S. Laurentii Martyris11 Ss. Tiburtii et Susannae Virg. Martyrum12 S. Clarae Virginis13 Ss. Hippolity et Cassiano Martyrum14 Vigilia Assumptionis B.M.V.15 Assumptione Beatae Mariae Virginis16 Dominica XII Post Pentecosten17 S. Hyacinthi Confessoris18 S. Agapiti Martyris19 S. Joannis Eudes Confessoris20 S. Bernardi Abbatis et Ecclesiae Doctoris21 S. Joanne Franciscae Fremiot de Chantal Viduae22 Festum Immaculati Cordis Beatae Mariae Virginis23 Dominica XIII Post Pentecosten24 S. Bartholomaei Apostoli25 S. Ludovioci Confessoris26 S. Zephirini Papae et Martyris27 S. Josephi Calasantini Confessoris28 S. Augustini Episcopi et Confessoris et Ecclesiae Doctoris29 Decollatione S. Joannis Baptistae30 Dominica XIV Post Pentecosten31 S. Raymundi Nonnati Confessori
Friday, August 7, 2026 III classis
S. Cajetani Confessoris
- Fons
- sancti · sancti/08-07
Rubricæ
Gloria: sic Credo: non
Commemorationes
- S. Donati Ep et Mart Feria
Propria Missæ
Introitus
Ps 36:30-31
Os justi meditábitur sapiéntiam, et lingua ejus loquétur judícium: lex Dei ejus in corde ipsíus. (Allelúja, allelúja.)
Ps 36:1
Noli æmulári in malignántibus: neque zeláveris faciéntes iniquitátem.
Os justi meditábitur sapiéntiam, et lingua ejus loquétur judícium: lex Dei ejus in corde ipsíus. (Allelúja, allelúja.)
Collecta
Deus, qui beáto Cajetáno Confessóri tuo apostólicam vivéndi formam imitári tribuísti: da nobis, ejus intercessióne et exémplo, in te semper confídere et sola cæléstia desideráre.
Evangelium
Sequéntia ++ sancti Evangélii secúndum Matthǽum
Matt 6:24-33
In illo témpore: Dixit Jesus discípulis suis: Nemo potest duóbus dóminis servíre: aut enim unum ódio habébit, et álterum díliget: aut unum sustinébit, et álterum contémnet. Non potéstis Deo servíre et mammónæ. Ideo dico vobis, ne sollíciti sitis ánimæ vestræ, quid manducétis, neque córpori vestro, quid induámini. Nonne ánima plus est quam esca: et corpus plus quam vestiméntum? Respícite volatília cœli, quóniam non serunt neque metunt neque cóngregant in hórrea: et Pater vester cœléstis pascit illa. Nonne vos magis pluris estis illis? Quis autem vestrum cógitans potest adjícere ad statúram suam cúbitum unum? Et de vestiménto quid sollíciti estis? Consideráte lília agri, quómodo crescunt: non labórant neque nent. Dico autem vobis, quóniam nec Sálomon in omni glória sua coopértus est sicut unum ex istis. Si autem fænum agri, quod hódie est et cras in clíbanum míttitur, Deus sic vestit: quanto magis vos módicæ fídei? Nolíte ergo sollíciti esse, dicéntes: Quid manducábimus aut quid bibémus aut quo operiémur? Hæc enim ómnia gentes inquírunt. Scit enim Pater vester, quia his ómnibus indigétis. Quǽrite ergo primum regnum Dei et justítiam ejus: et hæc ómnia adjiciéntur vobis.
Offertorium
Ps 88:25
Véritas mea et misericórdia mea cum ipso: et in nómine meo exaltábitur cornu ejus. (Allelúja.)
Communio
Matt 24:46-47
Beátus servus, quem, cum vénerit dóminus, invénerit vigilántem: amen, dico vobis, super ómnia bona sua constítuet eum. (Allelúja.)