Calendarium Liturgicum

Missale Romanum 1962 (Forma Extraordinaria)

1969 1962

Hodie Wednesday, April 15, 2026

Feria Quarta infra Hebdomadam I post Octavam Paschæ

Tempus Paschale IV classis Albus

Ad hodiernum

Mon

Tue

Wed

Thu

Fri

Sat

Sun

1 In Circumcisione Domini 2 Ad Romános, cap. 5 3 Ad Romános, cap. 6 4 Sanctissimi Nominis Jesu 5 Ad Romános, cap. 8 6 Epiphaniae Domini 7 Secunda die infra Octavam Epiphaniae 8 Tertia die infra Octavam Epiphaniae 9 Quarta die infra Octavam Epiphaniae 10 Quinta die infra Octavam Epiphaniae 11 Dominica infra Octavam Epiphaniæ 12 Septima die infra Octavam Epiphaniae 13 Die Octava Epiphaniae 14 S. Hilarii Episcopi Confessoris Ecclesiae Doctoris 15 S. Pauli primi Eremitae et Confessoris 16 S. Marcelli Papae et Martyris 17 S. S. Antonii Abbatis 18 Dominica II post Epiphaniam 19 S. Canuti Mart 20 Ss. Fabiani et Sebastiani Martyrum 21 S. Agnetis Virginis et Martyris 22 Ss. Vincentii et Anastasii Martyrum 23 S. Raymundi de Penafort Confessoris 24 S. Timothei Episcopi et Martyris 25 Dominica III Post Epiphaniam 26 S. Polycarpi Episcopi et Martyris 27 S. Joannis Chrysostomi Episcopi Confessoris Ecclesiae Doctoris 28 S. Petri Nolasci Confessoris 29 S. Francisci Salesii Episcopi Confessoris Ecclesiae Doctoris 30 S. Martinae Virginis et Martyris 31 S.Joannis Bosco Confessoris

Sunday, January 4, 2026 II classis

Sanctissimi Nominis Jesu

Tempus Nativitatis Albus

Fons: tempora · tempora/Nat2-0

Rubricæ

Gloria: sic Credo: sic Præfatio: Nativitatis

Propria Missæ

Introitus

Phil 2:10-11

In nómine Jesu omne genu flectátur, cœléstium, terréstrium et infernórum: et omnis lingua confiteátur, quia Dóminus Jesus Christus in glória est Dei Patris

Ps 8:2.

Dómine, Dóminus noster, quam admirábile est nomen tuum in univérsa terra!

In nómine Jesu omne genu flectátur, cœléstium, terréstrium et infernórum: et omnis lingua confiteátur, quia Dóminus Jesus Christus in glória est Dei Patris

Collecta

Deus, qui unigénitum Fílium tuum constituísti humáni géneris Salvatórem, et Jesum vocári jussísti: concéde propítius; ut, cujus sanctum nomen venerámur in terris, ejus quoque aspéctu perfruámur in cœlis.

Epistola

Léctio Actuum Apostolorum

Act 4:8-12

In diébus illis: Petrus, replétus Spíritu Sancto, dixit: Príncipes pópuli et senióres, audíte: Si nos hódie dijudicámur in benefácto hóminis infírmi, in quo iste salvus factus est, notum sit ómnibus vobis et omni plebi Israël: quia in nómine Dómini nostri Jesu Christi Nazaréni, quem vos crucifixístis, quem Deus suscitávit a mórtuis, in hoc iste astat coram vobis sanus. Hic est lapis, qui reprobátus est a vobis ædificántibus: qui factus est in caput ánguli: et non est in alio áliquo salus. Nec enim aliud nomen est sub cœlo datum homínibus, in quo opórteat nos salvos fíeri.

Graduale

Ps 105:47

Salvos fac nos, Dómine, Deus noster, et cóngrega nos de natiónibus: ut confiteámur nómini sancto tuo, et gloriémur in glória tua.

Isa 63:16

Tu, Dómine, Pater noster et Redémptor noster: a sǽculo nomen tuum. Allelúja, allelúja

Ps 144:21

Laudem Dómini loquétur os meum, et benedícat omnis caro nomen sanctum ejus. Allelúja.

Alleluia

Allelúja, allelúja

Ps 144:21

Laudem Dómini loquétur os meum, et benedícat omnis caro nomen sanctum ejus. Allelúja.

Ps 144:1

Exaltábo te, Deus meus, Rex: et benedícam nómini sancto tuo, Jesu, in sǽculum, et in sǽculum sǽculi. Allelúja.

Tractus

Dómine, Deus virtútum, convérte nos: et osténde fáciem tuam, et salvi érimus: sonet vox tua in áuribus meis. Vox enim tua dulcis, et fácies tua decóra nimis.

Cant 1:2

Oleum effúsum nomen tuum, Jesu: ideo adolescéntulæ dilexérunt te.

Evangelium

Sequéntia ++ sancti Evangélii secúndum Lucam

Luc 2:21

In illo témpore: Postquam consummáti sunt dies octo, ut circumciderétur Puer: vocátum est nomen ejus Jesus, quod vocátum est ab Angelo, priúsquam in útero conciperétur.

Offertorium

Ps 85:12; 85:5

Confitébor tibi, Dómine, Deus meus, in toto corde meo, et glorificábo nomen tuum in ætérnum: quóniam tu, Dómine, suávis et mitis es: et multæ misericórdiæ ómnibus invocántibus te, allelúja.

Secreta

Benedíctio tua, clementíssime Deus, qua omnis viget creatúra, sanctíficet, quǽsumus, hoc sacrifícium nostrum, quod ad glóriam nóminis Fílii tui, Dómini nostri Jesu Christi, offérimus tibi: ut majestáti tuæ placére possit ad laudem, et nobis profícere ad salútem.

Communio

Ps 85:9-10

Omnes gentes, quascúmque fecísti, vénient et adorábunt coram te, Dómine, et glorificábunt nomen tuum: quóniam magnus es tu et fáciens mirabília: tu es Deus solus, allelúja.

Postcommunio

Omnípotens ætérne Deus, qui creásti et redemísti nos, réspice propítius vota nostra: et sacrifícium salutáris hóstiæ, quod in honórem nóminis Fílii tui, Dómini nostri Jesu Christi, majestáti tuæ obtúlimus, plácido et benígno vultu suscípere dignéris; ut grátia tua nobis infúsa, sub glorióso nómine Jesu, ætérnæ prædestinatiónis titulo gaudeámus nómina nostra scripta esse in cœlis.

Lectiones additae

GradualeP

Ps 144:21Ps 144:1

Allelúja, allelúja Laudem Dómini loquétur os meum, et benedícat omnis caro nomen sanctum ejus. Allelúja. Exaltábo te, Deus meus, Rex: et benedícam nómini sancto tuo, Jesu, in sǽculum, et in sǽculum sǽculi. Allelúja.