Calendarium Liturgicum
Missale Romanum 1962 (Forma Extraordinaria)
Feria Quarta infra Hebdomadam I post Octavam Paschæ
Mon
Tue
Wed
Thu
Fri
Sat
Sun
1 S. Remigii Episcopi Confessoris2 Ss. Angelorum Custodum3 S. Theresiae a Jesu Infante Virginis4 Dominica XIX Post Pentecosten5 S. Placidi et Sociorum Martyrum6 S. Brunonis Confessoris7 Festum Beatae Mariae Virginis a Rosario8 S. Brigittae Viduae9 S. Joannis Leonardi Confessoris10 S. Francisci Borgiae Confessoris11 Dominica XX Post Pentecosten12 Feria Secunda infra Hebdomadam XX post Octavam Pentecostes13 S. Eduardi Regis Confessoris14 S. Callisti Papae et Martyris15 S. Teresiae Virginis16 S. Hedwigis Viduae17 S. Margaritae Mariae Alaquoque Virginis18 Dominica XXI Post Pentecosten19 S. Petri de Alcantara Confessoris20 S. Joannis Cantii Confessoris21 S. Hilarionis Abbatis22 Feria Quinta infra Hebdomadam XXI post Octavam Pentecostes23 S. Antonii Mariae Claret Episcopi Confessoris24 S. Raphaelis Archangeli25 Dominica XXII Post Pentecosten26 S. Evaristi Papae et Martyri27 Feria Tertia infra Hebdomadam XXII post Octavam Pentecostes28 Ss. Simonis et Judae Apostolorum29 Feria Quinta infra Hebdomadam XXII post Octavam Pentecostes30 Feria Sexta infra Hebdomadam XXII post Octavam Pentecostes31 Sabbato infra Hebdomadam XXII post Octavam Pentecostes
Saturday, October 17, 2026 III classis
S. Margaritae Mariae Alaquoque Virginis
- Fons
- sancti · sancti/10-17
Rubricæ
Gloria: sic Credo: non
Propria Missæ
Introitus
Cant 2:3.
Sub umbra illíus, quem desideráveram, sedi: et fructus ejus dulcis gútturi meo.
Ps 83:2-3
Quam dilécta tabernácula tua, Dómine virtútum! Concupíscit, et déficit ánima mea in átria Dómini.
Sub umbra illíus, quem desideráveram, sedi: et fructus ejus dulcis gútturi meo.
Collecta
Dómine Jesu Christe, qui investigábiles divítias Cordis tui beátæ Margarítæ Maríæ Vírgini mirabíliter revelásti: da nobis ejus méritis et imitatióne; ut, te in ómnibus et super ómnia diligéntes, jugem in eódem Corde tuo mansiónem habére mereámur:
Epistola
Léctio Epístolæ beáti Pauli Apóstoli ad Ephésios.
Ephes 3:8-9; 14-19.
Fratres: Mihi ómnium sanctórum mínimo data est grátia hæc, in géntibus evangelizáre investigábiles divítias Christi, et illumináre omnes, quæ sit dispensátio sacraménti abscónditi a sǽculis in Deo, qui ómnia creávit. Hujus rei grátia flecto génua mea ad Patrem Dómini nostri Jesu Christi, ex quo omnis patérnitas in cælis et in terra nominátur, ut det vobis secúndum divítias glóriæ suæ, virtúte corroborári per Spíritum ejus in interiórem hóminem: Christum habitáre per fidem in córdibus vestris: in caritáte radicáti et fundáti, ut póssitis comprehéndere cum ómnibus sanctis, quæ sit latitúdo et longitúdo et sublímitas et profúndum: scire étiam supereminéntem sciéntiæ caritátem Christi, ut impleámini in omnem plenitúdinem Dei.
Graduale
Cant 8:7.
Aquæ multæ non potuérunt exstínguere caritátem, nec flúmina óbruent illam.
Ps 72:26
Defécit caro mea et cor meum: Deus cordis mei, et pars mea Deus in ætérnum. Allelúja, allelúja.
Cant 7:10.
Ego dilécto meo, et ad me conversio ejus. Allelúja.
Alleluia
Allelúja, allelúja
Prov 9:5
Veníte, comédite panem meum et bíbite vinum, quod míscui vobis. Allelúja.
Ps 30:20.
Quam magna multitúdo dulcédinis tuæ, Dómine, quam abscondísti timéntibus te. Allelúja.
Tractus
Cant 8:7.
Aquæ multæ non potuérunt exstínguere caritátem, nec flúmina óbruent illam.
Ps 72:26
Defécit caro mea et cor meum: Deus cordis mei, et pars mea Deus in ætérnum.
Ps 83:3-4
Cor meum et caro mea exsultavérunt in Deum vivum.
Etenim passer invénit sibi domum: et turtur nidum sibi, ubi ponat pullos suos.
Altária tua, Dómine virtútum: Rex meus et Deus meus.
Evangelium
Sequéntia ++ sancti Evangélii secúndum Matthǽum.
Matt 11:25-30
In illo témpore: Respóndens Jesus, dixit: Confíteor tibi, Pater, Dómine cæli et terræ, quia abscondísti hæc a sapiéntibus et prudéntibus, et revelásti ea párvulis. Ita, Pater: quóniam sic fuit plácitum ante te. Omnia mihi trádita sunt a Patre meo. Et nemo novit Fílium nisi Pater: neque Patrem quis novit nisi Fílius, et cui volúerit Fílius reveláre. Veníte ad me, omnes, qui laborátis et oneráti estis, et ego refíciam vos. Tóllite jugum meum super vos, et discite a me, quia mitis sum et húmilis corde: et inveniétis réquiem animábus vestris. Jugum enim meum suave est et onus meum leve.
Offertorium
Zach 9:17
Quid bonum ejus est et quid pulchrum ejus, nisi fruméntum electórum et vinum gérminans vírgines?
Secreta
Accépta tibi sint, Dómine, plebis tuæ múnera: et concéde; ut ignis ille divínus nos inflámmet, quo de Corde Fílii tui emisso beáta Margaríta María veheménter æstuávit.
Communio
Cant 6:2
Ego dilécto meo, et diléctus meus mihi, qui páscitur inter lília.
Postcommunio
Córporis et Sánguinis tui, Dómine Jesu, sumptis mystériis: concéde nobis, quǽsumus, beáta Margaríta María Vírgine intercedénte; ut, supérbis sǽculi vanitátibus exútis, mansuetúdinem et humilitátem Cordis tui indúere mereámur:
Lectiones additae
GradualeP
Prov 9:5Ps 30:20.
Allelúja, allelúja
Veníte, comédite panem meum et bíbite vinum, quod míscui vobis. Allelúja.
Quam magna multitúdo dulcédinis tuæ, Dómine, quam abscondísti timéntibus te. Allelúja.