Calendarium Liturgicum
Missale Romanum 1962 (Forma Extraordinaria)
Feria Quarta infra Hebdomadam I post Octavam Paschæ
Mon
Tue
Wed
Thu
Fri
Sat
Sun
1 S. Aegidii Abbatis2 S. Stephani Hungariae Regis Confessoris3 S. Pius X Papae Confessoris4 Feria Quinta infra Hebdomadam XII post Octavam Pentecostes5 S. Laurentii Justiniani Episcopi et Confessoris6 Sabbato infra Hebdomadam XII post Octavam Pentecostes7 Dominica XIII Post Pentecosten8 Nativitate Beatae Mariae Virginis9 S. Gorgonii mart10 S. Nicolai de Tolentino Confessoris11 Ss. Proti et Hyacinthi Martyrum12 S. Nominis Beatae Mariae Virginis13 Sabbato infra Hebdomadam XIII post Octavam Pentecostes14 In Exaltatione Sanctae crucis15 Septem Dolorum Beatae Mariae Virginis16 Ss. Cornelii et Cypriani Pontificium et Martyrum17 Impressionis Stigmatum S. Francisci18 S. Joseph Cupertino19 S. Januarii Episcopi et Sociorum Martyrum20 S. Eustachii et Sociorum Martyrum21 Dominica XV Post Pentecosten22 S. Thomae de Villanove Episcopi et Confessoris23 S. Linae Papae et Martyris24 Beatae Mariae Virginis de Mercede25 Feria Quinta infra Hebdomadam XV post Octavam Pentecostes26 Ss. Cypriani et Justinae Martyri27 S. Cosmae et Damiani Martyrum28 Dominica XVI Post Pentecosten29 In dedicatione S. Michaelis Archangelis30 S. Hieronomy Presbitery Confessorie et Ecclesiae Doctoris
Sunday, September 14, 2025 II classis
In Exaltatione Sanctae crucis
- Fons
- sancti · sancti/09-14
Rubricæ
Gloria: sic Credo: sic Præfatio: Crucis
Commemorationes
- Dominica XIV Post Pentecosten II classis
Propria Missæ
Introitus
Gal 6:14
Nos autem gloriári opórtet in Cruce Dómini nostri Jesu Christi: in quo est salus, vita et resurréctio nostra: per quem salváti et liberáti sumus.
Ps 66:2
Deus misereátur nostri, et benedícat nobis: illúminet vultum suum super nos, et misereátur nostri.
Nos autem gloriári opórtet in Cruce Dómini nostri Jesu Christi: in quo est salus, vita et resurréctio nostra: per quem salváti et liberáti sumus.
Collecta
Deus, qui nos hodiérna die Exaltatiónis sanctæ Crucis ánnua sollemnitáte lætíficas: præsta, quǽsumus; ut, cujus mystérium in terra cognóvimus, ejus redemptiónis præmia in cœlo mereámur.
Epistola
Léctio Epístolæ beáti Pauli Apóstoli ad Philippénses
Philipp 2:5-11
Fratres: Hoc enim sentíte in vobis, quod et in Christo Jesu: qui, cum in forma Dei esset, non rapinam arbitrátus est esse se æquálem Deo: sed semetípsum exinanívit, formam servi accipiens, in similitudinem hóminum factus, et hábitu inventus ut homo. Humiliávit semetípsum, factus obœ́diens usque ad mortem, mortem autem crucis. Propter quod et Deus exaltávit illum: et donávit illi nomen, quod est super omne nomen: (hic genuflectitur) ut in nomine Jesu omne genu flectátur cœléstium, terréstrium et infernórum: et omnis lingua confiteátur, quia Dóminus Jesus Christus in glória est Dei Patris.
Graduale
Phil 2:8-9
Christus factus est pro nobis obœ́diens usque ad mortem, mortem autem crucis.
Propter quod et Deus exaltávit illum, et dedit illi nomen, quod est super omne nomen. Allelúja, allelúja.
Dulce lignum, dulces clavos, dúlcia ferens póndera: quæ sola fuísti digna sustinére Regem cœlórum et Dóminum. Allelúja.
Evangelium
Sequéntia ++ sancti Evangélii secúndum Joánnem
Joann 12:31-36
In illo témpore: Dixit Jesus turbis Judæórum: Nunc judícium est mundi: nunc princeps hujus mundi ejiciétur foras. Et ego si exaltátus fuero a terra, ómnia traham ad meipsum. ((Hoc autem dicébat, signíficans qua morte esset moritúrus.)) Respóndit ei turba. Nos audívimus ex lege, quia Christus manet in ætérnum: et quómodo tu dicis: Opórtet exaltári Fílium hóminis? Quis est iste Fílius hóminis? Dixit ergo eis Jesus: Adhuc módicum lumen in vobis est. Ambuláte, dum lucem habétis, ut non vos ténebræ comprehéndant: et qui ámbulat in ténebris, nescit, quo vadat. Dum lucem habétis, crédite in lucem, ut fílii lucis sitis.
Offertorium
Prótege, Dómine, plebem tuam per signum sanctæ Crucis ab ómnibus insídiis inimicórum ómnium: ut tibi gratam exhibeámus servitútem, et acceptábile fiat sacrifícium nostrum, allelúja.
Secreta
Jesu Christi, Dómini nostri, Córpore et Sánguine saginándi, per quem Crucis est sanctificátum vexíllum: quǽsumus, Dómine, Deus noster; ut, sicut illud adoráre merúimus, ita perénniter ejus glóriæ salutáris potiámur efféctu.
Communio
Per signum Crucis de inimícis nostris líbera nos, Deus noster.
Postcommunio
Adésto nobis, Dómine, Deus noster: et, quos sanctæ Crucis lætári facis honóre, ejus quoque perpétuis defénde subsídiis.