Calendarium Liturgicum
Missale Romanum 1962 (Forma Extraordinaria)
S. Aniceti Papae et Martyris
Mon
Tue
Wed
Thu
Fri
Sat
Sun
1 S. Angelae Mericiae Virginis2 Feria II infra Octavam Ascensionis3 Feria III infra Octavam Ascensionis4 S. Francisci Caracciolo Confessoris5 S. Bonifacii Episc et Mart6 S. Norberti Episc et Confessoris7 In vigilia Pentecostes8 Dominica Pentecostes9 Die II infra octavam Pentecostes10 Die III infra octavam Pentecostes11 Feria Quarta Quattuor Temporum Pentecostes12 Die Quinta infra octavam Pentecostes13 Feria Sexta Quattuor temporum Pentecostes14 Sabbato Quattuor Temporum Pentecostes15 Dominica Sanctissimæ Trinitatis16 Feria Secunda infra Hebdomadam I post Octavam Pentecostes17 S. Gregorii Barbadici Ep. Conf18 S. Ephraem Syri Confessorem et Ecclesiae Doctorem19 S. Julianae de Falconeriis Virginae20 Feria Sexta infra octavam Corporis Christi21 S. Alosii Gonzage Confessoris22 Dominica II. Post Pentecosten23 Feria Secunda infra Octavam Corporis Christi24 In Nativitate S. Joannis Baptistae25 S. Gulielmi Abbatis26 Ss. Joannis et Pauli Martyrum27 Sacratissimi Cordis Domini Nostri Jesu Christi28 Vigilia Ss. Petri et Pauli Apostolorum29 Ss. Apostolorum Petri et Pauli30 In Commemoratione Sancti Pauli Apostoli
Wednesday, June 4, 2025 III classis
S. Francisci Caracciolo Confessoris
- Fons
- sancti · sancti/06-04 (C4a)
Rubricæ
Gloria: sic Credo: non
Propria Missæ
Introitus
Ps 68:10.
Factum est cor meum tamquam cera liquéscens in médio ventris mei: quóniam zelus domus tuæ comédit me. (Allelúja, allelúja)
Ps 72:1
Quam bonus Israël Deus: his, qui recto sunt corde!
Factum est cor meum tamquam cera liquéscens in médio ventris mei: quóniam zelus domus tuæ comédit me. (Allelúja, allelúja)
Collecta
Deus, qui beátum Francíscum, novi órdinis institutórem, orándi stúdio et pœniténtiæ amóre decorásti: da fámulis tuis in ejus imitatióne ita profícere; ut, semper orántes et corpus in servitútem redigéntes, ad cœléstem glóriam perveníre mereántur.
Epistola
Léctio libri Sapiéntiæ
Sap 4:7-14
Justus, si morte præoccupátus fúerit, in refrigério erit. Senéctus enim venerábilis est non diutúrna, neque annórum número computáta: cani autem sunt sensus hóminis, et ætas senectútis vita immaculáta. Placens Deo Jactus est diléctus, et vivens inter peccatóres translátus est. Raptus est, ne malítia mutáret intelléctum ejus, aut ne fíctio decíperet ánimam illíus. Fascinátio enim nugacitátis obscúrat bona, et inconstántia concupiscéntiæ transvértit sensum sine malítia. Consummátus in brevi explévit témpora multa, plácita enim erat Deo ánima illíus: propter hoc properávit edúcere illum de médio iniquitátum.
Graduale
Ps 41:2
Quemádmodum desíderat cervus ad fontes aquárum: ita desíderat ánima mea ad te, Deus.
Ps 41:3
Sitívit ánima mea ad Deum fortem vivum.
Allelúja, allelúja.
Ps 72:26
Defécit caro mea et cor meum: Deus cordis mei, et pars mea Deus in ætérnum. Allelúja.
Alleluia
Allelúja, allelúja
Ps 64:5
Beátus, quem elegísti et assumpsísti: inhabitábit in átriis tuis. Allelúja.
Ps 111:9
Dispérsit, dedit paupéribus: justítia ejus manet in sǽculum sǽculi. Allelúja.
Offertorium
Ps 91:13
Justus ut palma florébit: sicut cedrus, quæ in Líbano est, multiplicábitur. (Allelúja.)
Secreta
Da nobis, clementíssime Jesu: ut præclára beáti Francísci mérita recoléntes, eódem nos, ac ille, caritátis igne succénsi, digne in circúitu sacræ hujus mensæ tuæ esse valeámus:
Communio
Ps 30:20
Quam magna multitúdo dulcédinis tuæ, Dómine, quam abscondísti timéntibus te! (Allelúja.)
Postcommunio
Sacrosáncta sacrifícii, quǽsumus, Dómine, quod hódie in sollemnitáte beáti Francísci tuæ obtúlimus majestáti, grata semper in méntibus nostris memória persevéret et fructus.
Lectiones additae
GradualeP
Ps 64:5Ps 111:9
Allelúja, allelúja
Beátus, quem elegísti et assumpsísti: inhabitábit in átriis tuis. Allelúja.
Dispérsit, dedit paupéribus: justítia ejus manet in sǽculum sǽculi. Allelúja.