Calendarium Liturgicum
Missale Romanum 1962 (Forma Extraordinaria)
Feria Quarta infra Hebdomadam I post Octavam Paschæ
Mon
Tue
Wed
Thu
Fri
Sat
Sun
1 In Circumcisione Domini2 Ad Romános, cap. 53 Sanctissimi Nominis Jesu4 Ad Romános, cap. 75 Ad Romános, cap. 86 Epiphaniae Domini7 In Annuntiatione Beate Mariæ Virginis8 Tertia die infra Octavam Epiphaniae9 Quarta die infra Octavam Epiphaniae10 Dominica infra Octavam Epiphaniæ11 Sexta die infra Octavam Epiphaniae12 Septima die infra Octavam Epiphaniae13 Die Octava Epiphaniae14 S. Hilarii Episcopi Confessoris Ecclesiae Doctoris15 S. Pauli primi Eremitae et Confessoris16 S. Marcelli Papae et Martyris17 Dominica II post Epiphaniam18 S Priscae Virginis19 S. Canuti Mart20 Ss. Fabiani et Sebastiani Martyrum21 S. Agnetis Virginis et Martyris22 Ss. Vincentii et Anastasii Martyrum23 S. Raymundi de Penafort Confessoris24 Dominica in Septuagesima25 In Conversione S. Pauli Apostoli26 S. Polycarpi Episcopi et Martyris27 S. Joannis Chrysostomi Episcopi Confessoris Ecclesiae Doctoris28 S. Petri Nolasci Confessoris29 S. Francisci Salesii Episcopi Confessoris Ecclesiae Doctoris30 S. Martinae Virginis et Martyris31 Dominica in Sexagesima
Friday, January 1, 2027 II classis
In Circumcisione Domini
- Fons
- sancti · sancti/01-01
- Octava
- christmas · dies 8 · classII
Rubricæ
Gloria: sic Credo: sic Præfatio: Nativitatis
Propria Missæ
Introitus
Isa 9:6
Puer natus est nobis, et fílius datus est nobis: cujus impérium super húmerum ejus: et vocábitur nomen ejus magni consílii Angelus.
Ps 97:1
Cantáte Dómino cánticum novum, quia mirabília fecit.
Puer natus est nobis, et fílius datus est nobis: cujus impérium super húmerum ejus: et vocábitur nomen ejus magni consílii Angelus.
Collecta
Deus, qui salútis ætérnæ, beátæ Maríæ virginitáte fecúnda, humáno generi præmia præstitísti: tríbue, quǽsumus; ut ipsam pro nobis intercédere sentiámus, per quam merúimus auctórem vitæ suscípere, Dóminum nostrum Jesum Christum, Fílium tuum:
Epistola
Léctio Epístolæ beati Pauli Apóstoli ad Titum
Tit 2:11-15
Caríssime: Appáruit grátia Dei Salvatóris nostri ómnibus homínibus, erúdiens nos, ut, abnegántes impietátem et sæculária desidéria, sóbrie et juste et pie vivámus in hoc sǽculo, exspectántes beátam spem et advéntum glóriæ magni Dei et Salvatóris nostri Jesu Christi: qui dedit semetípsum pro nobis: ut nos redímeret ab omni iniquitáte, et mundáret sibi pópulum acceptábilem, sectatórem bonórum óperum. Hæc lóquere et exhortáre: in Christo Jesu, Dómino nostro.
Graduale
Ps 97:3; 97:2
Vidérunt omnes fines terræ salutare Dei nostri: jubiláte Deo, omnis terra.
Notum fecit Dominus salutare suum: ante conspéctum géntium revelávit justitiam suam.
Allelúja, allelúja.
Heb 1:1-2
Multifárie olim Deus loquens pátribus in Prophétis, novíssime diébus istis locútus est nobis in Fílio. Allelúja.
Evangelium
Sequéntia ++ sancti Evangélii secúndum Lucam
Luc 2:21
In illo témpore: Postquam consummáti sunt dies octo, ut circumciderétur Puer: vocátum est nomen ejus Jesus, quod vocátum est ab Angelo, priúsquam in útero conciperétur.
Offertorium
Ps 88:12; 88:15
Tui sunt cœli et tua est terra: orbem terrárum et plenitúdinem ejus tu fundásti: justítia et judícium præparátio sedis tuæ.
Secreta
Munéribus nostris, quǽsumus, Dómine, precibúsque suscéptis: et cœléstibus nos munda mystériis, et cleménter exáudi.
Communio
Ps 97:3
Vidérunt omnes fines terræ salutáre Dei nostri.
Postcommunio
Hæc nos commúnio, Dómine, purget a crímine: et, intercedénte beáta Vírgine Dei Genetríce María, cœléstis remédii fáciat esse consórtes.
Lectiones additae
Commemoratio Oratio
Da nobis, quǽsumus, Dómine, imitári quod cólimus: ut discámus et inimícos dilígere; quia ejus inventiónem celebrámus, qui novit étiam pro persecutóribus exoráre Dóminum nostrum Jesum Christum, Fílium tuum:
Ecclésiam tuam, Dómine, benígnus illústra: ut, beáti Joánnis Apóstoli tui et Evangelístæ illumináta doctrínis, ad dona pervéniat sempitérna.
Deus, cujus hodierna die præcónium Innocéntes Mártyres non loquéndo, sed moriéndo conféssi sunt: ómnia in nobis vitiórum mala mortífica; ut fidem tuam, quam lingua nostra lóquitur, étiam móribus vita fateátur.
Commemoratio Postcommunio
Auxiliéntur nobis, Dómine, sumpta mystéria: et, intercedénte beáto Stéphano Mártyre tuo, sempitérna protectióne confírment.
Refécti cibo potúque cœlésti, Deus noster, te súpplices exorámus: ut, in cujus hæc commemoratióne percépimus, ejus muniámur et précibus.
Votíva, Dómine, dona percépimus: quæ Sanctórum nobis précibus, et præséntis, quǽsumus, vitæ páriter et ætérnæ tríbue conférre subsídium.
Commemoratio Secreta
Súscipe, Dómine, múnera pro tuórum commemoratióne Sanctórum: ut, sicut illos pássio gloriósos effécit; ita nos devótio reddat innócuos.
Súscipe, Dómine, múnera, quæ in ejus tibi sollemnitáte deférimus, cujus nos confídimus patrocínio liberári.
Sanctórum tuórum, Dómine, nobis pia non desit orátio: quæ et múnera nostra concíliet, et tuam nobis indulgéntiam semper obtíneat.