Calendarium Liturgicum

Missale Romanum 1962 (Forma Extraordinaria)

1969 1962

Hodie Wednesday, April 15, 2026

Feria Quarta infra Hebdomadam I post Octavam Paschæ

Tempus Paschale IV classis Albus

Ad hodiernum

Mon

Tue

Wed

Thu

Fri

Sat

Sun

1 S. Angelae Mericiae Virginis 2 Ss. Marcellini, Petri, atque Erasmi Martyrum 3 Feria Quarta infra Hebdomadam I post Octavam Pentecostes 4 S. Francisci Caracciolo Confessoris 5 S. Bonifacii Episc et Mart 6 S. Norberti Episc et Confessoris 7 Dominica II. Post Pentecosten 8 Feria Secunda infra Octavam Corporis Christi 9 Feria Tertia infra Octavam Corporis Christi 10 Feria Quarta infra Octavam Corporis Christi 11 S. Barnabae Apostoli 12 S. Joannis a S Facundo Confessoris 13 S. Antonii de Padua Confessoris (1946: & Ecclesiae Doctoris)14 Dominica III Post Pentecosten infra Octavam SSmi Cordis D.N.J.C 15 Die IV infra Octavam SSmi Cordis Jesu 16 Die V infra Octavam SSmi Cordis Jesu 17 S. Gregorii Barbadici Ep. Conf 18 S. Ephraem Syri Confessorem et Ecclesiae Doctorem 19 S. Julianae de Falconeriis Virginae 20 S. Sylverii Papae et Martyri 21 Dominica IV Post Pentecosten 22 S. Paulini episcopi et Confessoris 23 Vigilia S. Joannis Baptistae 24 In Nativitate S. Joannis Baptistae 25 S. Gulielmi Abbatis 26 Ss. Joannis et Pauli Martyrum 27 Sabbato infra Hebdomadam IV post Octavam Pentecostes 28 Dominica V Post Pentecosten 29 Ss. Apostolorum Petri et Pauli 30 In Commemoratione Sancti Pauli Apostoli

Friday, June 5, 2026 III classis

S. Bonifacii Episc et Mart

post Pentecosten Ruber

Fons: sancti · sancti/06-05

Rubricæ

Gloria: sic Credo: non

Propria Missæ

Introitus

Is 65:19; 65:23

Exsultábo in Jerúsalem et gaudébo in pópulo meo: et non audiétur in eo ultra vos fletus et vox clamóris. Elécti mei non laborábunt frustra neque generábunt in conturbatióne: quia semen benedictórum Dómini est, et nepótes eórum cum eis.

Ps 43:2

Deus, áuribus nostris audívimus: patres nostri narravérunt opus, quod operátus es in diébus eórum.

Collecta

Deus, qui multitúdinem populórum, beáti Bonifátii Mártyris tui atque Pontíficis zelo, ad agnitiónem tui nóminis vocáre dignátus es: concéde propítius; ut, cujus sollémnia cólimus, étiam patrocínia sentiámus.

Epistola

Léctio libri Sapiéntiæ

Eccli 44:1-15

Laudémus viros gloriósos et paréntes nostros in generatióne sua. Multam glóriam fecit Dóminus magnificéntia sua a sǽculo. Dominántes in potestátibus suis, hómines magni virtúte et prudéntia sua præditi, nuntiántes in prophétis dignitátem prophetárum, et imperántes in præsénti pópulo, et virtúte prudéntiæ pópulis sanctíssima verba. In perítia sua requiréntes modos músicos, et narrántes cármina scripturárum. Hómines dívites in virtúte, pulchritúdinis stúdium habéntes: pacificántes in dómibus suis. Omnes isti in generatiónibus gentis suæ glóriam adépti sunt, et in diébus suis habéntur in láudibus. Qui de illis nati sunt, reliquérunt nomen narrándi laudes eórum. Et sunt, quorum non est memória: periérunt, quasi qui non fúerint: et nati sunt, quasi non nati, et fílii ipsórum cum ipsis. Sed illi viri misericórdiæ sunt, quorum pietátes non defuérunt: cum sémine eórum pérmanent bona, heréditas sancta nepótes eórum, et in testaméntis stetit semen eórum: et fílii eórum propter illos usque in ætérnum manent: semen eórum et glória eórum non derelinquétur. Córpora ipsórum in pace sepúlta sunt, et nomen eórum vivit in generatiónem et generatiónem. Sapiéntiam ipsórum narrent pópuli, et laudem eórum núntiet Ecclésia.

Graduale

1 Pet 4:13-14

Communicántes Christi passiónibus gaudéte, ut in revelatióne glóriæ ejus gaudeátis exsultántes.

Si exprobrámini in nómine Christi, beáti éritis: quóniam, quod est honóris, glóriæ et virtútis Dei, et qui est ejus Spíritus, super vos requiéscet. Allelúja, allelúja.

Is 66:12

Declinábo super eum quasi flúvium pacis, et quasi torréntem inundántem glóriam. Allelúja.

Alleluia

Allelúja.

Is 66:10; 66:14

Lætámini cum Jerúsalem, et exsultáte in ea, omnes, qui dilígitis Dóminum. Allelúja.

Vidébitis, et gaudébit cor vestrum: cognoscétur manus Dómini servis ejus. Allelúja.

Evangelium

Sequéntia ++ sancti Evangélii secúndum Matthǽum

Matt 5:1-12

In illo témpore: Videns Jesus turbas, ascéndit in montem, et cum sedísset, accessérunt ad eum discípuli ejus, et apériens os suum, docébat eos, dicens: Beáti páuperes spíritu: quóniam ipsórum est regnum cœlórum. Beáti mites: quóniam ipsi possidébunt terram. Beáti, qui lugent: quóniam ipsi consolabúntur. Beáti, qui esúriunt et sítiunt justítiam: quóniam ipsi saturabúntur. Beáti misericórdes: quóniam ipsi misericórdiam consequántur. Beáti mundo corde: quóniam ipsi Deum vidébunt. Beáti pacífici: quóniam fílii Dei vocabúntur. Beáti, qui persecutiónem patiúntur propter justítiam: quóniam ipsórum est regnum cœlórum. Beáti estis, cum maledíxerint vobis et persecúti vos fúerint, et díxerint omne malum advérsum vos, mentiéntes, propter me: gaudete et exsultáte, quóniam merces vestra copiósa est in cœlis.

Offertorium

Ps 15:7; 15:8

Benedícam Dóminum, qui tríbuit mihi intelléctum: providébam Deum in conspéctu meo semper, quóniam a dextris est mihi ne commóvear. (Allelúja.)

Secreta

Super has hóstias, Dómine, quǽsumus, benedíctio copiósa descéndat: quæ et sanctificatiónem nostram misericórditer operátur; et de sancti Bonifátii Mártyris tui atque Pontíficis fáciat sollemnitáte gaudére.

Communio

Apoc 3:21

Qui vícerit, dabo ei sedére mecum in throno meo: sicut et ego vici et sedi cum Patre meo in throno ejus. (Allelúja.)

Postcommunio

Sanctificáti, Dómine, salutári mystério: quǽsumus; ut nobis sancti Bonifátii Mártyris tui atque Pontíficis pia non desit orátio, cujus nos donásti patrocínio gubernári.

Lectiones additae

GradualeP

Is 66:10; 66:14

Allelúja. Lætámini cum Jerúsalem, et exsultáte in ea, omnes, qui dilígitis Dóminum. Allelúja. Vidébitis, et gaudébit cor vestrum: cognoscétur manus Dómini servis ejus. Allelúja.