Calendarium Liturgicum
Missale Romanum 1962 (Forma Extraordinaria)
Feria Quarta infra Hebdomadam I post Octavam Paschæ
Mon
Tue
Wed
Thu
Fri
Sat
Sun
1 S. Remigii Episcopi Confessoris2 Ss. Angelorum Custodum3 S. Theresiae a Jesu Infante Virginis4 S. Francisci Confessoris5 Dominica XVII Post Pentecosten6 S. Brunonis Confessoris7 Festum Beatae Mariae Virginis a Rosario8 S. Brigittae Viduae9 S. Joannis Leonardi Confessoris10 S. Francisci Borgiae Confessoris11 Maternitatis Beatae Mariae Virginis12 Dominica XVIII Post Pentecosten13 S. Eduardi Regis Confessoris14 S. Callisti Papae et Martyris15 S. Teresiae Virginis16 S. Hedwigis Viduae17 S. Margaritae Mariae Alaquoque Virginis18 S. Lucae Evangelistae19 Dominica XIX Post Pentecosten20 S. Joannis Cantii Confessoris21 S. Hilarionis Abbatis22 Feria Quarta infra Hebdomadam XIX post Octavam Pentecostes23 S. Antonii Mariae Claret Episcopi Confessoris24 S. Raphaelis Archangeli25 Ss. Chrysanthi et Dariae Martyres26 Dominica XX Post Pentecosten27 Feria Secunda infra Hebdomadam XX post Octavam Pentecostes28 Ss. Simonis et Judae Apostolorum29 Feria Quarta infra Hebdomadam XX post Octavam Pentecostes30 Feria Quinta infra Hebdomadam XX post Octavam Pentecostes31 Feria Sexta infra Hebdomadam XX post Octavam Pentecostes
Saturday, October 4, 2025 III classis
S. Francisci Confessoris
- Fons
- sancti · sancti/10-04
Rubricæ
Gloria: sic Credo: non
Propria Missæ
Introitus
Gal 6:14
Mihi autem absit gloriári, nisi in Cruce Dómini nostri Jesu Christi: per quem mihi mundus crucifíxus est, et ego mundo.
Ps 141:2
Voce mea ad Dóminum clamávi: voce mea ad Dóminum deprecátus sum.
Mihi autem absit gloriári, nisi in Cruce Dómini nostri Jesu Christi: per quem mihi mundus crucifíxus est, et ego mundo.
Collecta
Deus, qui Ecclésiam tuam, beáti Francisci méritis fœtu novæ prolis amplíficas: tríbue nobis; ex ejus imitatióne, terréna despícere et cœléstium donórum semper participatióne gaudére.
Epistola
Léctio Epístolæ beáti Pauli Apóstoli ad Gálatas
Gal 6:14-18
Fratres: Mihi autem absit gloriári, nisi in Cruce Dómini nostri Jesu Christi: per quem mihi mundus crucifíxus est, et ego mundo. In Christo enim Jesu neque circumcísio áliquid valet neque præpútium, sed nova creatúra. Et quicúmque hanc régulam secúti fúerint, pax sin per illos et misericórdia, et super Israël Dei. De cetero nemo mihi moléstus sit: ego enim stígmata Dómini Jesu in córpore meo porto. Grátia Dómini nostri Jesu Christi cum spíritu vestro, fratres. Amen.
Graduale
Ps 36:30-31
Os justi meditábitur sapiéntiam, et lingua ejus loquétur judícium.
Lex Dei ejus in corde ipsíus: et non supplantabúntur gressus ejus.
Allelúja, allelúja.
Francíscus pauper et húmilis cœlum dives ingréditur, hymnis cœléstibus honorátur. Allelúja.
Alleluia
Allelúja, allelúja.
Francíscus pauper et húmilis cœlum dives ingréditur, hymnis cœléstibus honorátur.
Ps 111:1
Beátus vir, qui timet Dóminum: in mandátis ejus cupit nimis. Allelúja.
Tractus
Ps 111:1-3
Beátus vir, qui timet Dóminum: in mandátis ejus cupit nimis.
Potens in terra erit semen ejus: generátio rectórum benedicétur.
Glória et divítiæ in domo ejus: et justítia ejus manet in sǽculum sǽculi.
Evangelium
Sequéntia ++ sancti Evangélii secúndum Matthǽum
Matt 11:25-30
In illo témpore: Respóndens Jesus, dixit: Confíteor tibi, Pater, Dómine cœli et terræ, quia abscondísti hæc a sapiéntibus et prudéntibus, et revelásti ea párvulis. Ita, Pater: quóniam sic fuit plácitum ante te. Omnia mihi trádita sunt a Patre meo. Et nemo novit Fílium nisi Pater: neque Patrem quis novit nisi Fílius, et cui volúerit Fílius reveláre. Veníte ad me, omnes, qui laborátis et oneráti estis, et ego refíciam vos. Tóllite jugum meum super vos, et díscite a me, quia mitis sum et húmilis corde: et inveniétis réquiem animábus vestris. Jugum enim meum suave est et onus meum leve.
Offertorium
Ps 88:25
Véritas mea et misericórdia mea cum ipso: et in nómine meo exaltábitur cornu ejus. (Allelúja.)
Secreta
Múnera tibi, Dómine, dicata sanctífica: et, intercedénte beáto Francísco, ab omni nos culpárum labe purífica.
Communio
Luc 12:42
Fidélis servus et prudens, quem constítuit dóminus super famíliam suam: ut det illis in témpore trítici mensúram. (Allelúja.)
Postcommunio
Ecclésiam tuam, quǽsumus, Dómine, grátia cœléstis amplíficet: quam beáti Francísci Confessóris tui illumináre voluísti gloriósis méritis et exémplis.
Lectiones additae
GradualeP
Ps 111:1
Allelúja, allelúja.
Francíscus pauper et húmilis cœlum dives ingréditur, hymnis cœléstibus honorátur.
Beátus vir, qui timet Dóminum: in mandátis ejus cupit nimis. Allelúja.