Calendarium Liturgicum
Missale Romanum 1962 (Forma Extraordinaria)
S. Aniceti Papae et Martyris
Mon
Tue
Wed
Thu
Fri
Sat
Sun
1 S. Joseph Opificis2 S. Athanasii Confessoris Ecclesiae Doctoris3 Feria Secunda in Rogationibus4 S. Monica Vidua5 S. Pii V Papae Confessoris6 In Ascensione Domini7 S. Stanislai Episcopi Martyri8 Sabbato infra Octavam Ascensionis9 S. Gregorii Nazianzi Episcopi Confessoris Ecclasiae Doctorum10 S. Antonii Episcopi Confessoris11 Ss. Philippi et Jacobi Apostolorum12 Ss. Nerei, Achillei et Domitillae Virgini atque Pancratii Martyrum13 S.Roberti Ballarmino Episcopi Confessoris et Ecclesiae Doctoris14 Feria VI post Octavam Ascensionis15 In vigilia Pentecostes16 Dominica Pentecostes17 Die II infra octavam Pentecostes18 Die III infra octavam Pentecostes19 Feria Quarta Quattuor Temporum Pentecostes20 Die Quinta infra octavam Pentecostes21 Feria Sexta Quattuor temporum Pentecostes22 Sabbato Quattuor Temporum Pentecostes23 Dominica Sanctissimæ Trinitatis24 Feria Secunda infra Hebdomadam I post Octavam Pentecostes25 S. Gregory VII Papae Confessoris26 S. Philippi Neri Confessoris27 S. Bedæ Venerabilis Confessoris et Ecclesiæ Doctoris28 S. Augustini Episcopi Confessoris29 Sabbato infra octavam Corporis Christi30 Dominica II. Post Pentecosten31 Beatae Mariae Virginis Regina
Saturday, May 1, 2027 I classis
S. Joseph Opificis
- Fons
- sancti · sancti/05-01r
Rubricæ
Gloria: sic Credo: sic Præfatio: SanctiIoseph
Propria Missæ
Introitus
Sap. 10:17
Sapiéntia réddidit justis mercédem labórum suórum, et dedúxit illos in via mirábili, et fuit illis in velaménto diéi et in luce stellárum per noctem, allelúja, allelúja.
Ps 126:1
Nisi Dóminus ædificáverit domum, in vanum labórant qui ædíficant eam.
Sapiéntia réddidit justis mercédem labórum suórum, et dedúxit illos in via mirábili, et fuit illis in velaménto diéi et in luce stellárum per noctem, allelúja, allelúja.
Collecta
Rerum cónditor Deus, qui legem labóris humáno géneri statuísti: concéde propítius; ut, sancti Joseph exémplo et patrocínio, ópera perficiámus quæ præcipis, et præmia consequámur quæ promíttis.
Epistola
Léctio Epístolæ beáti Pauli Apóstoli ad Colossénses.
Col. 3:14-15, 17, 23-24
Fratres: Caritátem habéte, quod est vínculum perfectiónis, et pax Christi exsúltet in córdibus vestris, in qua et vocáti estis in uno córpore, et grati estóte. Omne quodcúmque fácitis in verbo aut in ópere, ómnia in nómine Dómini Jesu Christi, grátias agéntes Deo et Patri per ipsum. Quodcúmque fácitis, ex ánimo operámini sicut Dómino, et non homínibus, sciéntes quod a Dómino accipiétis retributiónem hereditátis. Dómino Christo servíte.
Graduale
Allelúja, allelúja.
De quacúmque tribulatióne clamáverint ad me, exáudiam eos, et ero protéctor eórum semper. Allelúja.
Fac nos innócuam, Joseph, decúrrere vitam: sitque tuo semper tuta patrocínio. Allelúja.
Evangelium
Sequéntia ++ sancti Evangélii secúndum Matthǽum
Matt 13:54-58
In illo témpore: Véniens Jesus in pátriam suam, docébat eos in synagógis eórum, ita ut miraréntur et dícerent: Unde huic sapiéntia hæc et virtútes? Nonne hic est fabri fílius? Nonne mater ejus dícitur María, et fratres ejus Jacóbus et Joseph et Simon et Judas? Et soróres ejus nonne omnes apud nos sunt? Unde ergo huic ómnia ista? Et scandalizabántur in eo. Jesus autem dixit eis: Non est prophéta sine honóre nisi in pátria sua et in domo sua. Et non fecit ibi virtútes multas propter incredulitátem illórum.
Offertorium
Ps 89:17
Bónitas Dómini Dei nostri sit super nos, et opus mánuum nostrárum secúnda nobis, et opus mánuum nostrárum secúnda, allelúja.
Secreta
Quas tibi, Dómine, de opéribus mánuum nostrárum offérimus hóstias, sancti Joseph interpósito suffrágio, pignus fácias nobis unitátis et pacis.
Communio
Matt 13:54-55
Unde huic sapiéntia hæc et virtútes? Nonne hic est fabri fílius? Nonne mater ejus dícitur María? Allelúja.
Postcommunio
Hæc sancta quæ súmpsimus, Dómine, per intercessiónem beáti Joseph; et operatiónem nostram cómpleant, et prǽmia confírment.