Calendarium Liturgicum
Missale Romanum 1962 (Forma Extraordinaria)
S. Aniceti Papae et Martyris
Mon
Tue
Wed
Thu
Fri
Sat
Sun
1 S. Ignatii Episcopi et Martyris2 In Purificatione Beatae Mariae Virginis3 S. S. Blasii Episcopi et Martyris4 S. Andreae Corsini Episcopi et Confessoris5 S. Agathae Virginis et Martyris6 S. Titi Episc et Confessoris7 Dominica in Quinquagesima8 S. S. Joannis de Matha Confessoris9 S. Cyrilli Episc Alexandrini Confessoris Ecclesiae Doctoris10 Feria IV Cinerum11 In apparitione Beatae Mariae Virginis12 Ss. Septem Fundatorum Ordinis Servorum B. M. V.13 Sabbato post Cineres14 Dominica I in Quadragesima15 Feria Secunda infra Hebdomadam I in Quadragesima16 Feria Tertia infra Hebdomadam I in Quadragesima17 Feria Quarta Quatuor Temporum Quadragesimæ18 Feria Quinta infra Hebdomadam I in Quadragesima19 Feria Sexta Quattuor Temporum20 Sabbato Quattuor Temporum Quadrageismæ21 Dominica II in Quadragesima22 Feria Secunda infra Hebdomadam II in Quadragesima23 Feria Tertia infra Hebdomadam II in Quadragesima24 S. Matthiae Apostoli25 Feria Quinta infra Hebdomadam II in Quadragesima26 Feria Sexta infra Hebdomadam II in Quadragesima27 Sabbato infra Hebdomadam II in Quadragesima28 Dominica III in Quadragesima
Thursday, February 18, 2027 III classis
Feria Quinta infra Hebdomadam I in Quadragesima
- Fons
- tempora · tempora/Quad1-4
Rubricæ
Gloria: non Credo: non
Commemorationes
- S. Simeonis Episcopi et Martyris Feria
Propria Missæ
Introitus
Ps 95:6
Conféssio et pulchritúdo in conspéctu ejus: sánctitas et magnificéntia in sanctificatióne eius.
Ps 95:1
Cantáte Dómino cánticum novum: cantáte Dómino, omnis terra.
Conféssio et pulchritúdo in conspéctu ejus: sánctitas et magnificéntia in sanctificatióne eius.
Collecta
Devotiónem pópuli tui, quǽsumus, Dómine, benígnus inténde: ut, qui per abstinéntiam macerántur in córpore, per fructum boni óperis reficiántur in mente.
Epistola
Léctio Ezechiélis Prophétæ
Ezech 18:1-9
In diébus illis: Factus est sermo Dómini ad me, dicens: Quid est, quod inter vos parábolam vértitis in provérbium istud in terra Israël, dicéntes: Patres comedérunt uvam acérbam, et dentes filiórum obstupéscunt? Vivo ego, dicit Dóminus Deus, si erit ultra vobis parábola hæc in provérbium in Israël. Ecce, omnes ánimæ meæ sunt: ut ánima patris, ita et ánima fílii mea est: ánima, quæ peccáverit, ipsa moriétur. Et vir si fúerit justus, et fécerit judícium et justítiam, in móntibus non coméderit, et óculos suos non leváverit ad idóla domus Israël: et uxórem próximi sui non violáverit, et ad mulíerem menstruátam non accésserit: et hóminem non contristáverit: pignus debitóri reddíderit, per vim nihil rapúerit: panem suum esuriénti déderit, et nudum operúerit vestiménto: ad usúram non commodáverit, et ámplius non accéperit: ab iniquitáte avértent manum suam, et judícium verum fécerit inter virum et virum: in præcéptis meis ambuláverit, et judícia mea custodíerit, ut fáciat veritátem: hic justus est, vita vivet, ait Dóminus omnípotens.
Graduale
Ps 16:8; 16:2
Custódi me, Dómine, ut pupíllam óculi: sub umbra alárum tuárum prótege me.
De vultu tuo judícium meum pródeat: óculi tui vídeant æquitátem.
Evangelium
Sequéntia ++ sancti Evangélii secúndum Matthǽum
Matt 15:21-28
In illo témpore: Egréssus Jesus secéssit in partes Tyri et Sidónis. Et ecce, múlier Chananǽa a fínibus illis egréssa clamávit, dicens ei: Miserére mei, Dómine, fili David: fília mea male a dæmónio vexátur. Qui non respóndit ei verbum. Et accedéntes discípuli ejus rogábant eum, dicéntes: Dimítte eam; quia clamat post nos. Ipse autem respóndens, ait: Non sum missus nisi ad oves, quæ periérunt domus Israël. At illa venit, et adorávit eum, dicens: Dómine, ádjuva me. Qui respóndens, ait: Non est bonum súmere panem filiórum, et míttere cánibus. At illa dixit: Etiam, Dómine: nam et catélli edunt de micis, quæ cadunt de mensa dominórum suórum. Tunc respóndens Jesus, ait illi: O múlier, magna est fides tua: fiat tibi, sicut vis. Et sanáta est fília ejus ex illa hora.
Offertorium
Ps 33:8-9
Immíttet Angelus Dómini in circúitu timéntium eum, et erípiet eos: gustáte, et vidéte, quóniam suávis est Dóminus.
Secreta
Sacrifícia, Dómine, quǽsumus, propénsius ista nos salvent, quæ medicinálibus sunt institúta jejúniis.
Communio
Joann 6:52
Panis, quem ego dédero, caro mea est pro sǽculi vita.
Postcommunio
Tuórum nos, Dómine, largitáte donórum, et temporálibus attólle præsídiis, et rénova sempitérnis.
Lectiones additae
Super populum
Orémus.
Humiliáte cápita vestra Deo.
Da, quǽsumus, Dómine, pópulis christiánis: et, quæ profiténtur, agnóscere, et cœléste munus dilígere, quod frequéntant.