Calendarium Liturgicum

Missale Romanum 1962 (Forma Extraordinaria)

1969 1962

Hodie Wednesday, April 15, 2026

Feria Quarta infra Hebdomadam I post Octavam Paschæ

Tempus Paschale IV classis Albus

Ad hodiernum

Mon

Tue

Wed

Thu

Fri

Sat

Sun

1 Dominica in Septuagesima 2 In Purificatione Beatae Mariae Virginis 3 S. S. Blasii Episcopi et Martyris 4 S. Andreae Corsini Episcopi et Confessoris 5 S. Agathae Virginis et Martyris 6 S. Titi Episc et Confessoris 7 S. Romualdi Abbatis 8 Dominica in Sexagesima 9 S. Cyrilli Episc Alexandrini Confessoris Ecclesiae Doctoris 10 S. Scholasticae Virginis 11 In apparitione Beatae Mariae Virginis 12 Ss. Septem Fundatorum Ordinis Servorum B. M. V.13 Feria VI infra Hebdomadam Sexagesimæ 14 S. Valentini Presbyteri et Martyris 15 Dominica in Quinquagesima 16 Feria II infra Hebdomadam Quinquagesimæ 17 Feria III infra Hebdomadam Quinquagesimæ 18 Feria IV Cinerum 19 Feria V post Cineres 20 Feria VI post Cineres 21 Sabbato post Cineres 22 Dominica I in Quadragesima 23 Feria Secunda infra Hebdomadam I in Quadragesima 24 S. Matthiae Apostoli 25 Feria Quarta Quatuor Temporum Quadragesimæ 26 Feria Quinta infra Hebdomadam I in Quadragesima 27 Feria Sexta Quattuor Temporum 28 Sabbato Quattuor Temporum Quadrageismæ

Thursday, February 12, 2026 III classis

Ss. Septem Fundatorum Ordinis Servorum B. M. V.

Septuagesima Albus

Fons: sancti · sancti/02-12 (C5b)

Rubricæ

Gloria: sic Credo: non

Propria Missæ

Introitus

Sap 10:20-21

Justi decantavérunt, Dómine, nomen sanctum tuum, et victrícem manum tuam laudavérunt páriter: quóniam sapiéntia apéruit os mutum et linguas infántium fecit disértas.

Ps 8:2.

Dómine, Dóminus noster, quam admirábile est nomen tuum in univérsa terra!

Justi decantavérunt, Dómine, nomen sanctum tuum, et victrícem manum tuam laudavérunt páriter: quóniam sapiéntia apéruit os mutum et linguas infántium fecit disértas.

Collecta

Dómine Jesu Christe, qui, ad recoléndam memóriam dolórum sanctíssimæ Genetrícis tuæ, per septem beátos Patres nova Servorum ejus família Ecclésiam tuam fœcundásti: concéde propítius; ita nos eórum consociári flétibus, ut perfruámur et gáudiis:

Epistola

Léctio libri Sapiéntiæ

Eccli 44:1-15

Laudémus viros gloriósos et paréntes nostros in generatióne sua. Multam glóriam fecit Dóminus magnificéntia sua a sǽculo. Dominántes in potestátibus suis, hómines magni virtúte et prudéntia sua præditi, nuntiántes in prophétis dignitátem prophetárum, et imperántes in præsénti pópulo, et virtúte prudéntiæ pópulis sanctíssima verba. In perítia sua requiréntes modos músicos, et narrántes cármina scripturárum. Hómines dívites in virtúte, pulchritúdinis stúdium habéntes: pacificántes in dómibus suis. Omnes isti in generatiónibus gentis suæ glóriam adépti sunt, et in diébus suis habéntur in láudibus. Qui de illis nati sunt, reliquérunt nomen narrándi laudes eórum. Et sunt, quorum non est memória: periérunt, quasi qui non fúerint: et nati sunt, quasi non nati, et fílii ipsórum cum ipsis. Sed illi viri misericórdiæ sunt, quorum pietátes non defuérunt: cum sémine eórum pérmanent bona, heréditas sancta nepótes eórum, et in testaméntis stetit semen eórum: et fílii eórum propter illos usque in ætérnum manent: semen eórum et glória eórum non derelinquétur. Córpora ipsórum in pace sepúlta sunt, et nomen eórum vivit in generatiónem et generatiónem. Sapiéntiam ipsórum narrent pópuli, et laudem eórum núntiet Ecclésia.

Graduale

Is 65:23

Elécti mei non laborábunt frustra, neque germinábunt in conturbatióne: quia semen benedictórum Dómini est, et nepótes eórum cum eis.

Eccli 44:14

Córpora ipsorum in pace sepúlta sunt, et nomen eórum vivit in generatiónem et generatiónem. Allelúja, allelúja.

Eccli 44:15

Sapiéntiam ipsorum narrent pópuli, et laudem eórum núntiet Ecclésia. Allelúja.

Alleluia

Allelúja, allelúja

Eccli 44:15.

Sapiéntiam ipsórum narrent pópuli, et laudem eórum núntiet Ecclésia.

Ps 36:28.

Non derelínquet Dóminus sanctos suos: in ætérnum conservabúntur. Allelúja.

Tractus

Is 65:23

Elécti mei non laborábunt frustra, neque germinábunt in conturbatióne: quia semen benedictórum Dómini est, et nepótes eórum cum eis.

Eccli 44:14

Córpora ipsorum in pace sepúlta sunt, et nomen eórum vivit in generatiónem et generatiónem.

Ps 125:5-6

Qui séminant in lácrimis, in exsultatióne metent.

Eúntes ibant et fiébant, mitténtes sémina sua.

Veniéntes autem vénient cum exsultatióne, portántes manípulos suos.

Evangelium

Sequéntia ++ sancti Evangélii secúndum Matthǽum

Matt 19:27-29

In illo témpore: Dixit Petrus ad Jesum: Ecce, nos relíquimus ómnia, et secúti sumus te: quid ergo erit nobis? Jesus autem dixit illis: Amen, dico vobis, quod vos, qui secúti estis me, in regeneratióne, cum séderit Fílius hóminis in sede majestátis suæ, sedébitis et vos super sedes duódecim, judicántes duódecim tribus Israël. Et omnis, qui relíquerit domum, vel fratres, aut soróres, aut patrem, aut matrem, aut uxórem, aut fílios, aut agros, propter nomen meum, céntuplum accípiet, et vitam ætérnam possidébit.

Offertorium

Is 56:7.

Addúcam eos in montem sanctum meum, et lætificábo eos in domo oratiónis meæ: holocáusta eórum et víctimæ eórum placébunt mihi super altáre meum.

Secreta

Accipe, quǽsumus, Dómine, hóstias quas tibi offérimus: et præsta; ut, intercedéntibus Sanctis tuis, libera tibi mente serviámus, et perdoléntis Vírginis Genetrícis Fílii tui amóre inflammémur.

Communio

Joann 15:16

Ego vos elégi de mundo, ut eátis et fructum afferátis: et fructus vester máneat.

Postcommunio

Cœléstibus refécti mystériis te, Dómine, deprecámur: ut, quorum festa percólimus imitántes exémpla; juxta Crucem Jesu cum María Matre ejus fidéliter astémus, et ejúsdem redemptiónis fructum percípere mereámur.

Lectiones additae

GradualeP

Eccli 44:15.Ps 36:28.

Allelúja, allelúja Sapiéntiam ipsórum narrent pópuli, et laudem eórum núntiet Ecclésia. Non derelínquet Dóminus sanctos suos: in ætérnum conservabúntur. Allelúja.