Calendarium Liturgicum

Missale Romanum 1962 (Forma Extraordinaria)

1969 1962

Hodie Wednesday, April 15, 2026

Feria Quarta infra Hebdomadam I post Octavam Paschæ

Tempus Paschale IV classis Albus

Ad hodiernum

Mon

Tue

Wed

Thu

Fri

Sat

Sun

1 Ss. Martyrum Machabaeorum 2 S. Alphonsi Mariae de Ligorio Episc Conf et Eccles Doct 3 Dominica VIII Post Pentecosten 4 S. Dominici Confessoris 5 S. Mariae ad Nives 6 Transfiguratio Domini Nostri Jesu Christi 7 S. Cajetani Confessoris 8 S. Joannis Vianney Confessoris 9 Vigilia S. Laurentii Martyris 10 Dominica IX Post Pentecosten 11 Ss. Tiburtii et Susannae Virg. Martyrum 12 S. Clarae Virginis 13 Ss. Hippolity et Cassiano Martyrum 14 Vigilia Assumptionis B.M.V.15 Assumptione Beatae Mariae Virginis 16 S. Joachim Confessoris 17 Dominica X Post Pentecosten 18 S. Agapiti Martyris 19 S. Joannis Eudes Confessoris 20 S. Bernardi Abbatis et Ecclesiae Doctoris 21 S. Joanne Franciscae Fremiot de Chantal Viduae 22 Festum Immaculati Cordis Beatae Mariae Virginis 23 S. Philippi Beniti Confessoris 24 Dominica XI Post Pentecosten 25 S. Ludovioci Confessoris 26 S. Zephirini Papae et Martyris 27 S. Josephi Calasantini Confessoris 28 S. Augustini Episcopi et Confessoris et Ecclesiae Doctoris 29 Decollatione S. Joannis Baptistae 30 S. Rosae a Sancta Maria Limange Virgini 31 Dominica XII Post Pentecosten

Saturday, August 16, 2025 II classis

S. Joachim Confessoris

post Pentecosten Albus

Fons: sancti · sancti/08-16 (C4)

Rubricæ

Gloria: sic Credo: non

Propria Missæ

Introitus

Ps 111:9

Dispérsit, dedit paupéribus: justítia ejus manet in sǽculum sǽculi: cornu ejus exaltábitur in glória.

Ps 111:1

Beátus vir, qui timet Dóminum: in mandátis ejus cupit nimis.

Dispérsit, dedit paupéribus: justítia ejus manet in sǽculum sǽculi: cornu ejus exaltábitur in glória.

Collecta

Deus, qui præ ómnibus Sanctis tuis beátum Jóachim Genetrícis Fílii tui patrem esse voluísti: concéde, quǽsumus; ut, cujus festa venerámur, ejus quoque perpétuo patrocínia sentiámus.

Graduale

Ps 111:9; 111:2

Dispérsit, dedit paupéribus: justítia ejus manet in sǽculum sǽculi.

Potens in terra erit semen ejus: generátio rectórum benedicétur. Allelúja, allelúja.

O Jóachim, sanctæ conjux Annæ, pater almæ Vírginis, hic fámulis ferto salútis opem. Allelúja.

Alleluia

Allelúja, allelúja.

Ps 111:2

Potens in terra erit semen ejus: generátio rectórum benedicétur. Allelúja.

O Ioachim, sanctæ conjux Annæ, pater almæ Vírginis, hic fámulis ferto salútis opem. Allelúja.

Tractus

Ps 20:3-4

Desidérium ánimæ ejus tribuísti ei: et voluntáte labiórum ejus non fraudásti eum.

Quóniam prævenísti eum in benedictiónibus dulcédinis.

Posuísti in cápite ejus corónam de lápide pretióso.

Evangelium

Initium ++ sancti Evangélii secúndum Matthǽum

Matt 1:1-16

Liber generatiónis Jesu Christi, fílii David, fílii Abraham. Abraham génuit Isaac. Isaac autem génuit Jacob. Jacob autem génuit Judam et fratres ejus. Judas autem génuit Phares et Zaram de Thamar. Phares autem génuit Esron. Esron autem génuit Aram. Aram autem génuit Amínadab. Amínadab autem génuit Naásson. Naásson autem génuit Salmon. Salmon autem génuit Booz de Rahab. Booz autem génuit Obed ex Ruth. Obed autem génuit Jesse. Jesse autem génuit David regem. David autem rex génuit Salomónem ex ea, quæ fuit Uriæ. Sálomon autem génuit Róboam. Róboam autem génuit Abíam. Abías autem génuit Asa. Asa autem génuit Jósaphat. Jósaphat autem génuit Joram. Joram autem génuit Ozíam. Ozías autem génuit Jóatham. Jóatham autem génuit Achaz. Achaz autem génuit Ezechíam. Ezechías autem génuit Manássen. Manásses autem génuit Amon. Amon autem génuit Josíam. Josías autem génuit Jechoníam et fratres ejus in transmigratióne Babylónis. Et post transmigratiónem Babylónis: Jechonías génuit Saláthiel. Saláthiel autem génuit Zoróbabel. Zoróbabel autem génuit Abiud. Abiud autem génuit Elíacim. Elíacim autem génuit Azor. Azor autem génuit Sadoc. Sadoc autem génuit Achim. Achim autem génuit Eliud. Eliud autem génuit Eleázar. Eleázar autem génuit Mathan. Mathan autem génuit Jacob. Jacob autem génuit Joseph, virum Maríæ, de qua natus est Jesus, qui vocátur Christus.

Offertorium

Ps 8:6-7

Glória et honóre coronásti eum: et constituísti eum super ópera mánuum tuárum, Dómine.

Secreta

Súscipe, clementíssime Deus, sacrifícium in honórem sancti Patriarchæ Jóachim, patris Maríæ Vírginis, majestáti tuæ oblátum: ut, ipso cum cónjuge sua et beatíssima prole intercedénte, perféctam cónsequi mereámur remissiónem peccatórum et glóriam sempitérnam.

Communio

Luc 12:42

Fidélis servus et prudens, quem constítuit dóminus super famíliam suam: ut det illis in témpore trítici mensúram. (Allelúja.)

Postcommunio

Quǽsumus, omnípotens Deus: ut per hæc sacraménta, quæ súmpsimus, intercedéntibus méritis et précibus beáti Jóachim patris Genetrícis dilécti Fílii tui, Dómini nostri Jesu Christi, tuæ grátiæ in præsénti et ætérnæ glóriæ in futúro partícipes esse mereámur.

Lectiones additae

GradualeP

Ps 111:2

Allelúja, allelúja. Potens in terra erit semen ejus: generátio rectórum benedicétur. Allelúja. O Ioachim, sanctæ conjux Annæ, pater almæ Vírginis, hic fámulis ferto salútis opem. Allelúja.