Calendarium Liturgicum
Missale Romanum 1962 (Forma Extraordinaria)
S. Aniceti Papae et Martyris
Mon
Tue
Wed
Thu
Fri
Sat
Sun
1 Pretiosissimi Sanguinis Domini Nostri Jesu Christi2 In Visitatione B Mariae Virginis3 S. Irenaei Episcopi et Martyris4 Die Octava SSmi Cordis Jesu5 S. Antonii Mariae Zacharia Confessor6 Dominica IV Post Pentecosten7 Ss. Cyrilli et Methodii Pont et Conf8 S. Elisabeth Reg Portugaliae Viduae9 Feria quarta infra Hebdomadam IV post Octavam Pentecostes10 Ss. Septem Fratrum Martyrum, ac Rufinae et Secundae Virgini et Martyri11 S. Pii I Papae et Martyris12 S. Joannis Gualberti Abbatis13 Dominica V Post Pentecosten14 S. Bonaventurae Episcopi Confessoris (1588: et Ecclesiae Doctoris)15 S. Henrici Imperatoris Confessoris16 In Commemoratione Beatae Mariae Virginis de Monte Carmelo17 S. Alexii Confessoris18 S. Camilli de Lellis Confessoris19 S. Vincentii a Paulo Conf20 Dominica VI Post Pentecosten21 S. Laurentii de Brundusio Confessoris et Ecclesiae Doctoris22 S. Mariae Magdalenae Poenitentis23 S. Apollinaris Episcopi et Mart24 S. Christinae Virginis Martyris25 S. Jacobi Apostoli26 S. Annae Matris BMV27 Dominica VII Post Pentecosten28 Ss. Nazarii et Celsi Martyrum29 S. Marthae Virginis30 S. Abdon et Senen Martyrum31 S. Ignatii Confessoris
Sunday, July 20, 2025 II classis
Dominica VI Post Pentecosten
- Fons
- tempora · tempora/Pent06-0
Rubricæ
Gloria: sic Credo: sic Præfatio: Trinitatis
Commemorationes
- S. Hieronomy Emiliani Conf III classis
- S. Margaritæ, Virginis et Martyris Feria
Propria Missæ
Introitus
Ps 27:8-9
Dóminus fortitudo plebis suæ, et protéctor salutárium Christi sui est: salvum fac pópulum tuum, Dómine, et benedic hereditáti tuæ, et rege eos usque in sǽculum.
Ps 27:1
Ad te, Dómine, clamábo, Deus meus, ne síleas a me: ne quando táceas a me, et assimilábor descendéntibus in lacum.
Dóminus fortitudo plebis suæ, et protéctor salutárium Christi sui est: salvum fac pópulum tuum, Dómine, et benedic hereditáti tuæ, et rege eos usque in sǽculum.
Collecta
Deus virtútum, cujus est totum quod est óptimum: ínsere pectóribus nostris amórem tui nóminis, et præsta in nobis religiónis augméntum; ut, quæ sunt bona, nútrias, ac pietátis stúdio, quæ sunt nutríta, custódias.
Epistola
Léctio Epístolæ beáti Pauli Apóstoli ad Romános
Rom 6:3-11
Fratres: Quicúmque baptizáti sumus in Christo Jesu, in morte ipsíus baptizáti sumus. Consepúlti enim sumus cum illo per baptísmum in mortem: ut, quómodo Christus surréxit a mórtuis per glóriam Patris, ita et nos in novitáte vitæ ambulémus. Si enim complantáti facti sumus similitúdini mortis ejus: simul et resurrectiónis érimus. Hoc sciéntes, quia vetus homo noster simul crucifíxus est: ut destruátur corpus peccáti, et ultra non serviámus peccáto. Qui enim mórtuus est, justificátus est a peccáto. Si autem mórtui sumus cum Christo: crédimus, quia simul étiam vivémus cum Christo: sciéntes, quod Christus resurgens ex mórtuis, jam non móritur, mors illi ultra non dominábitur. Quod enim mórtuus est peccáto, mórtuus est semel: quod autem vivit, vivit Deo. Ita et vos existimáte, vos mórtuos quidem esse peccáto, vivéntes autem Deo, in Christo Jesu, Dómino nostro.
Graduale
Ps 89:13; 89:1
Convértere, Dómine, aliquántulum, et deprecáre super servos tuos.
Dómine, refúgium factus es nobis, a generatióne et progénie.
Allelúja, allelúja.
Ps 30:2-3
In te, Dómine, sperávi, non confúndar in ætérnum: in justítia tua líbera me et éripe me: inclína ad me aurem tuam, accélera, ut erípias me. Allelúja.
Evangelium
Sequéntia ++ sancti Evangélii secúndum Marcum
Marc 8:1-9
In illo témpore: Cum turba multa esset cum Jesu, nec habérent, quod manducárent, convocátis discípulis, ait illis: Miséreor super turbam: quia ecce jam tríduo sústinent me, nec habent quod mandúcent: et si dimísero eos jejúnos in domum suam, defícient in via: quidam enim ex eis de longe venérunt. Et respondérunt ei discípuli sui: Unde illos quis póterit hic saturáre pánibus in solitúdine? Et interrogávit eos: Quot panes habétis? Qui dixérunt: Septem. Et præcépit turbæ discúmbere super terram. Et accípiens septem panes, grátias agens fregit, et dabat discípulis suis, ut appónerent, et apposuérunt turbæ. Et habébant piscículos paucos: et ipsos benedíxit, et jussit appóni. Et manducavérunt, et saturáti sunt, et sustulérunt quod superáverat de fragméntis, septem sportas. Erant autem qui manducáverant, quasi quátuor mília: et dimísit eos.
Offertorium
Ps 16:5; 16:6-7
Pérfice gressus meos in sémitis tuis, ut non moveántur vestígia mea: inclína aurem tuam, et exáudi verba mea: mirífica misericórdias tuas, qui salvos facis sperántes in te, Dómine.
Secreta
Propitiáre, Dómine, supplicatiónibus nostris, et has pópuli tui oblatiónes benígnus assúme: et, ut nullíus sit írritum votum, nullíus vácua postulátio, præsta; ut, quod fidéliter pétimus, efficáciter consequámur.
Communio
Ps 26:6
Circuíbo et immolábo in tabernáculo ejus hóstiam jubilatiónis: cantábo et psalmum dicam Dómino.
Postcommunio
Repléti sumus, Dómine, munéribus tuis: tríbue, quǽsumus; ut eórum et mundémur efféctu et muniámur auxílio.