Calendarium Liturgicum
Missale Romanum 1962 (Forma Extraordinaria)
S. Aniceti Papae et Martyris
Mon
Tue
Wed
Thu
Fri
Sat
Sun
1 S. Angelae Mericiae Virginis2 Feria II infra Octavam Ascensionis3 Feria III infra Octavam Ascensionis4 S. Francisci Caracciolo Confessoris5 S. Bonifacii Episc et Mart6 S. Norberti Episc et Confessoris7 In vigilia Pentecostes8 Dominica Pentecostes9 Die II infra octavam Pentecostes10 Die III infra octavam Pentecostes11 Feria Quarta Quattuor Temporum Pentecostes12 Die Quinta infra octavam Pentecostes13 Feria Sexta Quattuor temporum Pentecostes14 Sabbato Quattuor Temporum Pentecostes15 Dominica Sanctissimæ Trinitatis16 Feria Secunda infra Hebdomadam I post Octavam Pentecostes17 S. Gregorii Barbadici Ep. Conf18 S. Ephraem Syri Confessorem et Ecclesiae Doctorem19 S. Julianae de Falconeriis Virginae20 Feria Sexta infra octavam Corporis Christi21 S. Alosii Gonzage Confessoris22 Dominica II. Post Pentecosten23 Feria Secunda infra Octavam Corporis Christi24 In Nativitate S. Joannis Baptistae25 S. Gulielmi Abbatis26 Ss. Joannis et Pauli Martyrum27 Sacratissimi Cordis Domini Nostri Jesu Christi28 Vigilia Ss. Petri et Pauli Apostolorum29 Ss. Apostolorum Petri et Pauli30 In Commemoratione Sancti Pauli Apostoli
Friday, June 27, 2025 IV classis
Sacratissimi Cordis Domini Nostri Jesu Christi
- Fons
- tempora · tempora/Pent02-5
Rubricæ
Gloria: sic Credo: sic Præfatio: SacratissimiCordis
Propria Missæ
Introitus
Ps 32:11; 32:19
Cogitatiónes Cordis ejus in generatióne et generatiónem: ut éruat a morte ánimas eórum et alat eos in fame. (Allelúja, allelúja.)
Ps 32:1
Exsultáte, justi, in Dómino: rectos decet collaudátio.
Cogitatiónes Cordis ejus in generatióne et generatiónem: ut éruat a morte ánimas eórum et alat eos in fame. (Alleluia, alleluia.)
Collecta
Deus, qui nobis in Corde Fílii tui, nostris vulneráto peccátis, infinítos dilectiónis thesáuros misericórditer largíri dignáris: concéde, quǽsumus; ut, illi devótum pietátis nostræ præstántes obséquium, dignæ quoque satisfactiónis exhibeámus offícium.
Epistola
Léctio Epístolæ beáti Pauli Apóstoli ad Ephésios
Eph 3:8-12, 14-19
Fratres: Mihi, ómnium sanctórum mínimo, data est grátia hæc, in géntibus evangelizáre investigábiles divítias Christi, et illumináre omnes, quæ sit dispensátio sacraménti abscónditi a sǽculis in Deo, qui ómnia creávit: ut innotéscat principátibus et potestátibus in cœléstibus per Ecclésiam multifórmis sapiéntia Dei, secúndum præfinitiónem sæculórum, quam fecit in Christo Jesu, Dómino nostro, in quo habémus fidúciam et accéssum in confidéntia per fidem ejus. Hujus rei grátia flecto génua mea ad Patrem Dómini nostri Jesu Christi, ex quo omnis patérnitas in cœlis ei in terra nominátur, ut det vobis, secúndum divítias glóriæ suæ, virtúte corroborári per Spíritum ejus in interiórem hóminem, Christum habitáre per fidem in córdibus vestris: in caritáte radicáti et fundáti, ut póssitis comprehéndere cum ómnibus sanctis, quæ sit latitúdo, et longitúdo, et sublímitas, et profúndum: scire étiam supereminéntem sciéntiæ caritátem Christi, ut impleámini in omnem plenitúdinem Dei.
Graduale
Ps 24:8-9
Dulcis et rectus Dóminus: propter hoc legem dabit delinquéntibus in via.
Díriget mansúetos in judício, docébit mites vias suas.
Mt 11:29
Allelúja, allelúja. Tóllite jugum meum super vos, et díscite a me, quia mitis sum et húmilis Corde, et inveniétis réquiem animábus vestris. Allelúja.
Alleluia
Matt 11:29; 11:28
Allelúja, allelúja. Tóllite jugum meum super vos, et díscite a me, quia mitis sum et húmilis Corde: et inveniétis réquiem animábus vestris. Allelúja.
Veníte ad me, omnes qui laborátis, et oneráti estis, et ego refíciam vos. Allelúja.
Tractus
Ps 102:8-10
Miséricors et miserátor Dóminus, longánimis, et multum miséricors,
Non in perpétuum irascétur, neque in ætérnum comminábitur.
Non secúndum peccáta nostra fecit nobis, neque secúndum iniquitátes nostras retríbuit nobis.
Evangelium
Sequéntia ++ sancti Evangélii secúndum Joánnem
Joannes 19:31-37
In illo témpore: Judǽi - quóniam Parascéve erat, - ut non remanérent in cruce córpora sábbato - erat enim magnus dies ille sábbati, - rogavérunt Pilátum, ut frangeréntur eórum crura, et tolleréntur. Venérunt ergo mílites: et primi quidem fregérunt crura et alteríus, qui crucifíxus est cum eo. Ad Jesum autem cum veníssent, ut vidérunt eum jam mórtuum, non fregérunt ejus crura, sed unus mílitum láncea latus ejus apéruit, et contínuo exívit sanguis et aqua. Et qui vidit, testimónium perhíbuit: et verum est testimónium ejus. Et ille scit quia vera dicit, ut et vos credátis. Facta sunt enim hæc ut Scriptúra implerétur: Os non comminuétis ex eo. Et íterum alia Scriptúra dicit: Vidébunt in quem transfixérunt.
Offertorium
Ps 68:21
Impropérium exspectávi Cor meum et misériam: et sustínui, qui simul mecum contristarétur, et non fuit: consolántem me quæsívi, et non invéni.
Secreta
Réspice, quǽsumus, Dómine, ad ineffábilem Cordis dilécti Fílii tui caritátem: ut quod offérimus sit tibi munus accéptum et nostrórum expiátio delictórum.
Communio
Joannes 19:34
Unus mílitum láncea latus ejus apéruit, et contínuo exívit sanguis et aqua.
Postcommunio
Prǽbeant nobis, Dómine Jesu, divínum tua sancta fervórem: quo dulcíssimi Cordis tui suavitáte percépta; discámus terréna despícere, et amáre cœléstia:
Lectiones additae
CommunioP
Joannes 7:37
Si quis sitit, véniat ad me et bibat, allelúja, allelúja.
GradualeP
Matt 11:29; 11:28
Allelúja, allelúja. Tóllite jugum meum super vos, et díscite a me, quia mitis sum et húmilis Corde: et inveniétis réquiem animábus vestris. Allelúja.
Veníte ad me, omnes qui laborátis, et oneráti estis, et ego refíciam vos. Allelúja.
OffertoriumP
Ps 39:7-9
Holocáustum et pro peccáto non postulásti; tunc dixi: Ecce, vénio. In cápite libri scriptum est de me ut fácerem voluntátem tuam: Deus meus, volui, et legem tuam in médio Cordis mei, allelúja.