Calendarium Liturgicum
Missale Romanum 1962 (Forma Extraordinaria)
Feria Quarta infra Hebdomadam I post Octavam Paschæ
Mon
Tue
Wed
Thu
Fri
Sat
Sun
1 S. Aegidii Abbatis2 S. Stephani Hungariae Regis Confessoris3 S. Pius X Papae Confessoris4 Feria Sexta infra Hebdomadam XIV post Octavam Pentecostes5 S. Laurentii Justiniani Episcopi et Confessoris6 Dominica XV Post Pentecosten7 Feria Secunda infra Hebdomadam XV post Octavam Pentecostes8 Nativitate Beatae Mariae Virginis9 S. Gorgonii mart10 S. Nicolai de Tolentino Confessoris11 Ss. Proti et Hyacinthi Martyrum12 S. Nominis Beatae Mariae Virginis13 Dominica XVI Post Pentecosten14 In Exaltatione Sanctae crucis15 Septem Dolorum Beatae Mariae Virginis16 Ss. Cornelii et Cypriani Pontificium et Martyrum17 Impressionis Stigmatum S. Francisci18 S. Joseph Cupertino19 S. Januarii Episcopi et Sociorum Martyrum20 Dominica XVII Post Pentecosten21 S. Matthaei Apostoli et Evangelistae22 S. Thomae de Villanove Episcopi et Confessoris23 S. Linae Papae et Martyris24 Beatae Mariae Virginis de Mercede25 Feria Sexta infra Hebdomadam XVII post Octavam Pentecostes26 Ss. Cypriani et Justinae Martyri27 Dominica XVIII Post Pentecosten28 S. Wenceslai Ducis et Martyris29 In dedicatione S. Michaelis Archangelis30 S. Hieronomy Presbitery Confessorie et Ecclesiae Doctoris
Sunday, September 6, 2026 II classis
Dominica XV Post Pentecosten
- Fons
- tempora · tempora/Pent15-0
Rubricæ
Gloria: sic Credo: sic Præfatio: Trinitatis
Propria Missæ
Introitus
Ps 85:1; 85:2-3
Inclína, Dómine, aurem tuam ad me, et exáudi me: salvum fac servum tuum, Deus meus, sperántem in te: miserére mihi, Dómine, quóniam ad te clamávi tota die.
Ps 85:4
Lætífica ánimam servi tui: quia ad te, Dómine, ánimam meam levávi.
Inclína, Dómine, aurem tuam ad me, et exáudi me: salvum fac servum tuum, Deus meus, sperántem in te: miserére mihi, Dómine, quóniam ad te clamávi tota die.
Collecta
Ecclésiam tuam, Dómine, miserátio continuáta mundet et múniat: et quia sine te non potest salva consístere; tuo semper múnere gubernétur.
Epistola
Léctio Epístolæ beáti Pauli Apóstoli ad Gálatas.
Gal 5:25-26; 6:1-10
Fratres: Si spíritu vívimus, spíritu et ambulémus. Non efficiámur inanis glóriæ cúpidi, ínvicem provocántes, ínvicem invidéntes. Fratres, et si præoccupátus fúerit homo in áliquo delícto, vos, qui spirituáles estis, hujúsmodi instrúite in spíritu lenitátis, consíderans teípsum, ne et tu tentéris. Alter alteríus ónera portáte, et sic adimplébitis legem Christi. Nam si quis exístimat se áliquid esse, cum nihil sit, ipse se sedúcit. Opus autem suum probet unusquísque, et sic in semetípso tantum glóriam habébit, et non in áltero. Unusquísque enim onus suum portábit. Commúnicet autem is, qui catechizátur verbo, ei, qui se catechízat, in ómnibus bonis. Nolíte erráre: Deus non irridétur. Quæ enim semináverit homo, hæc et metet. Quóniam qui séminat in carne sua, de carne et metet corruptiónem: qui autem séminat in spíritu, de spíritu metet vitam ætérnam. Bonum autem faciéntes, non deficiámus: témpore enim suo metémus, non deficiéntes. Ergo, dum tempus habémus, operémur bonum ad omnes, maxime autem ad domésticos fídei.
Graduale
Ps 91:2-3
Bonum est confitéri Dómino: et psallere nómini tuo, Altíssime.
Ad annuntiándum mane misericórdiam tuam, et veritátem tuam per noctem. Allelúja, allelúja.
Ps 94:3
Quóniam Deus magnus Dóminus, et Rex magnus super omnem terram. Allelúja.
Evangelium
Sequéntia ++ sancti Evangélii secúndum Lucam
Luc 7:11-16
In illo témpore: Ibat Jesus in civitátem, quæ vocátur Naim: et ibant cum eo discípuli ejus et turba copiósa. Cum autem appropinquáret portæ civitátis, ecce, defúnctus efferebátur fílius únicus matris suæ: et hæc vídua erat, et turba civitátis multa cum illa. Quam cum vidísset Dóminus, misericórdia motus super eam, dixit illi: Noli flere. Et accéssit et tétigit lóculum. - Hi autem, qui portábant, stetérunt - Et ait: Adoléscens, tibi dico, surge. Et resédit, qui erat mórtuus, et cœpit loqui. Et dedit illum matri suæ. Accépit autem omnes timor: et magnificábant Deum, dicéntes: Quia Prophéta magnus surréxit in nobis: et quia Deus visitávit plebem suam.
Offertorium
Ps 39:2; 39:3; 39:4
Exspéctans exspectávi Dóminum, et respéxit me: et exaudívit deprecatiónem meam: et immísit in os meum cánticum novum, hymnum Deo nostro.
Secreta
Tua nos, Dómine, sacramenta custodiant: et contra diabólicos semper tueántur incúrsus.
Communio
Joann 6:52
Panis, quem ego dédero, caro mea est pro sǽculi vita.
Postcommunio
Mentes nostras et córpora possídeat, quǽsumus, Dómine, doni cœléstis operátio: ut non noster sensus in nobis, sed júgiter ejus prævéniat efféctus.