Calendarium Liturgicum

Missale Romanum 1962 (Forma Extraordinaria)

1969 1962

Hodie Wednesday, April 15, 2026

Feria Quarta infra Hebdomadam I post Octavam Paschæ

Tempus Paschale IV classis Albus

Ad hodiernum

Mon

Tue

Wed

Thu

Fri

Sat

Sun

1 Dominica II in Quadragesima 2 Feria Secunda infra Hebdomadam II in Quadragesima 3 Feria Tertia infra Hebdomadam II in Quadragesima 4 Feria Quarta infra Hebdomadam II in Quadragesima 5 Feria Quinta infra Hebdomadam II in Quadragesima 6 Feria Sexta infra Hebdomadam II in Quadragesima 7 Sabbato infra Hebdomadam II in Quadragesima 8 Dominica III in Quadragesima 9 Feria Secunda infra Hebdomadam III in Quadragesima 10 Feria Tertia infra Hebdomadam III in Quadragesima 11 Feria Quarta infra Hebdomadam III in Quadragesima 12 Feria Quinta infra Hebdomadam III in Quadragesima 13 Feria Sexta infra Hebdomadam III in Quadragesima 14 Sabbato infra Hebdomadam III in Quadragesima 15 Dominica IV in Quadragesima 16 Feria Secunda infra Hebdomadam IV in Quadragesima 17 Feria Tertia infra Hebdomadam IV in Quadragesima 18 Feria Quarta infra Hebdomadam IV in Quadragesima 19 S. Joseph sponsi BMV confessoris 20 Feria Sexta infra Hebdomadam IV in Quadragesima 21 Sabbato infra Hebdomadam IV in Quadragesima 22 Dominica de Passione 23 Feria Secunda infra Hebdomadam Passionis 24 Feria Tertia infra Hebdomadam Passionis 25 In Annuntiatione Beate Mariæ Virginis 26 Feria Quinta infra Hebdomadam Passionis 27 Septem Dolorum Beatæ Mariæ Virgine 28 Sabbato infra Hebdomadam Passionis 29 Dominica in Palmis 30 Feria Secunda Majoris Hebdomadæ 31 Feria Tertia Majoris Hebdomadæ

Thursday, March 12, 2026 III classis

Feria Quinta infra Hebdomadam III in Quadragesima

Quadragesima Violaceus

Fons: tempora · tempora/Quad3-4

Rubricæ

Gloria: non Credo: non

Commemorationes

S. Gregorii Papae Confessoris et Eccl Doct III classis

Propria Missæ

Introitus

Salus pópuli ego sum, dicit Dóminus: de quacúmque tribulatióne clamáverint ad me, exáudiam eos: et ero illórum Dóminus in perpétuum

Ps 77:1

Atténdite, pópule meus, legem meam: inclináte aurem vestram in verba oris mei.

Salus pópuli ego sum, dicit Dóminus: de quacúmque tribulatióne clamáverint ad me, exáudiam eos: et ero illórum Dóminus in perpétuum

Collecta

Magníficet te, Dómine, sanctórum tuórum Cosmæ et Damiáni beáta solémnitas: qua et illis glóriam sempitérnam, et opem nobis ineffábili providéntia contulísti.

Epistola

Léctio Jeremíæ Prophétæ.

Jer 7:1-7

In diébus illis: Factum est verbum Dómini ad me, dicens: Sta in porta domus Dómini: et prǽdica ibi verbum istud, et dic: Audíte verbum Dómini, omnis Juda, qui ingredímini per portas has, ut adorétis Dóminum. Hæc dicit Dóminus exercítuum, Deus Israël: Bonas fácite vias vestras et stúdia vestra: et habitábo vobíscum in loco isto. Nolíte confídere in verbis mendácii, dicéntes: Templum Dómini, templum Dómini, templum Dómini est. Quóniam si bene direxéritis vias vestras et stúdia vestra: si fecéritis judícium inter virum et próximum ejus, ádvenæ et pupíllo et víduæ non fecéritis calúmniam, nec sánguinem innocéntem effudéritis in loco hoc, et post deos aliénos non ambulavéritis in malum vobismetípsis: habitábo vobíscum in loco isto, in terra, quam dedi pátribus vestris a sǽculo et usque in sǽculum: ait Dóminus omnípotens.

Graduale

Ps 144:15-16

Oculi ómnium in te sperant, Dómine: et tu das illis escam in témpore opportúno,

Aperis tu manum tuam: et imples omne ánimal benedictióne.

Evangelium

Sequéntia ++ sancti Evangélii secúndum Lucam

Luc 4:38-44

In illo témpore: Surgens Jesus de synagóga, introívit in domum Simónis. Socrus autem Simónis tenebátur magnis fébribus: et rogavérunt illum pro ea. Et stans super illam, imperávit febri: et dimísit illam. Et contínuo surgens, ministrábat illis. Cum autem sol occidísset, omnes qui habébant infírmos váriis languóribus, ducébant illos ad eum. At ille síngulis manus impónens, curábat eos. Exíbant autem dæmónia a multis clamántia et dicéntia: Quia tu es Fílius Dei: et íncrepans non sinébat ea loqui, quia sciébant ipsum esse Christum. Facta autem die egréssus ibat in desértum locum, et turbæ requirébant eum, et venérunt usque ad ipsum: et detinébant illum, ne discéderet ab eis. Quibus ille ait: Quia et áliis civitátibus opórtet me evangelizáre regnum Dei: quia ídeo missus sum. Et erat prǽdicans in synagógis Galilǽæ.

Offertorium

Ps 137:7

Si ambulávero in médio tribulatiónis, vivificábis me, Dómine: et super iram inimicórum meorum exténdes manum tuam, et salvum me fáciet déxtera tua.

Secreta

In tuorum, Dómine, pretiósa morte justórum sacrifícium illud offérimus, de quo martýrium sumpsit omne princípium.

Communio

Ps 118:4-5

Tu mandásti, mandáta tua custodíri nimis: útinam dirigántur viæ meæ, ad custodiéndas justificatiónes tuas.

Postcommunio

Sit nobis, Dómine, sacraménti tui certa salvátio: quæ cum beatórum Mártyrum tuórum Cosmæ et Damiáni méritis implorátur.

Lectiones additae

Super populum

Orémus. Humiliáte cápita vestra Deo. Subjéctum tibi pópulum, quǽsumus, Dómine, propitiátio cœléstis amplíficet: et tuis semper fáciat servíre mandátis.