Calendarium Liturgicum

Missale Romanum 1962 (Forma Extraordinaria)

1969 1962

Hodie Friday, April 17, 2026

S. Aniceti Papae et Martyris

Tempus Paschale Feria Ruber

Ad hodiernum

Mon

Tue

Wed

Thu

Fri

Sat

Sun

1 S. Joseph Opificis 2 S. Athanasii Confessoris Ecclesiae Doctoris 3 Ss. Alexandri et sociorum Martyrum 4 S. Monica Vidua 5 S. Pii V Papae Confessoris 6 Feria Tertia infra Hebdomadam II post Octavam Paschæ 7 S. Stanislai Episcopi Martyri 8 Die II infra Octavam Patrocinii St Joseph 9 S. Gregorii Nazianzi Episcopi Confessoris Ecclasiae Doctorum 10 S. Antonii Episcopi Confessoris 11 Ss. Philippi et Jacobi Apostolorum 12 Ss. Nerei, Achillei et Domitillae Virgini atque Pancratii Martyrum 13 S.Roberti Ballarmino Episcopi Confessoris et Ecclesiae Doctoris 14 Die Octava Patrocinii St Joseph 15 S. Joanni Baptistae de la Salle Confessoris 16 S. Ubaldi Episcopi Confessoris 17 S. Paschalis Baylon Confessoris 18 S. Venantii Martyris 19 S. Petri Celestini Papae Confessoris 20 S. Bernardini Senensis Confessoris 21 Feria Quarta infra Hebdomadam IV post Octavam Paschæ 22 Feria Quinta infra Hebdomadam IV post Octavam Paschæ 23 Feria Sexta infra Hebdomadam IV post Octavam Paschæ 24 Sabbato infra Hebdomadam IV post Octavam Paschæ 25 S. Gregory VII Papae Confessoris 26 S. Philippi Neri Confessoris 27 S. Bedæ Venerabilis Confessoris et Ecclesiæ Doctoris 28 S. Augustini Episcopi Confessoris 29 In Ascensione Domini 30 Feria VI infra Octavam Ascensionis 31 Beatae Mariae Virginis Regina

Monday, May 26, 2025 III classis

S. Philippi Neri Confessoris

Tempus Paschale Albus

Fons: sancti · sancti/05-26 (C5)

Rubricæ

Gloria: sic Credo: non

Commemorationes

S. Eleutherius pope and martyr Feria

Propria Missæ

Introitus

Rom 5:5

Cáritas Dei diffúsa est in córdibus nostris per inhabitántem Spíritum ejus in nobis. (Allelúja, allelúja.)

Ps. 102:1

Benedic, ánima mea, Dómino: et ómnia, quæ intra me sunt, nómini sancto ejus.

Cáritas Dei diffúsa est in córdibus nostris per inhabitántem Spíritum ejus in nobis. (Allelúja, allelúja.)

Collecta

Deus, qui beátum Philíppum Confessórem tuum Sanctórum tuórum glória sublimásti: concéde propítius; ut, cujus sollemnitáte lætámur, ejus virtútum proficiámus exémplo.

Epistola

Léctio libri Sapiéntiæ

Sap 7:7-14

Optávi, et datus est mihi sensus: et invocávi, et venit in me spíritus sapiéntiæ: et præpósui illam regnis et sédibus, et divítias nihil esse duxi in comparatióne illíus: nec comparávi illi lápidem pretiósum: quóniam omne aurum in comparatióne illíus arena est exígua, et tamquam lutum æstimábitur argéntum in conspéctu illíus. Super salútem et spéciem diléxi illam, et propósui pro luce habére illam: quóniam inexstinguíbile est lumen illíus. Venérunt autem mihi ómnia bona páriter cum illa, et innumerábilis honéstas per manus illíus, et lætátus sum in ómnibus: quóniam antecedébat me ista sapiéntia, et ignorábam, quóniam horum ómnium mater est. Quam sine fictióne dídici et sine invídia commúnico, et honestátem illíus non abscóndo. Infinítus enim thesáurus est homínibus: quo qui usi sunt, partícipes facti sunt amicítiæ Dei, propter disciplínæ dona commendáti.

Graduale

Ps 33:12; 33:6

Veníte, fílii, audíte me: timórem Dómini docébo vos.

Accédite ad eum, et illuminámini: et fácies vestra? non confundántur. Allelúja, allelúja.

Lam 1:18

De excélso misit ignem in óssibus meis, et erudívit me. Allelúja.

Alleluia

Allelúja, allelúja.

Lam 1:13

De excélso misit ignem in óssibus meis, et erudívit me. Allelúja

Ps 38:4

Concáluit cor meum intra me: et in meditatióne mea exardéscet ignis. Allelúja.

Evangelium

Sequéntia ++ sancti Evangélii secúndum Lucam

Luc 12:35-40

In illo témpore: Dixit Jesus discípulis suis: Sint lumbi vestri præcíncti, et lucernæ ardéntes in mánibus vestris, et vos símiles homínibus exspectántibus dóminum suum, quando revertátur a núptiis: ut, cum vénerit et pulsáverit, conféstim apériant ei. Beáti servi illi, quos, cum vénerit dóminus, invénerit vigilántes: amen, dico vobis, quod præcínget se, et fáciet illos discúmbere, et tránsiens ministrábit illis. Et si vénerit in secúnda vigília, et si in tértia vigília vénerit, et ita invénerit, beáti sunt servi illi. Hoc autem scitóte, quóniam, si sciret paterfamílias, qua hora fur veníret, vigiláret útique, et non síneret pérfodi domum suam. Et vos estóte paráti, quia, qua hora non putátis, Fílius hóminis véniet.

Offertorium

Ps 118:32

Viam mandatórum tuórum cucúrri, cum dilatásti cor meum. (Allelúja.)

Secreta

Sacrifíciis præséntibus, quǽsumus, Dómine, inténde placatus: et præsta; ut illo nos igne Spíritus Sanctus inflámmet, quo beáti Phílippi cor mirabíliter penetrávit.

Communio

Ps 83:3

Cor meum et caro mea exsultavérunt in Deum vivum. (Allelúja.)

Postcommunio

Cœléstibus, Dómine, pasti delíciis: quǽsumus; ut beáti Philippi Confessóris tui méritis et imitatióne, semper eadem, per quæ veráciter vívimus, appetámus.

Lectiones additae

GradualeP

Lam 1:13Ps 38:4

Allelúja, allelúja. De excélso misit ignem in óssibus meis, et erudívit me. Allelúja Concáluit cor meum intra me: et in meditatióne mea exardéscet ignis. Allelúja.