Calendarium Liturgicum

Missale Romanum 1962 (Forma Extraordinaria)

1969 1962

Hodie Wednesday, April 15, 2026

Feria Quarta infra Hebdomadam I post Octavam Paschæ

Tempus Paschale IV classis Albus

Ad hodiernum

Mon

Tue

Wed

Thu

Fri

Sat

Sun

1 Feria III infra Hebdomadam I Adventus 2 S. Bibianae Virginis et Martyris 3 S. Francisci Xaverii Confessoris 4 S. Petri Chrysologi Episcopi Confessoris Ecclesiae Doctoris 5 Sabbato infra Hebdomadam I Adventus 6 Dominica II Adventus 7 S. Ambrosii Episcopi Confesoris et Ecclesiae Doctoris 8 Immaculata Conceptione Beatae Mariae Virginis 9 Feria IV infra Hebdomadam II Adventus 10 Feria V infra Hebdomadam II Adventus 11 S. Damasi Papae et confessoris 12 Sabbato infra Hebdomadam II Adventus 13 Dominica III Adventus 14 Feria II infra Hebdomadam III Adventus 15 Feria III infra Hebdomadam III Adventus 16 S. Eusebii Episcopi et Martyris 17 Feria V infra Hebdomadam III Adventus 18 Feria VI Quattuor Temporum in Adventu 19 Sabbato Quattuor Temporum in Adventu 20 Dominica IV Adventus 21 S. Thomae Apostoli 22 Feria III infra Hebdomadam IV Adventus 23 Feria IV infra Hebdomadam IV Adventus 24 Vigilia Nativitatis Domini 25 In Nativitate Domini 26 S. Stephani Protomartyris 27 S. Joanni Apostoli 28 Die quarta infra octavam Nativitatis 29 Die V infra Octavam Nativitatis 30 Die VI infra Octavam Nativitatis 31 Die VII infra Octavam Nativitatis

Sunday, December 20, 2026 I classis

Dominica IV Adventus

Adventus Violaceus

Fons: tempora · tempora/Adv4-0

Rubricæ

Gloria: non Credo: sic

Propria Missæ

Introitus

Isa 45:8

Roráte, cœli, désuper, et nubes pluant justum: aperiátur terra, et gérminet Salvatórem

Ps 18:2

Cœli enárrant glóriam Dei: et ópera mánuum ejus annúntiat firmaméntum.

Roráte, cœli, désuper, et nubes pluant justum: aperiátur terra, et gérminet Salvatórem

Collecta

Excita, quǽsumus, Dómine, poténtiam tuam, et veni: et magna nobis virtúte succúrre; ut per auxílium grátiæ tuæ, quod nostra peccáta præpédiunt, indulgéntia tuæ propitiatiónis accéleret:

Epistola

Léctio Epístolæ beáti Pauli Apóstoli ad Corínthios

1 Cor 4:1-5

Fratres: Sic nos exístimet homo ut minístros Christi, et dispensatóres mysteriórum Dei. Hic jam quǽritur inter dispensatóres, ut fidélis quis inveniátur. Mihi autem pro mínimo est, ut a vobis júdicer aut ab humáno die: sed neque meípsum júdico. Nihil enim mihi cónscius sum: sed non in hoc justificátus sum: qui autem júdicat me, Dóminus est. Ítaque nolíte ante tempus judicáre, quoadúsque véniat Dóminus: qui et illuminábit abscóndita tenebrárum, et manifestábit consília córdium: et tunc laus erit unicúique a Deo.

Graduale

Ps 144:18; 144:21

Prope est Dóminus ómnibus invocántibus eum: ómnibus, qui ínvocant eum in veritáte.

Laudem Dómini loquétur os meum: et benedícat omnis caro nomen sanctum ejus. Allelúja, allelúja,

Veni, Dómine, et noli tardáre: reláxa facínora plebis tuæ Israël. Allelúja.

Evangelium

Sequéntia ++ sancti Evangélii secundum Lucam

Luc 3:1-6

Anno quintodécimo impérii Tibérii Cǽsaris, procuránte Póntio Piláto Judǽam, tetrárcha autem Galilǽæ Heróde, Philíppo autem fratre ejus tetrárcha Iturǽæ et Trachonítidis regionis, et Lysánia Abilínæ tetrárcha, sub princípibus sacerdotum Anna et Cáipha: factum est verbum Domini super Joannem, Zacharíæ filium, in deserto. Et venit in omnem regiónem Jordánis, prǽdicans baptísmum pæniténtiæ in remissiónem peccatórum, sicut scriptum est in libro sermónum Isaíæ Prophétæ: Vox clamántis in desérto: Paráte viam Dómini: rectas fácite sémitas ejus: omnis vallis implébitur: et omnis mons et collis humiliábitur: et erunt prava in dirécta, et áspera in vias planas: et vidébit omnis caro salutáre Dei.

Offertorium

Luc 1:28

Ave, María, gratia plena; Dóminus tecum: benedícta tu in muliéribus, et benedíctus fructus ventris tui.

Secreta

Sacrifíciis præséntibus, quǽsumus, Dómine, placátus inténde: ut et devotióni nostræ profíciant et salúti.

Communio

Is 7:14

Ecce, Virgo concípiet et páriet fílium: et vocábitur nomen ejus Emmánuel.

Postcommunio

Sumptis munéribus, quǽsumus, Dómine: ut, cum frequentatióne mystérii, crescat nostræ salútis efféctus.

Lectiones additae

GradualeF

Ps 144:18; 144:21

Prope est Dóminus ómnibus invocántibus eum: ómnibus, qui ínvocant eum in veritáte. Laudem Dómini loquétur os meum: et benedícat omnis caro nomen sanctum ejus.